PDK-Êraq û Leyistokên Wan -V-

Kurdistana Serbixwe!

Di her demek kû PDK dikeve di nava tengaviyan de, yek ji
textîk û direwa herî mezin kû serî lêdide gotina “Kurdistana Serbixwe-Dewleta
Serbixwe ye. Ji roja avabûye heta niha qaşo armancek wan ya wuha heye. Lê bi
dirêjahiya dîroka wan gelik caran derfetên wuha ketine di destê wan de, lê
pêknehanîne. Gelik sedemên vê hene:

•             PDK
rêxistineke girêdayî dewletên Rojavayî ye û di bin bandora dewletên dagirkerên
Kurdistanê de ye. Ji ber vê jî bi caran bi tehdîdên dewletên mîna Turkiye, Êraq
û Îranê dest ji vê armanca xwe berdaye û çavê xwe lê giritye.

•             Li salên
1970’an ma derfetek wuha neketibû di destê wan de? Çima dewleta Kurdî
neragihandin? Ji tirsa derdor û dagirkerên Kurdistanê û ji ber kû Rojavayiyan
destûra wan neda bû.

•             Li salên
1980’an di şerê di navbera Êraq û Îranê de ma derfetek wuha dernektibû û Êraq
gihabû asta têkçoyînê, çima dewleta Serbixwe neragihandin? Dîsan heman tişt.

•             Li sala
1992’an ma parlementoya Kuridstanê nehat avakirin? Ma hêza leşkerî ya Sedam bi
êrişên USA heta bi pişta Bexda paşve nekişiya? Çima dewlet nehat ragihandin?
Amerîka û Turkiye destûr nedan.

•             Ma li
sala 2003’an dijminê mezin Sedam têkneço û Êraq dabeş nebû? Çima hingê dewleta
Kurdî nehat ragihandin? Êraq bibû sê beş, çima li Kerkûk xwedî derneketin û
dewleta xwe neragihandin? Dîsan tirsan û hatin xapandin.

•             Li sala
2014’an ma Êraq dubare bi hatina DAIŞ’ê re dabeş nebû? Ma di Kurdistanê de ti
artêşek ji bilî pêşmerge hebû? Çima dewleta Kurdî nehat ragihandin? Vê carê
Sunnîyan ew xapandin û ji ber kû bi hevre peyman çêkiribûn Mala Barzan!

Gelik carên din wuha çêbûye û derfetên ragihandina Dewleta
Serbixwe derketiye holê. Lê ji bo ragihandina dewleta Serbixwe ne kû tenê
derfetên sîyasî, lê divêt hêz û îradeya siyasî jî hebe. Ji roja avabûna PDK’ê
ve, ti caran wan bi tena serê xwe nekarîne biryara xwe bidin. Ma bi vî awayî
çawa îradeya siyasî yê derbikeve?

Herî dawî, piştî têkçonên PDK’ê yên li herêmê û bi taybet li
Şengalê, birêz Barzanî dîsan dest avêtiye heman mertalê dewleta Serbixwe. Bi vî
awayî dixwaze hem dubare bûyîna serokê herêmê bixe di bin garantiyê de, hem jî
piçek be jî rûyê PDK’ê spî bike. Diyare partiyên din yên Başûr jî qederek ji
van gotinên bi sêhr yên Barzanî bandor bûne!

Ger Mifteya Dewleta
Serbixwe Bidin Barzanî jî, Ew Nikare Dewletê Ragehîne!

Ez vê ne bi armanca reşkirinê dibêjim. Rastî li ber çavane.
Ma ne birêz Barzanî bû pêş demek kurt ji bo destûrgirtinê ço Amerîka û ji wan
destûr xwast. Lê destûr mîna gelik carên raborî nehat dayîn. Gotinek ya pêşiyên
Kurdan heye: Hêviya deran, xweliya li seran! anjî “Seriyê li ber minetan, bila
biçe nava heft zêretan! Li gora min ya balkêş ewe kû pir kes ji vê
propagandaya Barzanî bawer dikin û di çapemeniyê de jî cihek mezin didinê. Ya
şerm û sersorman, hemî jî dibêjin “Obama destûr nedaye! Ango dibêjin birêz
Barzanî çobû destûrê û dest vala vegeriya. Lê dîsan nîqaşan didin domandin. Ma
li kî dera cîhanê dewlet bi destûra kesên din hatiye ragihandin?

Ya ecêb jî, bi vê qeyrana aborî ya heyî ragihandina dewleta
Serbixwe, qederek komîke. Ev nêzîkê saleke, hukumeta herêmê nekariye gotina xwe
bi ser ya Adil Ebdulmehdî de bibe ango nekariye tenê wezaretek ya Bexdayê jî
razî bike kû mûçeyê herêmê rêbike. Bi vê îradeyê, mirov dikare çawa dewleta
Serbixwe ragehîne? Divêt mirov gelê xwe nexapîne û rastiyên heyî jêre bêje. Ev,
di heman demê de berpirsyartiyek ya sîyasî, exlaqî û niştimanperweriyê ye jî.
An ne, bi xeyalên xemilandî, bi sloganên girover di holek mîna Rojhilata Navîn
de polîtîka kirin, tenê dikare bi karesatan bi encam bibe.

Germahiya vê propagandaya Dewleta Serbixwe bandora xwe li
Bakurê Kurdistanê jî kiriye. Di dema hilbijartinan de gelik cuwanên Kurd alaya
herêma Kurdistanê hildidan jor û wekû dewletek Kurdî hebe, pesnê wê didan. Lê
dibe kû piştî demekê ew jî bikevin di ferqa vê xapê de û rastiya heyî bizanin.
PDK li ser wê alayê re dixwaze xwe rewa bike û di nava Kurdan de nirx qezenç
bike ew alaya kû li Çarçira ji aliyê wan ve bêkes hatî hiştin!

Şanstêr Memê

Kürdistan Stratejik
Araştırmalar Merkezi

www.lekolin.com –
www.lekolin.org – www.lekolin.net – www.lekolin.info – www.navendalekolin.com

0

21

TR

:” ”

:””

” “,” ”

:” ”