Pişt perdeyên bûyera Serokê Şaxa PDK’ê ya Germiyanê Ekrem Salih ê ku di 15’ê Tîrmehê de li navçeya Kelar a Silêmaniyê ji sûîqesta li ber mala xwe sax filitîbû, eşkere dibe. Bi taybetî ragihandinên PDK’ê yên ku dixwazin hewildana suîqasta Ekrem Salih a PDK’yî bixin sitûyê PKK’ê, derket holê ku talîmata kuştinê ji aliyê yek ji berpirsiyarên Parastine Muhammed Ertuşî ve hatiye dayîn.
ERTUŞÎ TALÎMAT DA, RESUL BEXTIYARÎ Û MUHEMED ZÊRANÎ PÊK ANÎN
Kesekî ku diyar kir ew endamê PDK’ê ya Şaxa Germiyanê ye û ji ber ewlehiya canê xwe nexwest navê xwe aşkere bike, anî ziman ku Ekrem Salih ji aliyê yek ji berpirsiyarên Parastin Muhammed Ertûşî ve bi hinceta ku gelek caran Salih agahî bi îstîxbarata YNK’ê Zanyarî re parve kiriye hatiye hişyarkirin. Heman kes van agahiyan parve kir: “Em dizanin ku di bin rêveberiya Muhammed Ertuşi de li Mesîfê, di 12’ê tîrmehe de bi komen endamên Parastin a ji 5 kesan pêk dihat re civîn lidarxistiye. Ji aliyê Ertuşî ve talîmat hatiye dayîn û ji aliyê Muhamed Zêranî û Resul Bextiyar jî ku li herêma Germiyanê her kes dizane endamên Parastinê ne ve sûîqast li Ekrem Salih hatiye kirin. Em dizanin ku Muhamed Zêranî li semta Şehram a taxa Kani Ba ya Silemaniyê dimîne û Resul Bextiyar jî li herêma Raperîn endamê Parastinê ye û bi nasnav Ebû Sazkar tê naskirin. Yanî jibilî min gelek kes dizanin ku yê hewildana kuştinê li Ekrem Salih kirine ev her du kesin. Lê ji ber Parastin û MÎT di heremê de li gelek kesan gef û tehdît kirine kes newêre biaxive.
SEDEMA SÛÎQASTÊ?
Endamê PDK’ê diyar kir ku sedema hewildana kuştina Ekrem Salih dibe ku Ekrem 4-5 caran bi endamên YNK’ê yên ku tê gotin endamên Zanyarî re hevdîtinan kiriye û van hevdîtinên ku wek e danûstandina fikir û nêrinên li ser heremên parve kiribe wek e hincet dîtibin û ev hevdîtin bê agahiya Parastin hatine kirin.
Endamê PDK’ê ya Şaxa Germiyanê ev agahî dan: “Ji ber ku ev du endamên Parastin ên ku hewildana kuştinê kirine, berê jî gelek caran di sohbet û axaftinên bi derdorê re dihat kirin, wek e di bin ebayê de dara lêdanê nîşan bidin, digotin ‘navbêra we û YNK/Zanyarî pir baş e, em vê yekî dibînin! Ka wiha dewam bikin em bibînin!”
Hat destnîşankirin ku armanca hewildana kuştina Ekrem Salih, ji bo ji vê gengeşiya di heremê de bilind dibe sûd werbigirin û bi hinceta ku bi Zanyarî an jî YNK’ê re hevdîtinan dike bixin stûyê Zanyarî an jî PKK’ê û bêjin wana kiriye. Sedemek e din jî dibe ku ji ber Salih hevdîtin an jî agahî bi YNK-Zanyarî re parve kiribe xwestibin bi temamî xwe jê xilas bikin.
