Li Idlibê, HTŞ di van demên dawî de ji bo berfirehkirina asta xwe ya leşkerî gavek balkêş avêtiye. Li gorî agahiyên ku me bi destxistî, pêvajoya perwerdeyê ya komek ji 1500 kesan a girêdayî HTŞ’ê ber bi dawî dibe. Tê plankirin ku ev kom piştî perwerde bi dawî bike, ji Serekaniyê re were şandin, ev tevger destnîşan dike ku HTŞ li herêmê dest bi pêngavek nû ya stratejîk kiriye. Her çend ev amadekarî di bin navê dabînkirina ewlekariya gel de be jî, weke hewldanên rawestandina pêşveçûna QSD’ê tê bidestgirtin.
JI BER SEDEMÊN EWLEHIYÊ HEWLDANA BICÎHBÛNA HERÊMÊ
Ev pêşketin ne tenê çalakiyeke leşkerî ye, di heman demê de potansiyela wê heye ku hevsengiya hêza herêmê ji nû ve biguherîne. Armanca vê tevgera HTŞ’ê ew e ku hebûna xwe li Serêkaniyê zêde bike da ku herêmê bi tevahî kontrol bike û komên din ên çekdar ên li herêmê tevdigerin lewaz bike. Hewldana HTŞ’ê ya ji bo bicihbûna li herêmê, projeyek nû ya dagirkeriyê ye ku li dijî vîna gel tê meşandin. Lê hat diyarkirin ku komên HTŞ’ê yên derbasî herêmê bûne şêweya nû ya çeteyên hatine derxistinin ku tenê cil û bergên xwe guhertine.
ROLA ŞAMÊ Û RÊVEBERIYA MÎT’Ê
Derbasbuna Şamê bo van herêman wekî proseya “normalîzasyonê” tê nîşandan jî, ev gav bi rastî bi rêberiya rasterast a MÎT’ê pêk tê. Navendên ku tê plankirin li Girê Spî û Serêkaniyê bêne avakirin; ji xalên polîsên sivîl û leşkerî, deriyên sînor ên bi yekîneyên îstîxbaratê û navendên meclîsên herêmî pêk tên. Bi rêya van navendan, MÎT armanc dike ku komên çete yên li herêmê ji nû ve organîze bike, Şamê bike amûrek û kontrola xwe sazûman bike. Malpera me di nûçeya taybet a 25’ê Tîrmehê de diyar kiribû ku di qonaxa yekem de 700 kes bo Girê Spî û 600 kes jî bo Serêkaniyê hatine veguhestin; ev yek jî gaveke sazûmanî ya stratejîk e ku armanca wê kûrkirina kontrola îdarî û leşkerî ye.
AMADAKARIYA ŞER Û PIŞTGIRIYA EŞÎRAN
Malpera me Lekolin.org di nûçeya taybet a 1’ê Îlona 2025’an de ragihandibû ku di 16-17’ê Tebaxa 2025’an de li Serêkaniyê û Hawar Kilîsê civînên MÎT’ê bi serokên komên çete yên li herêmê re pêk hatine û mijara sereke ya van civînan planên li ser eşîrên li rojhilatê Firatê û amadekariyên ji bo şerekî muhtemel bûn, ku ev yek bi hûrgilî hatibû eşkerekirin.
MODELA NÛ YA EFRÎN, DESTWERDANA VÎNA GEL
Ev plana ku HTŞ û MÎT’ê li Serêkaniyê û Girî Spî dimeşînin, heman model a ku vîna gelê Efrînê bi dest xistiye. Hewldana “lihevhatina” gel a di bin navê navbeynkariyê de, di rastî de amadekariya destpêkê ya dagirtina herêmê bi çeteyan e. Bi gotina “Çete çûne, hûn dikarin herin malên xwe” hewl didin raya giştî bixapînin. MÎT û HTŞ di bin navê razîkirina gel de hewl didin gel bixin bin zextê û wan manîpule bikin. Îhtîmala pratîkkirina xalên peymanê yên di navbera QSD û HTŞ’ê de ji bo MÎT û HTŞ’ê weke xeteriyeke cidî tê dîtin. Di rewşeke wiha de QSD dikare rasterast derbazî Serekaniyê û Girê Spî bibe. MÎT û HTŞ ku dixwazin vê îhtîmalê ji holê rakin, hewl didin herêmê bi mekanîzmayên xwe zêde bikin.
