DAIŞ’ê yê ku di serî de li ser axa Iraq û Sûriyê de û li gelek welatên wek e Yemen, Efrîqaya Başûr, Tirkiye û Lîbyayê xwe ji nû ve birêxistin dikin û ji bo êrîş bikin şaneyên xwe yên razayî aktîv dike, bi MÎT’ê re bi awayek kordîneyî çeteyên ku tên perwerdekirin dişînin welatên Ewropayê jî.
Rejîma AKP-MHP’ê ku dibêje; “Idlib ji me tê pirsîn” di qadên bin hakimiyeta wê de serçeteyên DAIŞ’ê tên bicihkirin, xwe birêxistin dike û şaneyan vedikin. DAIŞ a ku di xetên Minbic, Reqa û Dêrazorê de têk çû, yek ji xeta ku divê xwe jê kişandibûya Idlib bû. Ji înfaz, êrîşên bombeyî û çalakiyên întîxarî yên dihatin kirin tê fêmkirin ku DAIŞ hê ji sala 2018’an ve xwe di Idlibê de birêxistin dike.
ÇETEYÊN DIŞÎNIN WELATÊN EWROPAYÊ DI QAMPÊN TAYBET ÊN MÎT’Ê DE TÊN PERWERDEKIRIN
Li gor agahiyên ku me bidest xistî, serçeteyê DAIŞ’ê yê bi navê Ebû Ebid El Rihman El Belcikî, li herêma Cebel Zawiyê ya Idlibê de di qampeke taybet a ji aliyê MÎT’ê ve hatî avakirin û tê fînansekirin de çeteyên DAIŞ’ê yên têne perwerdekirin, piştre dişînin welatên Ewropayê. Ev serçete bi eslê xwe ji Belçîkaye, bi jinek Ewropî re zewiciye û 3 zarokên wî hene.
Berpirsiyarê qampa ku çeteyên DAIŞ’ê kom bi kom tên perwerdekirin jî kesekî bi navê Ebû Xalid El Tacikî ku bi eslê xwe Tacikîstanê ye. Di vê kampî de ku ji aliyê hêzek zêde ve ewlekariya wê tê girtin Ebû Ebid El Rihman El Belcikî bi sûbayên ku ji aliyê MÎT’ê ve hatine erkdarkirin re perwerdeya teqemenî-bombeyên taybet û suîqastê didin çeteyên DAIŞ’ê.
Li gor raporên Konseya Ewlekariya Neteweyên Yekbûyî (NY), li Sûriyê û Iraqê nêzî 10 hezar çeteyên DAIŞ’ê hene û piraniya wan di heremên bejayî de xwe ji nû ve birêxistin dikin.
DAIŞ, ji bûyerên ku di asta heremî û navnetewî de diqewimin, bi taybet ji şerê navbêra Îsraîl û Hamasê sûd werdigire û bi piştgiriya dewleta Tirk a dagirker hewil dide xwe ji nû ve di heremê de bi cih bike û bizivire rewşa xwe ya berê. Li ser vê esasî DAIŞ firsenda endamên nû girt û lez da xebatên xwe yên ji nû ve rêxistinkirinê. Dewleta Tirk a dagirker ji bo armanca xwe yên di heremê de pêk bîne û gefên xwe yên li dijî Ewropayê xûrt bike her cure piştgirî û fînansmaniya çeteyên DAIŞ’ê dike.
