Hate hînbûn ku dewleta Tirk a dagirker ku di rûxandina hikûmeta 61 sala ya Şamê de rola taşeron girtibû ser xwe, hewl dide ku bandora xwe ya leşkerî û siyasî li Sûriyeyê ava bike. Di vê çerçovêde emîrekî DAIŞ’ê wezîfedar kir ku bi rêya MÎT’ê re têkiliyên xwe yên bi îstixbarata HTŞ’ê ya li Şamê re kordîne bike.
Li gorî agahiyên ku me ji çavkaniyên pêbawer bi dest xistine, dewleta Tirk a dagirker di 3’ê Sibatê de emîrekî DAIŞ’ê yê bi navê Mihemed Şîlbî ji bo rêvebirin û kordînekirina têkiliyên di navbera MÎT’ê û îstixbarata Sûriyeyê ya girêdayî HTŞ’ê erkdar kiriye. Hate hînbûn ku bi ekîba MÎT’ê re li otela “For Seasion” bi cih bûye.
Hate zanîn ku (Ebû Ednan) ku xelkê gundê Şêx Îsa yê gundewarê Helebê yê Sûriyê ye û bi nasnavê “Mihemmed Şîlbî” tê naskirin, berê berpirsê tevlikirina çeteyên biyanî (bi taybetî koçber) ji bo nav refên DAIŞê û pêkanîna operasyonên li ser sînor bû. Hate diyarkirin ku wî ji bo kesên ji Fas û Tûnisê tevlî DAIŞ’ê bike kar kiriye û ji bo wan bigihînin herêmên cuda, herêmên Bakur û Rojhilatê Sûriyeyê jî di nav de, belgeyên sexte amade kirine.
Di nûçeya taybet a malpera me Lekolin.org de ku di 12’ê Çileya 2025’an de hate weşandin de derket holê ku dewleta Tirk a dagirker ku hewl dide dagirkeriya xwe ya li tevahiya Sûriyeyê mayînde bike, dixwaze bi rêya MÎT’ê herêmê ji aliyê siyasî û dîplomatîk ve bixe bin kontrola xwe û di vê çarçoveyê de jî tîmeke taybet a ji aliyê MÎT’ê ve ji bo pêkanîna xebatên hikûmeta nû ya Şamê hatiye avakirin.
Dîsa di nûçeya 23’ê Kanûna 2024’an de malpera me diyar kir ku HTŞ û MÎT’ê li gelek herêmên Sûriyeyê bi taybet li Şam û Helebê navendên hevpar ava kirine.
Her wiha di nûçeyeke din a 8’ê Çileya 2025’an de ku bal kişand ser wê yekê ku dewleta Tirk a dagirker hewl dide bandora xwe ya siyasî, aborî û leşkerî li qada Sûriyeyê bi cih bike. Li ser vê esasî hate diyarkirin ku dewleta Tirk a dagirker zêdetirî 500 leşker û personelên payebilind li Şamê û gundewarê wê bi cih kiriye.
