16 Aralık 2010 Perşembe Saat 13:17
KCK’ê helwesta Serokomarê Tirk Abdullah Gul û Alîkarê Serokwezîr Bulent Arinç ya li dijî axaftina Kurdî ya parlementerên BDP’ê ya li Meclîsê wek ‘nîşana zîhniyeta înkar û tunekirinê’ binav kir û got “Kî dibe, bila bibe, erk, nav û dengê wî/wî çi be bila ew be, kesek nikare heqaretê li Kurdan bike, em nahêlin siyaseta înkarkirinê rewa bibe. Herwiha KCK’ê bang kir ku Kurdî li hemû qadên jiyanê bê bikaranîn.
Serokatiya Konseya Rêveber a KCK’ê di daxuyaniya nivîskî de diyar kir ku di encama operasyonan de jimara gêrîlayên jiyana xwe ji dest dane zêde dibin, li qada siyasî girtin, binçavkirin , zext û înfazên li ser Kurdan zêde bûne û got “Ya herî girîng jî di mijara zimanê Kurdî de hîn dest ji înkar û tunekirna zimanê Kurdî nehatiye berdan.
Di daxuyaniyê de hat gotin ku “AKP ji bo şovenîzmê bi MHP’ê re ketiye nava pêşbirkê û wiha berdewam dike: “Hinek parlementerên BDP’ê dixwazin hi zimanê xwe yê zikmakî pirsgirêkan bînin ziman, gotinên Serokomar Abdullah Gul, Serokê Meclîsê Mehemet Alî Şahîn û Alîkarê Serokwezîr Bulent Arinç yên derbarê vê yekê de, hewlesta wana ya bingehê xwe ji zîniyeta înkar û nijadperest digire radixe ber çavan.
Hikûmeta AKP’ê ya ku li hemberî nunerên Kurd yên li Meclîsê bi zimanê zikmakî dipeyvin ewqas bêtehemûl û tehdîtkar, dibêje ez ê ‘pirsgirêka Kurd piştî hilbijartinê çareser bikim’, herwiha gotina wê ya ku bibêje em ê vê yekê bi bi guhertina destûra bingehîn çareser bikin, gelo mirov dikare çiqas ji vê yekê bawer bike?
KCK’ê di daxuyaniya xwe de wiha got “
“Kî dibe, bila bibe, erk, nav û dengê wî/wî çi be bila ew be, kesek nikare heqaretê li Kurdan bike, em nahêlin siyaseta înkarkirinê rewa bibe. Çawa ku polîtîkaya qirkirinê hovane û ya ku serê mirovan ranake, ya li hemberî hebûna netewa Kurd bê encam ma, êdî li hemberî vî gelî ku êdî di zanebûna hebûna xwe de, xwe rêxistin kirî, ji bo azadiya xwe gelek bedel û niha jî bi canê xwe bedel dide, wê polîtîkayên înkar û tunekirinê tu encamek negire. Jixwe êdî Gelê Kurdistanê êdî li ser bingehê parastina hebûna xwe û gihiştina azadiya xwe , bi awayek zêdetir bi zanebûn li ziman, rûmet û şerefa xwe dibe xwedî, herwiha êdî biryar daye li her qadê jiyanê bi zimanê xwe bi axive. Wê ji niha û pêve jî ji pêşxistina zimanê xwe, xwendin, nivîsin, zanîst, hiqûq, siyaset û hunerê bi bi zimanê xwe bike û wê ji bo vê yekê têbikoşe jî.
KCK’ê di daxuyaniya xwe de bal kişand ser salvegera yekemîn a Necmî Oral û Kemal Agcayê ku li navçeya Mûşê Kopê ji aliyê kontrayên girêdayî JÎTEMê ve hatibû qetilkirin. Di daxuyaniyê de hate gotin ku, “ Pêkutiya li dijî gelê Kurd, îşkence, girtin, qetliyam û hemû êrîş, îskeletê siyaseta kolonîkar a dewleta Tirk teşkîl dike, kesên ku ev qetliyam pêk aniye di bin baskê AKP’ê de îro ji xwe re li meydanê digere. Di heman rewşê de kujerên Ûgûr Kaymaz, Ceylan Onkol, Mehmet Aytûn û kujerên ciwanan dîsa bi serbestî digerin.
Di daxuyaniyê de derbarê Sedat Karadag ê berdevkê CWD’ê ku li Geverê ji aliyê leşkerên Tirk ve hate birîndarkirin ev hate gotin:
“ Xwestin ku ciwanê Kurd Sedat bKaradag li ber çavên her kesî qetil bikin. Ev encama siyaseta AKP’ê ye. Em careke din destnîşan bikin ew guleya bera Karadag dane bera hemû gelê Kurd dane û bera pêşeroja wan daye. AKP dewleta xwe ya kûr ava dike, di avakirina vê dewleta kûr de çawa ku Şêrzan Kûrt, Aydin Erdem hatin qetilkirin û bi taybetî hatibûn bijartin îro jî wisa bi zanebûn êrîşî ciwanên Kurd dikin û dixwazin qetil bikin. Tekane berpirsê van qetliyaman û hewldanan hukimeta AKP’ê ye. Di dema agirbesta tevgera me de ku wisa dike nêta AKP’ê ya derbarê çareseriyê de derdixe hole. AKP ne dildarê çareseriyê ye. Heger ne wisa bûya, qet nebûya van kesên ku qetliyam pêk aniye wê bihatana darizandin û wê wisa bi rehetî li meydanê negeriyana. Wê polîtîkayên ku ji mêj ve li ser Kurdan têne meşandin û tiştê herî baş kuştina kurda ye qebûl nekirana. “
Di daxuyaniyê de hate gotin ku hemû polîtîkayên înbkara gelê Kurd didome û wisa hate gotin “ Nîqaşkirina ku zimanê Kurdî wê li ku derê çiqas û bi çi rengî were axaftin konsepta înkarkirinê ya nû ye. Reform di siyaseta înkar û îmhayê de nayê kirin. Yan gelek tê nas kirin û Rêz jê re tê girtin an jî ew gel tê înkarkirin û hewldanên îmhayê pêk tên. Tiştê ku nîro tê kirin jî polîtîkayên înkarê ye. Hukimeta AKP’ê dixwaze zimanê Kurdî li malan, şanogehan û di qursan de bihêle. Xuyaye ku ev siyaseta serdema nû ya înkarê ye. Ev nayê qebûlkirin.
Di dawiya daxuyaniya xwe de KCK’ê banga vê yekê kir: “ Divê hemû gelê me, hemû ciwan, jin, siyasetmedar, hunermend zimanê Kurdî di hemû qadên jiyanê de ikar bînin û bide hînkirin û pêşve bibin û bersiva vê siyaseta sexte bidin. Divê neyê jibîrkirin ku ev rewşa zûlim, înkar û îmhayê wê şvenan wêrektir û wê şûrê asîmilasyonê tûjtir bike. Dive were zanîn ku ji niha û Pê de bi tirkî xeberdan tûjkirina wî şûrî ye, kesên ku dibêjin ez Kurd im û bi Kurdî bizane û alîgir3e çareseriyê be di di nava vê hewldanê de be. Li ser vî xîmî em bang li hemû gelê xwe dikin ku li her derê bi Kurdî xeber bidin, li zimanê xwe xwedî derkevin û di avakirina xweserika demokratîk de bi awayekî xurtir vîna xwe bikar bîne û tevbigerin dikin. -ANF
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
