12 Eylül 2017 Salı Saat 17:42
Ji ber van pêngavan wisa
diyar dibe ku aloziya Sûrî her ku diçê kûrtir dibe û bi vê yekê tê
destnîşankirin ku yên ku vê pêvajoyê bi rêve dibin ji dervehî berjewendiyên
xwecihî û takekesî, ti têkîliya wan bi heviyê azadiya gelê herêmê ve nîn e.
Helbet dema vê yekê didin nîqaş kirin, nayê wê wateyê wê
serî gelê ku li vê herêmê jiyan dike, ji van polîtikayan re biçemîne. Di serî
de, gelê Kurd û bi pêşengîtiya projeya “Netewa Demokrat” de, hemû
gelê herêmê wê li kijan alî ref bigirin û helwesteke çawa destnîşan bidin, xuya
ye.
Di 6 saliyên şoreşa rûmetê ya Sûrî de, netew û gelê li ser
axa Sûrî jiyan dike bi sedan şehîd dan ji bo vê axa pîroz ku rojeke azad bijîn.
Di şert û mercên gelek bi êş û zehmet re derbas bûn. Ji ber
vê yekê, ne civînên Astana û ne jî peymanê navnetewî dikarin birînên gel
bipêçe. Gelê Rojava û Sûriyê, li bajarên weke Heleb, Hema, Humus û bi bakur û
başûrê xwe ve di van salên borî de di gelek ezmûn re derbas bûye.
Bi salên dûv û dirêj, jiyan bi riya rêjîmê ve hemû
giranbuhayên xwe winda kirin û hatin desteserkirin, lê rêjîma Sûrî jî rojek
tenê nekarî vîna gel teslîm bigire.
Bi zihniyeta desthilatdariya rêjîmê, Artêşa Azad jî bi hemû
komên xwe yên leşkerî berê xwe dane gel li Sûrî, gel jî bê ferqxistinê, hemû
tiştên giranbuha kir qurbanê şoreşa Sûrî û dewrî Artêşa Azad kir. Ji ber civaka
Sûrî difikirî ku Artêşa Azad çiqas xirab e jî, lê ji rêjîmê çêtir e. Lê derket
holê ku heman demê de civaka Sûrî bi Kurd, Ereb û Suryaniyên xwe ve naskir ku
hem rêjîm, hem jî Artêşa Azad herdu qirêjahiyên yek sergûyîn e. Ango medaliya
bi rûyekî ne. Hate naskirin ku hizir û feraseta artêşa azad heman zihniyeta
rêjîmê bû. Ji ber vê yekê di demeke kurt de komên ser bi El- Qayîdê ve dest
danîn ser hemû nirxên pîroz yên gelê Sûrî ku serhildana gelan a şoreşgerî ê
Sûrî kirin. Ev yek bû sedem ku komên Selefî û Cebhet El Nusra û Cund Ellah yên
ser bi El-Qayîdê û Zerqawî de van nirxan dorpêç bikin û bixin xizmeta zihniyeta
paşverû ya beriya 1400 salan.
Bi êrîşên hovane yên DAİŞ ev rastî hîn zelal derket holê,
êrîşên ser civakê kirin û bi sedan pîr, kal, keçik û zarok terorîze kirin. Bi
teroreke dij mirovahiyê civaka xwedî şaristaniyeke kevnar 5000 salan, xwestin
di serdemeke wiha de tine bikin.
Di bingeha nêzîkbûna DAİŞ de, ferasta Artêşa Azad ya Rêjîma
Sûrî heye, lewra mirov nikare kiriyarên rêjima Sûrî, komên Artêşa Azad û DAİŞ
ji hevdu cuda bigire. Ev ferast ne di xizmeta ti ol û netew bi hevre jiyan
bikin. Têgîna radîkalizma îslama DAİŞ û Selefiyan dervehî îslamê tu ol û
mezheban nasnake, di heman demê de têgîna faşîzma netew dewlet Sûrî jî dervehî
şovenîzma Erebî tu netew û pêkhateyan li ser vê erdnîgariyê nasnake. Ji ber
zihniyeta ne qebul kirinê yek in. Hem kiryarên DAİŞ û hem jî kiryarên rêjîmê
yên di derheqê civakên Sûrî de, di şêwaz û pêkanînê de jî dibin yek. Mînak vê
yekê jî di ragihandina Federalîzma Bakurê Sûrî de xwe daye der. Yên herî zêde
li dijî projeya Federalîzmê disekinin û qebûl nakin, Rêjîma Sûrî, Opizîsyona
Sûrî û komên İslamî yên Selefî û yên ser bi El-Qayîdê ve ne. Ev nêzîkatî ne di
xizmeta îslamê û ne jî di xizmeta şovenzîma Ereban de ye. Bi wateyekî din tu
sûdê ji gelê herêmê re nahîne.
Li aliyekî din û di çarçoveya pêngavê pêşeroja Sûrî de,
tecrûbeya şoreşa Sûrî li Rojavayê Kurdistanê ezmûneke mezin girtiye. Ev yek
dihele ku di gelê li Bakurê Sûrî de jiyan dikin, rehetî û aramiyeke peyda bike.
Gel û civaka Sûrî naskir ku yekane riya xilasbûna ji nîrê zilmê, Federalîzma
Demokratîka ya Sûrî ye û riya wê di pêkanîna hilbijartinên demoratîk re derbas
bibe û hêza YPG, YPJ û QSD’ê garantiyên parastina vê perojeyê ne. Divê civak û
gel nasbike ku dervehî Federalîzma Bakurê Sûrî ku xwe dispêre hîmên Netewa
Demokratîk pêkane. Dervehî vê yekê behsa çareserî û Demokrasî kirin, her vala
ye.
Adnan Mustafa
Navenda Lêkolînên Stratejîk a Kurdistanê
www.lekolin.com – www.lekolin.org – www.lekolin.net –
www.lekolin.info -www.navendalekolin.com -http://kursam.org/index.html-
http://kursam.net/index.html
