Çete Derketina Malbatên Xutayî Ya Ji Efrînê Asteng Dikin

Hate ragihandin ku hin malbatên ji Xuta yên ku di Efrînê de hatibûn
bi cihkirin, xwestin ji Efrînê derkevin, rastî êrîşa çeteyên koma Firqet
El-Hemzet hatin. Di êrîşê de kuştî û birîndar hene. 

Piştî dagirkirina Efrînê ya ji aliyê dewleta tirk û komên çete yên
girêdayên wê ve, di encama lihevkirina Tirkiye û Rûsya de bi hezaran malbatên
endamên çeteyan û welatiyên Xûtayê li gund, navçe û bajarê Efrînê hatibûn
bicihkirin. Li gor agahiyan ji ber kiryarên çeteyan û pêvçûnên navxweyî ya di
navbêra sivîl û çeteyan de diqewimin û sivîl dibin qurbanî, malbatên Xutayî
dixwazin ji Efrînê derbikevin lê rastî êrîşên çeteyan tên. 

Li gor agahiyên çavkaniyekî ji
heremê ragihand, dema ku du malbatên Xûtayî tiştên xwe kom dikirin û dixwestin
ji Efrînê derkevin û vegerin Xutayê, rastî êrîşa çeteyên Firqet El-Hemzet
hatin. Hat destnîşankirin ku sedema êrîşê û astengkirina çûyina malbatan ew e
ku herêma hatiye dagirkirin naxwazin vala bibe. Hat diyarkirin ku yek ji van
malbatan ku zarokên wan endamên çeteyên din bûn, bi çek bersiva çeteyên El
Hemzet dan û pêvçûn qewimî. Hat zanîn ku di pêvçûnê de ji her du aliyan jî
kuştî û birîndar hene, lê di hêla hejmarê de agahiyek zelal nehat
bidestxistin. 

‘EV NE CARA YEKEMİN E’

Li gor agahiyên çavkaniyê, ne cara yekemîne ku
komên çete derketina malbatan asteng dikin û pêvçûn dijîn e. Çavkanî, ragihand
ku ev daxwaza derketina malbatên Xutayî û malbatên çeteyên ji Xutayê hatine
sedema wê hem nakokî û pêvçûnê di nava çeteyan de û sivîl qurbanî dibin, hem
çalakiyên YPG-YPJ ya li ser çeteyan zêde dibin û hem jî operasyona hêzên rejîma
Suriyê ya Idlibê ku ew jî bi xwe re fikara, Efrîn bikeve destê rejîmê ye.

0

21

KO

:” ”

:””

” “,” ”

:KO