YNK Hewil Dide Têkiliyên Xwe Bi Tirkiyê Re Xweş Bike

SİLÊMANÎ – Nêzî saleke peywendîyên YNK’ê bi hikmeta Turkiyê
re xirabune. Ji ber vê sedemê YNK demeke ketiye nava hewildanan de ku carek din
peywendîyên xwe bi hukumeta Tirkiyê re sererast bike. Li gorî hinek agahîyan di
nava 6 mehên derbazbuyî de şandeya YNK’ê du caran seredana Enqerê kiriye û
carekî ji seredana balyozxaneya Tirkiyê li Hewlêr kiriye.

Li gor agahiyan nêzî saleke peywendiyên Yekîtiya Niştîmanî
Kurdistan (YNK), bi dewleta tirk re xirabûne ev demeke di nava hewildanan de ye
ku careke din peywendiyên xwe çêbike. Hat diyarkirin ku şandeyên ji rêveberên
YNK’ê pêk tê, di nava 6 mehên dawî de 2 caran serdana Enqerê kiriye û carek jî
serdana balyozxaneya Tirkiyê ya li Hewlerê kiriye.

Têkilîyên
YNK Û Tirkiyê Çewa Xirabun?

Di 24’ê Hezîrana 2017’an de Tirkiyê nunertîya YNK’ê a li
Enqerê daxist û ji Nunerê YNK’ê Behruz Gelalî xwest ku di navbera sê rojan de
Tirkiyê terk bike. Ev pêngava Tirkiyê xirabuna têkilîyên wan gihand asta herî jor.
Gelalî piştî ku gihişt Herêma Kurdistanê gotibu ‘’Têkilîyên YNK û hukumeta
Tirkiyê wisa berdewam nakin, wê di demekî nêzde sererast bibin. Lê ez carek din
naxwazim erka nunertîya li Enqerê bigirim ser milê xwe, dixwazim li Silêmanî
bimînim.’’

Girtina
Balafirgehên Silêmanî

Piştî ku hukumeta Federal a Başurê Kurdistanê biryara
Referandumê da û li 25 Îlûna 2017’an ev biryar pêkanî, hukumeta Bexda weke
helwest dest danî ser balafirgehên navdewletî yên Hewlêr û Silêmanî û derîyên
Sinoran. Piştî wê ji hukumeta Bexda di 13’ê Adara 2018 an de ev qedexe rakir.
Lê piştî wê Tirkiyê ev qedexe xist ser balafirxaneya navdewletî ya Silêmanî
heya niha ji ev qedexe berdewame. Qedexeya Tirkiyê li ser balafirxaneya
Silêmanî bandorekî neyînî ya aborî li YNK’ê û tevahîya Silêmanî kir.

Desteserkirina
Endamên MİT’ê

Hêzên Taybet ên HPG’ê di 4’ê Tebaxa 2017’an de li navçeya
Dukan a girêdayî Silêmanîyê ku du endamên MİT’ê yên payebilind ên bi navê Erhan
Pekçetîn û Aydin Gunel jî heyî gelek xebatkarên wan bi operasyonekê desteser
kirin. Ji ber ku ev operasyon di alana YNK’ê de pêk hatibu, dewleta Tirkiyê dîn
û har bibu ji ber wê ya YNK’ê bi hinceta alîkarî daye PKK’ê suçdar dikir.

Hewildanên
YNK’ê Ji Bo Asayîkirina Rewşê

YNK’ê piştî daxistina balafirxaneya navdewletî ya Silêmanî û
daxuyanîyên rayedarên Tirkiyê yên wek ‘PKK bi temamî bandorîya xwe li ser biryarên
navendî ya YNK’ê dike’, ket nava hewildanên çareserîya pirsgirêkên xwe bi
Tirkiyê re.

Li gorî agahîyên ajansa nuçeyan ‘Peyamnêr’, di nava 6 mehên
derbazbuyî de YNK du caran şandeya xwe şandîye Enqerê ku bi rayedarên Tirkiyê
re goftuguyên çareserîyê pêşbixin. Her wiha Şandeya YNK’ê di bin serokatîya
Lahur Şêx Cengî berpirsê Hêzên Dij-Teror a YNK’ê serdana balyozxaneya Tirkiyê
li Hewlêr kiriye.

Di heman demê de di 30 Tirmeha 2018’an de berpirsê
Konsulusxaneya Tirkiyê li Hewlêr Hakan Karaçay li Hewlêr serdana Mekteba Siyasî
a YNK’ê kir û bi berpirsê peywendîyên giştî yê YNK’ê Seedî Ehmed Pîre re
runişt. Li gorî medya YNK ev hevditina li Hewlêr bûye despêkekî giring ji başbuna
têkiliyên herdu alîyan. Di vê civînê de Ehmed Pire, misogeriya peywendiyekî baş
û dostane di navbera herdu alîyan de da û diyar kir ku wê ev bibe sedema
pêşerojekî rohn ji bo danustandinên siyasî û aborî.

0

21

TR
KO

:” ”

:””

” “,” ”

Kürdistan Stratejik Araştırmalar Merkezi

www.lekolin.com – www.lekolin.org – www.lekolin.net –
www.lekolin.info -www.navendalekolin.com -http://kursam.org/index.html-
http://kursam.net/index.html

0

21

:” ”

:””

” “,” ”