27 Nisan 2011 Çarşamba Saat 13:20
Xwendekarên Zanîngeha Yuzuncu Yilê, bi boneya kuştina xwendekarê lîseyê Halîl Îbrahîm Oruç ê ji aliyê polîsan ve hate qetilkirin şermezar bike, li kampusa zanîngehê meşek pêk anî. Parlementer Ozdal Uçer jî anî ziman ku AKP’ê zanîngeh kirine hêlîna faşîstan û ew ê destûrê nedin vê yekê.
Endamên Komeleya Xwendekarên Zanîngeha Yuzuncu Yilê (YODER), bi boneya kuştina xwendekarê lîseyê Halîl Îbrahîm Oruç ê ku di 20’ê nîsanê de li Bîsmîlê ji aliyê polîsan ve qetilkirin şermezar bike, li kampusa zanîngehê meşek pêk anî. Xwendekaren ku li xwaringeha navendî kom bûn, destê xwe li maseyan xistin û kuştina Oruç şermezar kirin. Pişt re xwendekar ji xwaringehê derktin û li ber xwaringehê kom bûn, poster û pankarta ku wêneyên xwendekarê Zaningeha Muglayê Şerzan Kurt, xwendekare Zanîngeha Dîcleyê Aydin Erdem li ser hebûn vekir. Di meşa ku parlementerê BDP’ê yê Wanê Ozdal Uçer jî piştgirî da, bi sedan xwendekar amade bûn. Xwendekaran di meşê de sloganên “Bijî Serok Apo , “Rêheval Îbrahîm nemir e”, “Kurdistan wê ji faşizmê re bibe gor” berz kirin. Di meşê de polîsan tedbîren berfireh girtin û ev yek bû sedema nerazîbûna xwendekaran. Pişti ku xwendekaran bi kamerayên telefonan polîs kişandin û nasname ji polîsan xwestin, polîs dûr ketin. Li nokteya polîsan xwendekaran daxuyanîe da ûêrîşên li dijî xwendekaran şermezar kir. Li ser navê xwendekaran, xwendekarekî ku nexwest navê xwe bide dawûyanî da û kuştina Halîl Îbrahîm Oruç û êrîşên li dijî xwendekaran şermezar kir.
Parlementerê BDP’ê yê Wanê Ozdal Uçer jî daxuyanî da û anî ziman ku hikûmeta AKP’ê zanîngeha YYU’ê kiriye hêlîna faşîstan û ew ê destûrê nede ku zanîngeh bibin hêlîna faşîstan.-ANF
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
