Piştî desthilatdariya Rejîma Baasê ya Esad di nav 11 rojan de bi alikariya hêzên navnetewî û heremî bê yî ku pevçûn jiyan bikin ji aliyê Heyat Tahrîr El Şam (HTŞ) ve hat hilweşandin, rewşa komên çeteyan ya li herêmên ji aliyê dewleta Tirk ve hatî dagirkirin wê çawa bibe ket rojevê. Bi taybetî li ser derketina komên çeteyên girêdayî dewleta Tirk ya li navendên herêmên Efrîn, Serêkaniyê û Girê Spî, di encama hevdîtinên siyasî û dîplomatîk de ji bo vegera gel xebat dan destpêkirin. Bi taybetî Serokê HTŞ Colanî ji bo vegera Efrînê bi Rêveberiya Xweser a Bakûr û Rojhilatê Sûriyê re hevdîtina çêkir û da ragihandin ku ji bo veger bên kirin wê tedbîrên pêwîst yên ewlehiyê werin girtin.
KOMÊN ÇETEYAN JI BO KU JI EFRÎNÊ DERNEKEVIN ÇI JI DESTÊ WAN TÊ DIKIN!
Lê tevî vê komên çeteyan naxwazin ji navenda bajêr derkevin û naxwazin dewrî hêzên Asayîşê hatî avakirin bikin. Di mijara vegera gelê Efrînê de li gor jimara Rêxistinên Mafê Mirovan ya Sûrî dayî ragihandin bi qasî 4 hezar kes vegeriyaye Efrînê lê her çiqas wiha hatibe diyarkirin jî komên çeteyan gelek mal, milk, bax û bexçeyên ku destdaniye ser ji ber ku venegerandine û hat diyarkirin gelê ku rastî zor û zextê hatine carek din vegeriyane herêmên ku berê koç kiribûn. Her çiqas hatibe diyarkirin ku komên çeteyan ya li herêmê naxwazin serdestiya xwe ya li herêmê winda bikin jî li pişt perdê ya rast ew e ku naxwazin mal û milkên Efrîniyan ku wêran kirine û dest danîne ser vegerînin. Ji ber vê ye ku komên çeteyan ji bo ku Efrînî venegerin gelek hincetan di serî de jî hinceta ‘yekîneyên girêdayî QSD di nav yên vegeriyane de hene’ didin pêş.
Ji bo bingeha vê bahaneyê avabikin, du endamên çete yên Firqet El Mutesim yê ku bi komên çeteyên cûda re hertim di nav nakokî pevçûnan de bûn, di navendên Ebîd El Hadî El Hayîk de hatine kuştin û piştî vê jî bi kodek lezgîn hemû herêmê dixin nav îstînfarê de. Li aliyê din jî bi bahaneya ku ji aliyê QSD’yiyan ve gelek heyberên teqemenîyê girtine dest didin pêş û li ser vê daxwaza carek din noqteyên lêgerînê û hacizan ku ji destê komên çete hatibûn derxistin li wan vegerînin. Ji bo vê jî hat zanîn ku ji navendên îstîxbaratê yê MİT û HTŞ re rapora amade dikin û pêşkêşî Wezareta Parastinê ya Şamê dikin.
Di çarçoveya van hincet û bahaneyan de, destpêkê li navend û naveçeyên Efrînê noqteyên Polîs-Asayîşê ku ji aliyê HTŞ ve hatiye avakirin, hat destnîşankirin ku ji bo çalakiyên bombekirinê du yekineyên sîvîl hatine amadekirin. Li gel vê jî bi taybet gelek kesên li Efrînê ku ji herêma Guta koçberê Efrînê kirine û komên çete dixwazin wan amade bikin derxin xwepêşandanan û bi wan bidin gotin ku “ji nav yên ku vegeriyane yên QSD’yî zextê lli me dikin, ji ber vê em komên leşkerî yên berê dixwazin”.
PLANA ‘B’ ENKS
Piştî vê bingeha hincet û bahaneyan û provokasyonan ku dixwazin pêkbînin dan diyarkirin ku wê plana dûyemîn plana “B” ya ku çeteyan hertim vedigotin wê bixin meriyetê. Ev plana ku ji aliyê MÎT’ê ve wê were organîzekirin wek hertim di navenda wê de ENKS heye. Ji aliyê MİT’ê ve ji bo ENKS di bin navê Ofîsa “bi Gelê Efrîniyan re Piştgirî” de wê xebatên rewa nîşandana pêkanînên komên çeteyan yên wek wêrankirin, revandin, îşkence, destdanîna mal û milkan, wê were meşandin. Li gel vê bi propagandayên reşkirinê yê Rêveberiya Xweser a Bakûr Rojhilatê Sûrî re hat zanîn ku dixwazin agahiyên wek ‘Efrînî yên ku naxwazin vegerin Efrîn’ê ne ji ber zext û pêkanînên dewleta Tirk a dagirker û komên çeteyên girêdayî wê venagerin, ji ber Rêveberiya Xweser naxwaze vegerin venagerin’ belav bikin.
Botan AMED
