Piştî hevdîtina Trump bi Colanî re û daxwazên wî yên têkildarî şerê li dijî DAÎŞ’ê, li Îdlibê û deverên din ên Sûriyê teqîn û êrîşên li pey hev dest pê kirin. Em, wekî Lekolin.org, li pişt perdeya van êrîşên li Îdlibê û deverên din ên Sûriyê yên di bin kontrola rêveberiya Colanî de ku îdia dike li dijî DAÎŞ’ê şer dike, derdixin holê.
Her çendî piştî hevdîtinên di navbera Amerîka û desthilatiya Şamê de li Erebistana Siûdî, ajansên medyayê yên nêzîkî DAÎŞ’ê desthilatiya Colanî bi xiyanetê tawanbar kirin û çeteyên DAÎŞ’ê yên di nava artêşa Sûriyê de ji bo “cihada rast” bangî nav refên xwe kirin jî, ji bilî êrîşa Îdlibê, êrîşên din ên li Sûriyê hêj bi fermi li ser xwe negirtiye.
Li herêma Îdlibê ya Sûriyê, li navendên Ewlekariya Giştî yên girêdayî desthilatiya Şamê, êrîş û pevçûnên li taxên Cezmatî û Heyderiyê çêbûn û me agahiyên balkêş bi dest xistin. Wekî tê zanîn, ne tenê DAÎŞ, di nava HTŞ’ê de jî çeteyên biyanî yên li dijî nêzîkbûna desthilatiya Colanî bi Amerîkayê re nerazîbûnên mezin nîşan dan.
Li gorî agahiyên ku me wekî Lekolin.org bi dest xistin, ev êrîş ne ji aliyê DAÎŞ’ê ve, ji aliyê komeke di bin fermana MÎT’ê de û ji çeteyên biyanî yên di nava HTŞ’ê de pêk hatin. Piştî êrîşê, MÎT’ê di torên medyayê de ev êrîş wekî karekî DAÎŞ’ê da nasandin.
Navên çeteyên girêdayî MÎT’ê û yên ku di van êrîşan de cih girtin ev in:
-Ebîd El Qadîr Aşûrof, 44 salî, Tacîk, yê ku têkiliya bi MÎT’ê re çêdike.
-Rehmûn Kerîmof, 39 salî, Tacîk, ji şervanên biyanî yên di nava HTŞ’ê de.
-Sedîr Atambayîf, 42 salî, Qirgiz, ji şervanên biyanî yên di nava HTŞ’ê de.
-Mihemed Ebîd El Qadîr Mesxadoof, 37 salî, Çeçen, ji yekîneya şervanên biyanî yên HTŞ’ê.
-Ehmed Ebîd El Rehman El Fîlalî, 36 salî, Fasî, ji Tûgaya El Mmxarba ya girêdayî HTŞ’ê.
-Reûf Rehîm Mîlo, Tûnisî, ji şervanên biyanî yên di nava HTŞ’ê de.
-Kemal Bû Mesûdî, Tûnisî, ji şervanên biyanî yên di nava HTŞ’ê de.
-Ehmed Abît Kayao Canî, 35 salî, Endonezî, ji şervanên biyanî yên di nava HTŞ’ê de.
-Sadiq Ebîd El Ezîzî Sefoyîf, 39 salî, Ozbek, bi ofîsa MÎT’ê ya li Hazi Entabê re têkildar e.
-Şoket Mihemedofa, 42 salî, Ozbek, ji şervanên biyanî yên di nava HTŞ’ê de.
-Telal Seîd Rebah, Sûrî, bi vê komê re têkildar e.
-Xalid Xelîl El Sahib, Sûrî, bi vê komê re têkildar e.
-Basit Ebîd El Rehîm El Tahir, ji Han Şeyhunê, bi vê komê re têkildar e.
Di çarçoveya şerê bi destxistina hêzê ya di nava HTŞ’ê de ku dibe sedema êrîş zêde bibin û tawanbarkirina DAÎŞ’ê ji aliyê MÎT’ê ve stratejiyeke ji bo veşartina faîlên rastîn e.
Herî dawî, li herêmên Palmîra û El Meyadînê ya Derazorê, êrîş li ser xalên Hêzên Ewlekariya Giştî yên girêdayî desthilatiya Şamê hatin kirin. Di her du êrîşan de zêdetirî deh leşkerên HTŞ’ê hatin kuştin. DAÎŞ’ê ev êrîş hêj negirtine ser xwe, lê li gorî agahiyên ku me piştrast kirine, îhtîmala ku ev êrîş ji aliyê komên çeteyên biyanî yên di nava HTŞ’ê de hatine kirin zêde dibe.
Divê ev jî bê gotin ku piraniya çeteyên biyanî yên di nava HTŞ’ê de ji El Qaîde û DAÎŞ’ê ne. Ev yek jî diyar dike ku her çendî DAÎŞ rasterast beşdarî van êrîşan nebûbe jî, bi awayekî nerasterast van êrîşan teşwîq kiriye.
