Di çend mehên dawî de bûyerên şewitandina bi taybet Sûka Ehmed Axa ya Kerkûkê, Sûka Lengê ya Hewlerê, Sûka Çelê ya Duhokê û bi giştî gelek bûyerên suîqastkirina endam û berpirsên partî, hêzan derketibû hole ku ji aliyê komek taybet a MÎT û Parastin ve hatibû amadekirin pêk hatibûn. Nav û kiryarên wan endamên koma taybet a ku di biriyara civîneke taybet a endamên MÎT, Parastin û serkirdeyên PDK’ê de hatibû girtin, wek e malpera lekolin.org hatibûn deşifrekirin. Niha heman rê û rêbazî û bi heman endamên vê koma taybet a MÎT û Parastinê li navçeya Zaxo ya Duhokê jî pêk tînin.
FABRIQEYA ÇÎMENTOYÊ BI OBUSAN HAT TEQANDIN Û GOTIN PKK’Ê KIRIYE!
Li navçeya Zaxo yê ku navçeya herî zêde û her cûre bazirganî lê tê kirin, ev koma taybet a MÎT û Parastinê destpêkê di 8’ê tîrmeha 2024’an de şerîkeyek (kompanya) çîmentoyê ya di navbêra gundê Çemsirmo û Zaxo de bi obusek lêdan û şewat derket. Di encamê de gelek zirarê madî pêk hat. Balkêş e ku hêj seatek ser bûyerê de derbas nebibû hemû malperên PDK û MÎT’ê ku ji trollan pêk dihat, belav kirin ku PKK’ê bi obusan êrîşên kargehên sivîlan dikin.
Ev koma taybet û trolên MÎT û Parastinê vê plana xwe ya qirêj bibin serî, navçeya Zaxo û derdora wê, seyare û kargeh hatin şewitandin û piştre jî bi kesên rûyên wan girtî xwediyê dikan dihatin sekinandin û ew li ser navê PKK’ê gef û tehdît dikirin. Xwediyê dikanê kel û pel ên tomarî firotinê dike ku bakurê Zaxo dikeve û ji ber ewlekariyê nexwest navê xwe aşkere bike, diyar kir ku komek ji 3 kesan rûyê wan girtî, di ketina navçeya Zaxo’de pêşiya wî qût kirine û gotine, “Yek ji wan xwe bi navê Amed wek e berpirsê Zaxo li ser navê PKK’ê da naskirin û ji min re got eger hûn pere nedin me, em ê her dikanan bişewitînin”. Piştî bûyerê trolên MÎT û Parastinê li ser tora civakî belavkirine ku PKK ku di şer de tengav bûye hemwelatiyên sivîl tehdît dikin. Piştî rojek ev hesabên trollan a tora civakî vê parvekirinî jê birine.
PLAN GAV BI GAV PÊK TÎNIN
Li ser van kiryarên vê koma taybet, di bin navê ewlekariya hemwelatiyan, bi leşkerên dewleta Tirk a dagirker re, Hêzên Zêrewanî, çeteyên Roj, MÎT û Parastin, di noqteyên lêgerînan a navbêra Zaxo û Duhokê de dest bi kontrolkirina seyare û nasnameyan kirin.
Di nava çend mehên dawî de ev koma taybet a ji aliyê MÎT û Parastin ve hatibû avakirin, bi taybet Sûka Ehmed Axa ya Kerkûkê, Sûka Lengê ya Hewlerê, Sûka Çelê ya Duhokê û gelek bûyerên lokal a di ser kolan û navçeyên van herêman de pêk anîbûn û kiryarên van bûyeran wek e Tevgera Azadiyê nîşan didan. Rûxmê wek malpêra Lekolin.org nav û kiryarên vê koma taybet a MÎT û Parastinê deşifre kiribû û li ser vê nûçeyî parlementerên serbûxwe ji bo kiryarên van bûyeran werin dîtin, pêşnûmeyê pêşkeşê Komîsyona Lêpirsînê ya Parlementoya Iraqê kiribûn jî hêj tu encam an jî daxuyaniyek nehatiye dayîn.
ÊRÎŞÊN DEWLETA TIRK A DAGIRKER A LI SER ZAXO NEHATINE JIBÎRKIRIN
Di 20 Tirmeha 2022`an de gundê Perex yê Zaxo ku herêmek geştiyariyê ye hate topbaran kirin. Di encama topbaranê de 9 hemwelatiyên Ereb jiyana xwe ji dest dan û zêdetirî 20 kes jî birîndar bûn. Dewleta Tirk ya dagirker bû sedema hêrsek mezin ya gel û aliyên siyasî yên Iraqê û heta Konseya Ewlekariyê ya Netewên Yekbûyî jî neçar mabû biçe cihê bûyerê. Lê PDK’ê ya ku bi her awayî xwe radestê dewleta Tirk a dagirker bûye, wek her carê Tirkiye ji agirê hêrsa raya Iraqê û Başûrê Kurdistanê xilas kir. Rûxmê bi awayek vekirî û bi şahidiya sedan kesan ku bi awayek vekirî balafirên F-16 bombebaran kiribû jî, PDK’ê êriş xiste ser gerilayên azadiyê ku qaşo bi sedema hebûna PKK’ê li deverê êriş pêk hatiye. Li ser daxwaza Tirkiyê Mesud Barzanî zu kete tevgerê û ev êrîş wisa da xuyakirin ku PKK’ê kiriye.
Dîsa di 20’ê Tebaxa 2021’an de welatiyên bi navên Ahmed Şakir û Yusif Amir di encama topbarana artêşa Tirk a dagirker a li ser bajarokê Batifa ya Zaxoyê de hatin qetilkirin. Di vê êrîşê de jî bi hinceta di heremê de gerîlayên Tevgera Azadiyê hene pêk hatiye, dan nîşandan.
