Dewleta Tirk ku hemû komên çete yên heremên dagirkirî qaşo entegreyê Wezareta Parastinê ya Şamê kiriye, niha di bin navê ‘pêşî li dizîtiyê bigire’ de li Serêkaniyê li kesên sivîl çekan belav dike û dixwaze sîstema cerdevaniyê ava bike. Li gor agahiyên ji heremên dagirkirî, bi taybet li bajarê Serêkaniyê dewleta Tirk di bin navê ‘di heremê de pir bûyerên diziya mal û milk çêdibin’ de çek li kesên alîgirên xwe yên sivîl û mixtarên girêdayên xwe belav dike.
Dewleta Tirk di ser MÎT’ê de dixwaze ew sîstema cerdevaniyê ya li Bakûrê Kurdistanê ku bi dizî, talanî, îşkence, xesp, revandin û kûştinê tê naskirin, niha dixwaze li bajarê Serêkaniyê ya dagirkirî pêk bîne. MÎT bi hincetên ku ev kesên mijara gotinê ne yên wekî Muxtarên gundan xwe ji diziyê biparêzin hêjmarek mezin ji çekan li ser gundan û kesan hatine belav kirin. Balkêşe ku MÎT hem bi hîncetên parastina xwe ji diziyê tîne ziman û di heman demê de ji dizî û talana ku li Serêkaniyê – Girê Spî tên kirin komên çete yên ser bi Tirkiyê ango MÎT’ê ve girêdayî ne.
Navê hin kes û hejmara çekan a hatine belavkirin wiha ne;
– Mihemed Ebû Şehed ji xelkê gundê Berqa ye û 30 çekên Qeleşnîkov radestî wî hatine kirin.
– Ezedîn El-Ezawî Muxtarê gundê Menacîre û 50 çekên Qeleşnîkov radestî wî hatine kirin.
– Ebû Mutez ji xelkê gundê El-Reseyîm û 25 çekên Qeleşnîkov radestî wî hatine kirin.
-Ebû Îsa ji gundê El-Resîme 25 çekên Qeleşnîkov radestî wî hatine kirin.
– Samir El-Sayil 50 çekên Qeleşnîkov radestî wî hatine kirin.
Di pêvajoya Berxwedana Bendava Tişrînê de li herêma Bakur Rojhilatê Suriyê li hember çeteyên ser bi Tirkiyê ve ku xwestin wekî çawa li Suriyê bi ruxandina rejîma Bass re di 3 rojan de tevahiya perava Suriyê dagir kirin, xwestin bi vê tempoyê sînorên Rojava jî dagir bikin. Ango ji deverên dagirkirî jî hêjmarek mezin ji çeteyan ku MÎT wan bi rêxistin kiribun şandin çeperên şer yên weke herêma Firatê û bajarên herêma Cizîrê.
