07 Ekim 2010 Perşembe Saat 14:27
Komîteya Ziman û Perwerdê ya KCK’ê diyar kir ku têkoşîna gelê xwe ya ku her diçe bi çalekiyên rengareng ge dibe pîroz dikin û di heman demê de xwendekarên ku li zanîngehan di nava çalekiya boykotkirinê de ne jî pîroz dikin û got “Hin dibêjin tenê bi awayê kurs dibe. Hin jî dibêjin qet nabe.Niha rayedarên dewleta Tirk vala vala enerjiya xwe xerçdikin û xwe diwestînin. Em nêzîkatiya dewleta tirk û hukimeta AKP’ê şermezar dikin û ji wan re vê dibêjin: Gelê kurd êdî ji we pirsa hûnê mafê perwerdeya bi zimanê Kurdî bidin an na nake her wiha da diyarkirin ku niha kî biçe Gever û Şemzînanê dê bizanibe ku ev perçeyên Kurdistana Xweser a Demokratîk in. Ji ber vê jî “em Gever, Şemzînan û gelê wir ji ber vê çalekiya wan silav dikin.
Komîteya Ziman û Perwerdê ya KCK’ê ragihand ku bi boykotkirina dibistanan re nîqaşên cur be cur têne kirin û got “Hin kes dibêjin: Mafê perwerdeya bi zimanê dayikê, mafekî xwezayî ye ji ber vê jî divê ev mafe were dayîn. Hin jî dibêjin li dibistanên dewletê perwerdeya bi Kurdî nabe lê bi awayekî dibistanên taybet dibe. Hin dibêjin tenê bi awayê kurs dibe. Hin jî dibêjin qet nabe.Niha rayedarên dewleta Tirk vala vala enerjiya xwe xerçdikin û xwe diwestînin. Em nêzîkatiya dewleta tirk û hukimeta AKP’ê şermezar dikin û ji wan re vê dibêjin: Gelê kurd êdî ji we pirsa hûnê mafê perwerdeya bi zimanê Kurdî bidin an na nake. Ji ber ku gelê Kurd êdî bîryara xwe daye, dê pergala perwerdeya bi kurdî bixwe ava bike.
Komîteyê bal kişand li ser pêşxistin û geşkirina çalekiyên ji bo perwerdeya bi zimanê Kurdî û got “Divê em nehêlin ku nirxandinên neyînî were kirin. Bo nimûne çalekî ji bo zimanê Kurdî tê kirin lê daxuyanî bi tirkî tê xwendin, pankartên bi tirkî tên rakirin. Dema ku ev tê kirin wateya wê çalekiyê namîne.Ji ber vê jî divê ev lewazî were derbas kirin. Heta divê di hemû çalekiyan de daxuyanî bi kurdî werin xwendin, pankart jî bi kurdî werin rakirin. Heta niha her me xwest gelê tirk fêmbikin û em fêrî zimanê wan bibin. Êdî dem hatiye ku kesên dixwazin me fêm bikin, bila an xwe fêrî kurdî bikin an jî wergervan bigrin .
Komîteyê bal kişand li ser Kurdistana Xwesera Demokratî û got “Dema mirovek were Kurdistana Xweser a Demokratîk, divê hîs bike ku hatiye cihekî cûda. Bo nimûne dema herkes li her cihî bi kurdî biaxive, hemû tabela bi kurdî werin nivîsandin ew mirovên werin Kurdistana Xweser a Demokratîk, dê bizabin ku hatine welatê kurdan. Niha Gever û Şemzînan gaveke wiha ya pîroz û rumet avêtin. Niha kî biçe Gever û Şemzînanê dê bizanibe ku ev perçeyên Kurdistana Xweser a Demokratîk in. Ji ber vê jî “em Gever, Şemzînan û gelê wir ji ber vê çalekiya wan silav dikin. Em di wê baweriyê de ne ku dê hemû gelê me vê çalekiya ku li Gever û Şemzînan dest pê kir, bidomînin.
Komîteya Ziman û Perwerdê ya KCK’ê di dawiya daxuyaniya xwe de van bangan kir:
Banga me ew e ku divê gelê me bêyî ku li benda dewletê be, pergala xwe ya ziman, perwerde û hîndekariyê bi hêza xwe ava bike.
Banga me ew e ku hemû bajarên Kurdistanê vê çalekiya ku li Gever û Şemzînan dest pê kir, bidomînin.
Banga me ji bo jin û ciwanan ewe ku pêşengtiya hemû çalekiyên ziman bikin.
Banga me ewe ku bila dewleta tirk û hukimeta AKP’ê zêde xwe newestînin û dest ji siyaseta înkar û tinekirinê berdin.-ANF
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
