Di 23ê Hezîrana 2025an de, li Dêra Mar Elias a Ortodoks a Yewnanî li taxa Dweilaa ya Şamê, Sûriye, teqînek mezin çêbû. Di êrîşê de 22 sivîl hatin kuştin û zêdetirî 60 kes jî birîndar bûn. Teqînê zirara madî ya giran da dêrê û hate ragihandin ku ji hêla êrîşkarekî xwekuj ve hatiye kirin. Wezîrê Karên Hundir ê Sûriyeyê Nureyn Baba ragihand ku li gorî encamên destpêkê yên lêpirsînê, êrîş ji hêla rêxistina terorîst DAIŞê ve hatiye kirin. Lêbelê, ev daxuyanî ji bo veşartina sûcdarên rastîn bû.
Li gorî agahiyên ku me ji çavkaniyên pêbawer bi dest xistine, êrîşa terorîstî ya li dijî Dêra Mar Elias li navçeya Dweilaa ya paytexta Sûriyeyê Şamê ji aliyê du endamên Heyet Tehrîr el-Şam (HTŞ), “desthilata rêvebir ya nu a Sûriyeyê” ve hatiye kirin.
Çavkaniyên me gotin ku dêra gef werdigirtiye, di nav de wêneyên ku deh roj berê li derveyî dêra daliqandî bûn û sloganên mezhebî yên wekî “Civîna me zû tê, xaçperestan” li ser hebûn. Hêzên ewlehiyê ji bo astengkirina vê gefê tiştek nekirin.
Çavkaniyên me anîn ziman ku ji beriya deh rojan li beramberî kilîsan sloganên mezhebî yên wekî “Civîna me zû tê, xaçperestan” li ser hebûn. Hêzên ewlehiyê ji bo astengkirina vê gefê tiştek nekirin.
Di heman çarçoveyê de, çavkaniyan piştrast kirin ku kesê ku xwe teqandiye Ziyad Enwer El-Idlibî ye, bi nasnavê “Ebû El-Baraa”, endamê fermî yê HTŞ’ê ye.
Ebû el-Beraa fermana pêkanîna êrîşa terorîstî bi fermana rasterast a Wezîrê Karên Hundir ê Sûriyeyê Enes Hattab wergirt, ku demek dirêj e Xiristiyanan wekî kafir îlan kiriye. Yek ji daxuyaniyên wî yên herî berbiçav sernavê pirtûka wî ye, “Hevpeymaniya Perestvanên Xaçê li dijî Rûbirûbûna Mucahîdên Şamê”.
Armanca vê teqînê wekî hewldanek ji aliyê dewleta dagirker a Tirkiyê û koalîsyona navneteweyî ya HTŞ’ê ve tê dîtin, da ku QSD’ê di şerê li dijî DAIŞ’ê de bêbandor bikin û nîşan bidin ku DAIŞ li Şamê jî çalak e.
