Dewleta Tirk a dagirker ku desthiladariya Şamê ya HTŞ’ê wek e desthiladariya yek ji wîlayeta Tirkiyê dibîne, li gor xwe araste dike. Bi taybet HTŞ ku di şerê Sûwêdayê de têk çû û her çiqas diçe bi saya MÎT’ê û Wezîrê Karê Derve ya AKP’ê Hakan Fîdan îtîbara xwe winda dike û lawaz dibe, niha jî dixwaze herêma berava-sahîla Sûriyê tevlîhev bike.
Tê zanîn ku MÎT’ê ya rêveberiya hikumeta demkî ya Şamê araste kiribû û ew şandibûn Moskowayê bi Rûsan re hevdîtin hatibû kirin. Di encama hevdîtinan de li beramberê ku Rûs piştgiriyê bidin siyaseta dewleta Tirk a li dijî Rêveberiya Xweser a Bakur û Rojhilatê Sûriyê, heremên li berava Sûriyê ji Rusan re were hiştin, lihevkirinek pêk hatiye.
Rûxmê vê yekî jî dewleta Tirk ew komên çete yên girêdayên wê û HTŞ’ê yên herêma Çiyayê Harêm û gundewarê Silqinê ya Himemînê û Hemayê dernexistiye û ev yek jî diyar dike ku dewleta Tirk dixwaze di vê heremî de tevlîheviyê çêbike.
TEVLÎHEVIYÊN NAVA EŞÎRÊN EREB Û TIRKMEN
MÎT ji bo karibe serweriyê ser heremê bike komên çete yên radîkal ên di nava HTŞ’ê de li herêma El Qoqaz a navbêra Efrîn û Cerablûsê de ye bi cih dike û amadekariya çalakiyên teqemenî dike. Armanc ji vê yekê ew e ku hin noqte an jî dergehên ku Amerîka li ser dişûxilin sabote bike û bihêle ku Amerîka mîsogeriya peymanê ji holê rabike û tenê hebûna dewleta Tirk û komên çeteyên wê yên di wezareta parastinê de bimînin.
Her wiha di van herêman de MÎT eşîrên Ereb li hember kêm netewan sor dike da ku bi riya pêkhateya Tirkmen ên girêdayên MÎT’ê şerê hemberê Elewî û Kurdan bikin. Ji bo vê jî MÎT plan dike ku hin heremên Ereb lê dijîn ji bo pêkateya Tirkmen ku piraniya wan endamên komên çetene bi cih bike. Ji bo ev pêk were jî amadekariya ku di bin navê “Hêzên Eşîran” de şerekê di navbera Ereb û kêmnetewên dîtir de çêbibe.
Li gor çavkaniyên heremê, ev yek di heman demî de yek ji plana dewleta Tirk a ku dixwaze hin komên Ereb ên di heremê de jî têk bibe ye. Çawa ku MÎT li başûrê Sûriyê bi taybet di şerê ser Sûwêdayê de hin gundên Deraa yên Ereb da valakirin û komên çete yên Tirkmen li wir bi cih kir, niha heman rêbazî dixwaze li rojavayê ango Berava Sûriyê jî heman rêbazî pêk bîne.
Fırat ALİ
