Dewleta Tirk a dagirker û qirker, balkêşe piştî beşdarê civîna BRICK a li bajarê Kazan a Rûsyayê ku di 22’ê cotmehê de pêk hatî bûyî, amadekariya êrîşeke bejahî û hewayî ji Minbic-Kobanê heya Girê Spî û Serêkaniyê dike. Ev êrîşa berfirehî ku dê kengê pêk were baş nehat hînbûn, tê gotin ku ji aliyê MÎT’ê ve ji bo amadekarî û teqwiya leşkerî, çek û cebilxane li xetên navbihorî bikin talîmat hatiye şandin.
Dewleta Tirk a dagirker û qirker ku di rojên dawî de bi destûr û çekên NATO’yê êrîşên çavkaniyên jiyanê ya civaka herêma Bakur û Rojhilatê Sûriyê hat kirin, ev car jî ji bo dawî li pêvçûn û nakokiyên navxweyî yên di navbera komên çete yên di heremên dagirkirî de bîne, amadekariya êrîşeke berfireh dike.
WÊ DESTPÊKÊ ÇETEYAN BIŞÎNIN ENIYA ŞER
Li gor agahiyên hatî bidestxistin, di plana êrîşê de ji xeta çeperên şer a ji ava Sacûr a Minbicê, herêma navçeya Şêxlera a Kobanê bigire heya xeta Girê Spî û Serêkaniyê wek destpêk dê endam û komên çete yên bi hev nakok û pêvçûnin, noqteyên cuda cuda de werin bicihkirin. Hin navên komên çete yên ku tê gotin dê li çeperên şer werin bicihkirin wiha ne; Firqa 20, Ehrar El Şarqiye, Cebhet El Şamiye, Lîwa Semerqand, Lîwa Sultan Mihemed El Fatih, Ceyş El Nuxba, Tugaya Sultan Murad, Firqa Hemza, Silêman Şah, El Mutesim.
Ev plana êrîşê ya dewleta Tirk a dagirker gelo bi destûr û agahiya Rûsya û Amerîkayê tê kirin an na, nehat zanîn lê ev plana êrîşê ya tê gotin bi taybet piştî şefê faşist a hikumeta AKP-MHP’ê Erdogan beşdarê civîna BRICKS a li bajarê Kazan a Rûsyayê de ku di 22’ê cotmehê de pêk hatibû û şûnde amadekarî hatî kirin bal dikşîne.
Nûnerên siyasî û leşkerî yên Rêveberiya Xweser a Bakur û Rojhilatê Sûriyê li dijî êrîşên dewleta Tirk a dagirker ku di rojên dawî de li ser çavkaniyên jiyanê pêk dihatin, daxuyanî didan ku eger ev êrîşên hovane ya dewleta Tirk a dagirker bidomin ew dê bersiva wan bidin û di vê hêlî de hêzên wan jî jê re amade ne.
