23 Haziran 2011 Perşembe Saat 18:04
Biryara Lijneya Hilbijartinê ya Bilind (YSK) ya betalkirina parlamenteriya Hatîp Dicle ku bû sedema kriza siyasî hîn tê niqaşkirin. Rêyedarên hikûmetê jî di vê mijarê de daxuyaniyên wekî “Ev biryara dadgeriyê ye divê hemû kes jê re rêzê bigirin û tiştek ku em bikin tuneye” didin û rojnameyên nêzikê AKP’ê ên wekî Yenî Şafak’ê jî krîzê bi manşetên wekî, “Hevkariya BDP û YSK” di nirxîn in. Li gel vê helwesta hikûmetê ku dixwaze xwe ji berpirsiyarê bişo derket holê ku krîz bi serlêdana AKP’ê derketiye holê. Li gor angaşta rojnameya Cumhuriyetê, rewşa Dicle beriya YSK’ê li AKP hate nirxandin û Cigirê Serokê Giştî yê AKP’ê Haluk İpek serî li YSK’ê da û xwest ku parlamenteriya Dicle bikeve. YSK’ê jî li ser vê yekê biryar da.
Parlamenterê êniya Ked, Demokrasî û Azadiyê Hatîp Dicle beriya hilbijartinê vize stand û kete hilbijartinan. Bi dengekî rekor ji aliyê Amediyan ve wekî parlamenter hate hilbijartin. Lê parlamenteriya Hatîp Dîcle ji aliyê YSK’ê ve hate betalkirin û ev yek bû sedema krîza sîyasî. Ji ber vê krîzê jî zedetir YSK tê rexnekirin û berpirsiyar tê girtin. Lê derket holê ku berpirsiyarê vê krizê AKP ye. Li gor angaşta rojnameya Cumhuriyet û gelek rojnameyên din jî YSK’ê li ser serlêdana AKP’ê biryara betalkirina parlamenteriya Hatip Dicle da.
Ji bo parlamenterek zêde Tirkiyeyê avêtin agir
Li gor vê angaştê, piştî hilbijartinê rewşa parlamenteriya Hatîp Dîcle beriya YSK’ê ewil di lijneyên berpirsiyarên yên
AKP’ê de hate nirxandin. Piştî van nirxandina hiqûqnasên AKP’ê biryara Dadgeha Bilind ku 2 roj beriya hilbijartinê cezayê Dîcle erê kiribû kirin sedema serlêdana YSK’ê. Li gor vê yekê AKP gihîşt encama, “Dîcle di van şertan de nikare bibe parlamenter” û li ser vê yekê jî serlêdana YSK’ê kir. Di bin daxwaznameya serlêdana li YSK’ê de jî imzaya Cigirê Serokê Giştî yê AKP’ê Haluk Îpek cîh girt. Di daxwaznameyê de biryara Dadgeha Bilind ya derbarê Dicle de hate bibîrxistin hate gotin ku li gor zagon û makezagonan Dîcle nikare bibe parlamenter. Disa xalên têkildar jî hate destnişankirin û hate xwestin ku parlamenteriya Dîcle bê betalkirin. Piştî vê biryarê jî namzeta AKP’ê Oya Eronat, serî li Lijneya Hilbijartina Bilind ya Amedê da û mazbatayê li şuna Dîcle stand.
Niha xwe ji berpirsiyariyê dişon
YSK’ê jî piştî lêkolînê li gor daxwaza AKP’ê parlamenteriya Dîcle betalkir. Ev yek bû sedema krîzça siyasî û rêyedarên AKP’ê jî wekî ku haya wan ji biryarê tunebe daxuyaniyên wekî, “Ev biryara dadgeriyê ye bila hemû kes jê re hurmet bigre û tiştek ku bê nikirin nemaye” dan û bi vê yekê jî xwestin ku xwe ji berpirsiyariyê bişon. Heya gavek pêş de jî çûn ji krizê mexdurên krizê yanê aliyê kurd beryirsiyar girtin. Rojnameya aligirê AKP jî îro krizê bi manşeta, “Hevkariya YSK-BDP” nirxand.-DÎHA
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
