Çeteyên OSO Li Cindirêsê Zêdeyî 30 Sivîl Revandin, Pere û Zêrên Sivîlan dizîn

Dîsa çeteyên
OSO, dîsa revandin, dîsa talanî dîsa dizî. Hat diyarkirin ku OSO li navçeya
Cindirês û gundewarên wê zêdetirê 30 sivîl revandin, mala wan talan kirine û
zêr û zivên wan dizîne. Hat gotin ku ji bo kesên hatin revandin fidyê tê
xwestin. 

Kiryarên
çeteyên OSO yên girêdayî dewleta tirk ên weke dizî, talanî, revandin û xwestina
fidiyê piştî dagirkirina Efrînê neqediyan û ji ewqas dizî û talanî têr nebûn,
tersî wê her ku diçin van kiryarên qirêj zêde dikin. Lê her carê ji xwe re ji
bo van kiryarên dij mirovahî rêbazên cuda peyda dikin.

Çavkaniyekî ji
herêmê ragihand ku çeteyan duh bi ser navçeya Cindirêsê û gundên wê de girtin. Di
ser girtina malan de bi hinceta di mala wan de zêr û zîv tuneye ji bo fidye
bixwazin zêdeyî 30 kesî revandin,  Çavkanî
destnîşan kir ku OSO ya di serdegirtina malan dewam kir û ji gelek malan zêr û
zîvên heyî desteser kirine an jî dizîne. 

Çavkanî,
derbarê rêbazên nû ya çeteyan a dizî, talanî û taybet jî piştî revandina kesan
xwestina fidyeyê de jî ev agahî dan: “Çeteyan rêbazeke nû ji bo dizî, talanî û
xwestina fidiyê ji xwe re peyda kirine. Sivîlên ku niha direvînin fotografên wan
dikşînin û ji xizmên wan ên ku li Awrupa bi cih bûne (ap, bira, xal, kur ap û
kalik) re dişînin û ji wan re dibêjin “Eger hûn dolar û euro ji me re rê nekin
em ê xizmên we bikûjin.  

YÊN MALAN NİŞANÊ ÇETEYÊN OSO DIDE Kİ NE?

Li gorî çavkanî aşkere dike hin kesên ji Efrînê ku
piranî endam an jî alîgirên ENKS’ê ne didin pêşiya komên OSO û malbatên ku
aboriya wan baş be, pere, zêr û zivên wan hebin, an jî xizmên wan ên li derveyê
welat (Ewropa) hene, nîşan didin. Çeteyên OSO jî li ser nîşandana wan, davêjin
ser malan an kesan direvînin û fidye dixwazin an jî rasterast dest datînin ser
mal û pereyên wan.  Hat destnîşankirin ku
revandina zêdetirê 30 kesan û talan û diziya malan li ser vê rêbazî pêk hatiye.

0

21

KO

:” ”

:””

” “,” ”

:KO