Di 14’ê Kanûnê de ji Wezareta Berevanî kesê bi nave Emîd Ehmed Îsa El Şêx wek e cigîrê wezîrê berevanî ya di herêma başûrê Sûriyê, her wiha Emîd Mihemed Diya Salih Tehan jî wek e cigirê wezîrê berevanî ya rojavayê Sûriyê erkdar kirine.
Ehmed Îsa El-Şêx ew kes ji serbazên naskirî yên ji rêjîma Bass veqetiyan e, ew ji parêzgeha Idlibê gundê Sercê yê girêdayî Cebel El Zewiye ye. Berê ew di nava çeteyên Siqûr El Şam de rêveber bû, di heman demê de di nava Cebhe El Îslamiye de bû jî û roleke mezin di mijarî tensîqên leşkerî de li Idlibê di salên şer de list, di heman demê de ew yek ji damizrînerê koma Ehrar El Şam avakirî ye û rêveberê wan di sala 2011-2012a’an de bû. Ev kom jî di warê idiolojîk de girêdayî tevgera Biraye Misilman bû. Ev kom jî yekser piştgiriya xwe ji dewleta Tirk digirt. Paşê bi pirspktîfa dewleta Tirk û zextên HTŞ`ê ev tevlî nava HTŞ`ê bû û gihişte astek bilind di nava vê rêxistinê de.
Mihemed Diya Salih Tehan, ew kes di sala 1978’an de li navçeya Teftenez a İdlibê ji dayikbûye. Demekî di nava Ehrar El Şam de kar dikir û ji ber heman sedemê tevlî nava HTŞ`ê bû.
Li gorî hin çavkaniyên taybet diyar kirin ku ev erkdarkirin bi zextê dewleta Tirk hatiye kirin. Ev yek jî piştî hin hevdîtinên taybet ku di navbera herdu aliyan de, li bajarê Şamê de hatibû lidarxistin.
Ev demeke Sûriye bûye qadeke şerê hegemoniya nû ya di navbera Îsraîl û Tirkiye de. Her tim Îsraîl jî baş kişandiye li ser xeteriya ku ji aliye başûr û başûr-Rojava ye Sûriye ku li ser ewlekariya Îsraîl çêdike. Ev yek jî pir eşkere dibêje ku li pey vê yek dewleta Tirk e ku piştgiriye didê hêzên radîkal. Lewma erkdarkirina van herdu kesan di vê demê de cihê gumanê ye. Nexasim ku herdu jî berê di nava hêzên leşkerî yê Ixwanî Mislîmin bûn û niha jî erkdarkirina wan li heremên sînorî ye Îsraîl kirin. Ev yek jî diyar dike ku her çiqasî Hukumeta Veguhêz dixwazê bi Îsraîl re hevpeymana çêbike jî lê nikare li pêşiya berjewendiya Tirkiye bigirê. Tê gotin ku ev gav ji aliye Îsralî ve jî bibê sedema gurkirina gengeşiya heyî.
Asîman SOZDAR
