Taburên Kurd yê berî niha li Efrîn’ê bi alîkariya MÎT’ê di bin navê hêzên “Parastina Herêmî” de hatî avakirin, MÎT dixwaze vê tabûrê mezin bike, hat zanîn ku bi tevlîkirina ciwanên ji Qamişlo yên ku li Îdlîb’ê tevlî refên HTŞ bûne re tabûrê mezin dike.
Wek lêkolîn.org agahiyên ku me bi destxistî, komek ciwanên Kurd yê Qamişlo yên girêdayî Mesut Betal, li İdlîb’ê tevlî refên HTŞ dibin, ji wir jî tên rêkirina Efrîn’ê. Plan dikin ku ev kom, ji bo tevlî hêzên “Parastina Herêmî” yê li Efrînê bibin firsendek avabikin. Bi vê awayî di pêvajoyên pêş de wê bingeha tevlîbûna ciwanên li Efrînê ji bo vê çêkerê wê bê amadekirin.
KOORDÎNASYONA HTŞ Û ENKS
Ev çalakî, bi rêvebirina MÎT’ê wê bibe perçeya planek berfirehtir ya bi koordînasyona HTŞ û ENKS’ê re tê birêvebirin, bi vê re girêdayî Mesud Betal ku wek kesê berpirs yê di nav HTŞ’ê de ye di destpêka pêvajoyê de cihê xwe digre. Ebu Ducane El-Kurdî (Şadi Mişo) û alîkarê wî Azad Mîr’î El-Şabu ku berê di komên wek DAİŞ û El-Hemzet de çalakbûn, alîkarîya Mesud Betal dikin. Berê Mesûd Betal, berpirsek di nav HTŞ’ê de bu ku eslê wî Kurd e, bi Ebû Ducane El-Kurdî re li ser esasê fermanên MÎT’ê, ji bo li Efrîn’ê taburek Kurd avabikin destbi çalakiyan kiribûn. Van çalakiyên xwe jî bi alîkariya MÎT’ê li ser armanca mezinkirina tabûrê bi bikaranîna ciwanên Kurd dide berdewamkirin.
PLANA MÎT’Ê YA DÛ BEŞÎ
Mesûd Betal, li gûndên Efrîn’ê bi reîsê malbat û nûnerên eşîran re hevdîtina pêkdianî, bi taybet çêkerên herêmî yê wek eşîra Dîdan, bi teşwîqên maddî hewildidin ku tevlî vê çêkerê bikin. Mesûd Betal, wek kesê berpirs yê di nav HTŞ’ê de vê pêvajoyê birêvedibe. Ebû Dûcane El-Kurdî û alîkarê wî Azad Mîr’î El-Şabû jî di avakirina vê tabûrê de rolek çalak dileyistin. Ev tabûr a ku hatî avakirin, wek komên çeteyên Efrîn’ê, wek hêzek Kurd a girêdayî MÎT’ê û li gor perspektifên wê tevbigere plan dikin. Ev tevger tê wateya, hêzên Parastina Herêmî bi nasnameya Kurd rewa bibe û di demê pêşde hîn zêdetir ciwanên Kurd tevlî vê çêkerê bibin bingehek avabikin.
Plana MÎT’ê ya nû ji dû beşan pêktê: Şandina fermanek giştî ji bo malbatên Kurd û vekirina dergehên derbasbûnê ji bo vegerandina kesên ku bi zorî ji Efrîn’ê hatine derxistin. Herçiqas sedema li ber çav “vegerandina penaberan” hatibe danîn jî, lê diyarkirin ku armanca sereke ew e ku ketina partî û hêzên Kurd ên dijber ji Efrîn’ê re were asteng kirin û demografiya herêman ji aliyê dagirkeriya Tirkiyê re were guherandin.
