Bi gelek komên çete yên cûda re, ew ji Îdlibê derketin û di nav kêmtirî 8 demjimêran de Rejîma Esed hilweşandin û Şam girtin. Dema ku HTŞ navendên îstîxbarat û ewlehiyê yên rejîma kevin ku ji şeş mehan zêdetir hatibûn rawestandin ji nû ve çalak kir, çeteyên DAIŞ û Ensar El Sunna li gorî perspektîfên MIT’ê wekî rêveber bi cih kir.
Li gorî agahiyên ku me wekî Lekolin.org bi dest xistin, di 15ê Gulanê de, MÎT’ê talîmat ji Yekîneya Îstîxbarata Giştî ya HTŞ’ê re şand da ku Şaxên Ewlehiyê ji nû ve werin çalak kirin. Hat hînbûn ku di talîmatan de hatiye gotin ku çeteyên ku li jêr hatine navnîş kirin ku dê di şaxên ewlehiyê yên Rejîma Baas a kevin de xizmet bikin, divê werin tayîn kirin û radestî van koman werin kirin.
Wekî din, hat hînbûn ku di talîmatên ku ji hêla MÎT’ê ve hatine şandin de, bi zelalî hatiye tayîn kirin ku hin kes, bi piranî endamên berê yên DAIŞ û Ensar El Sunna ên ku di lîsteya cezayên navneteweyî de ne û di dema rejîma kevin de gelek kiryarên sûc ên di raporên komeleyên mafê mirovan ên navneteweyî de cih girtibûn, bi awayek vekirî di talîmnameyê de hatiye diyarkirin ku divê teqez ji bo werin kamuflekirin di saziyên ewlekariyê yên berê rejîma Baas bûn de werin bicihkirin.
Li gorî agahiyên ku ji hêla çavkaniyên me yên pêbawer ve hatine piştrast kirin; kîjan çete di kîjan yekîneyên ewlekariyê de cih digirin û ev kes di kîjan komên çeteyan de ne wiha ne;
-Şaxa 248: Bi serokatiya Muhammed Hacı Ahmed, endamê Ensar El Sunne.
-Şaxa 293: Bi serokatiya Abdulkadir Muhammed Xelîl.
-Şaxa 215: Bi serokatiya endamê DAIŞ’ê yê Filistînî Omer Şuman.
-Şaxa 291: Bi serokatiya Muhammed Ahmed Filefil.
-Şaxa 235: Bi serokatiya endamê Ensar El Sunne Abdûbarî Kirindel.
-Şaxa 221: Bi serokatiya endamê DAIŞ’ê Muhammed Tahir Hakuç. Ev kes ji hêla Dewletên Yekbûyî ve ji ber beşdarbûna di revandina welatiyekî Portekîzî de li Sûriyeyê tê lêgerîn.
-Şaxa 279: Yekîneya Ewlehiya Giştî ya Berê, ku niha bi serokatiya Abdul Hafur Nesar e. Ev kes pêşî di DAIŞ’ê de û dûv re jî di Cebhet El Nusra de bû.
-Şaxa 251: Ev yekîne, ku di Ewlekariya Dewletê de wekî yekîneya “Hatip” tê zanîn, ji hêla Celal Hammudi ve tê rêvebirin.
-Şaxa 285: Yekîneya lêpirsînê di Ewlekariya Dewletê de ji hêla Ehmed Hacî Atik ve tê rêvebirin.
-Şaxa 275: Yekîneya îdarî di Ewlekariya Dewletê de ji hêla Abdulvahap Dili ve, endamekî berê yê DAIŞê ku paşê tevlî Nusrayê bû, tê rêvebirin.
-Şaxa 295: Ev yekîne, ku wekî yekîneya operasyonan tê zanîn, ji hêla Mustafa Hammud Kirindel ve, endamekî berê yê DAIŞê, tê rêvebirin.
-Şaxa 255: Yekîneya Ewlekariya Dewletê ji hêla Asî Havimid ve, endamekî DAIŞê, tê rêvebirin.
-Şaxa 300: Yekîneya cezayî ji hêla Abdul Rahman Dihem ve, endamekî berê yê DAIŞê ku paşê tevlî El Nusrayê bû, tê rêvebirin.
-Şaxa 227: Yekîneya Ewlekariya Leşkerî ji hêla Hamza Halid Kirasi ve tê rêvebirin.
NAVENDÊN ZEXT Û ÎŞKENCEYÊ
Ev yekîne ji demek dirêj ve kevirên bingehîn ên dezgehên ewlehiyê yên ku ji hêla rejîma Baas ve hatine damezrandin in, ji bo tepeserkirina muxalifan, çewisandina çalakvanan û girtina sivîlan bi awayekî keyfî têne bikar anîn. Bi hezaran bûyerên revandin, îşkenceya hovane û darvekirinên bi awayekî komî di navendên wê de, wekî Şaxa El-Xetîb, Şaxa Ewlekariya Leşkerî û Ewlekariya Dewletê, hatine belgekirin.
Gelê Sûriyeyê di sala 2011an de ji bo daxwaza hilweşandina vê rejîma îşkenceyê rabû ser piyan û ji bo bidawîkirina van avahiyên zordar bedelên giran da.
Di vê nuqteyê de, tevî ku hikûmeta Colanî berê ragihandibû ku ew ê dezgehên ewlehiyê yên rejîma kevin hilweşîne, rastiya ku wê van şaxan rasterast di bin fermana îstîxbarata Tirkiyê de û bi rêya çeteyên bi paşxaneya cîhadîst ji nû ve aktîf kiriye nîşan dide ku rejîma heyî hewl dide muxalifan bi hovîtî ceza bike û rejîma kevin bi awayekî cûda bidomîne.
