Li dijî PDK’ê ku bi awayekî aktîf beşdarî êrîş û plana dagirkirinê ya dewleta Tirk a dagirker û qirker a li dijî gel û hêzên gerîla yên Başûrê Kurdistanê bû, gelê Başûr bi taybet gelê herêma Behdînan bertekên mezin nîşan didin û ev bertek veguherî asta hêrsê ku êdî nûnerên PDK’ê yên li herêmê diqewitînin. Li ser vê yekê PDK û dewleta Tirk a dagirker û qirker ku ditirse di hilbijartinên pêşwext ên Parlamentoya Herêmê de têk biçe, bi alîkariya MÎT û Parastinê her cure sextekarî û manîpulekirinê dixe meriyetê.
PDK JI BO GEL KANE BIKE LI BER XELQÊ BI TELEFONÊ BI FERMANDARÊN ARTÊŞA TIRK DIKE
PDK’ê ku ditirse di hilbijartinên 20’ê Cotmehê yên li Başûrê Kurdistanê yên Parlamentoya Herêma Kurdistanê de têk biçe, ji bo karibe gelê herema Behdînan a ku ji ber bi awayek aktîf beşdarê plana îlhaqkirina heremê bûye bertekên mezin nîşan didin kane bike serî li rêbazên xapînok dide. PDK ji bo di hilbijartinan de dengê gelê Bêhdînan bigire hewil dide gotinên manîpule yên ku dê dewleta Tirk a dagirker ji bo xatirê wan heya 20’ê cotmehê êrîşên dagirkeriyê ya li ser gerîla û herêma Başûr rawestîne belav bike. Gelê herêma Behdînan ku ji van gotinan qet bawer nakin, nûner û namzetên PDK’ê yên li heremê dixebitin, bi telefonê li fermandarên artêşa Tirk a dagirker digerin û soza ku heya hilbijartinê ya 20 cotmehê êrîşên xwe rawestînin digirin.
Ev lêgerîna bi fermandarên artêşa Tirk a di heremê de ne, bi awayeke deng û car caran vîdeoyê jî vedikin û diaxivin. Van lêgerînan jî nûner û namzetên PDK’ê li ber rûspî û pêşengên herema Behdînan dikin û bi vê awayî dixwazin kane bikin. Bersiva xelkê herêmê bi awayekî berçav eşkere dike ku PDK bi awayekî aktîf beşdarî plana dagirkirina dewleta Tirk a dagirker û qirker dibe. Bersiva gelê herêmê ku hêrsa wan a li hemberî PDK’ê neçû ev bû: “Heke hûn dikarin van êrîşên dagirkeriyê heta 20’ê Cotmehê rawestînin, çima hûn wê mayînde nakin? Ev tenê berjewendiyên we yên şexsî yên desthilatdariyê ne.”
JI BO NAVENDA MÎT’Ê RE WEK AGAHIYÊN ÎSTÎXBARATÎ HATIN ŞANDIN
Tişta ku rewşa mijara gotinê piştrast kir, di 10’ê Cotmehê de ji aliyê endamên MÎT’ê û hêzên leşkerî yên li herêmê ve gihandina agahiyên îstîxbaratê bo navenda wan bû.
Di agahiya îstixbaratê ya ku di 10’ê Cotmeha 2024an de bi sernavê “Hatî Bihîstin” ji navendê re hatiye şandin de ev tişt hatin gotin: “Agahî hatine destxistin ku beriya Hilbijartinên Meclisê yên ku dê di 20ê Cotmeha 2024an de li Bakurê Iraqê bên kirin, PDK ji bo rastî bertekên niştecihên heremê neyê, di nav hewildana kêmkirina harekata me ya leşkerî yên li heremên Qada Harekata Bakurê Iraqê ya li dijî BTO yê dimeşînin de ye, di vê çarçoveyê de agahiyên derbarê heremên operasyonê parve dike û hewil dide terorîstan ji cihên heremê vekişîne.
-Di çarçoveya xebatên îstîxbaratî û tedbîrên beka (jiyînê) de divê ev mijar li ber çavan bê girtin, hişyar bin û li gor prensîba pêdiviya zanînê tevbigerin (GNKUR 101418 C PÊVEK 24)”.
Ev rewş hem îspat dike ku rasterast destê dewleta Tirk a dagirker di hilbijartinan de heye û piştgiriya PDK’ê ya ku rasterast di asta walîtiyê de dibîne, dike û hem jî bertek û hêrsa gel a li dijî PDK’ê derdixe holê.
GELÊ BEHDÎNAN DÊ NEWE VAN LÎSTIKAN!
Hemû Kurdistanî, bi taybet gelê welatparêz ên Behdînan ku van lîstîkên qirêj ên dewleta Tirk a dagirker û hevkarê wê PDK’ê baş dizanin, di berxwedana Bamernî, Şilêdizê û Kanî Masî de bersiva pêwîst dabû wan û hêj jî dide.
