Ronahî Tv di şeva 10’ê îlonê de bi bernameyekê navê “Destên Tarî” bi îtîrafên sîxûrên hatibûn girtin, îtîfaqa qirêj a kiryarên MÎT-Parastin-ENKS’ê bi hemû kîteyan raxist berçavan, sîxûrên MÎT-Parastin ketin panîkê û deşifre bûn. Li ser vê esasî komek sîxûrên ku MÎT-Parastin wan amadekiribû wan bişînin Rojava neçar man rawestînin.
Li gor agahiyên me bidest xistî, MÎT û Parastin beriya mehekî komek sîxûrên ji 4 kesan pêk dihat li Başûrê Kurdistanê perwerde kiribû û amadekarî dikir ku bişîne Rojavayê Kurdistanê. Ev koma sîxûrên ku hewil didan bişînin Rojava, di Kampa Giwêlan girêdayê berpirsiyarekî Parastin ê bi navê Selman e.
Navên van sîxûran ên hatine bidestxistin wiha ne;
Raman ji navçeya Tirbêspiyê ya Rojava ye.
Bengîn û Ebû Îskender eslê xwe ji taxa Hilêliyê ya Qamişlo ye.
Şerwan Ebû Tabot ji navçeya Girkê Legê ya Dêrikê ye.
Ev tora sîxûr nêzî mehek berê ji aliyê MÎT-Parastin ve hatine perwerdekirin û ji bo bişînin Rojava amadekariya wan dihat kirin, piştî bernameya Destên Tarî ku di Ronahî Tv de hat weşandin, şandina wan ji aliyê berpirsiyarê Parastinê Selman ve hatin rawestandin.
Navê du sîxûrên bi navê Bengîn û Ebû Îskender ku di bernameya Destên Tarî de derbas bû, ji aliyê MÎT’ê ve ji komê hat derxistin.
Ev navbohirî yên me wan deşifre kirî niha di herêmên bin serweriya PDK/Malbata Barzanî de ye û ji bo ewlekariyê xwe karibin biparêzin û zêde tevnegerin de hatine hişyarkirin.
MÎT-PARASTIN SÎXÛRÊN XWE YÊN ÎHTÎMALA DEŞİFRE BÛBIN JI ROJAVA VEKIŞAND
Ji aliyekê din ve sîxûrên ku li ser esasê hevkariya MÎT-Parastin-ENKS’ê de şandine Rojava û dixwazin deskeftiyên gelê Kurd tasfiye bikin, piştî bernameyê yek bi yek ji Rojava ber bi Başûrê Kurdistanê ve vedikişîne.
Li gor agahiyên ku hatine piştrastkirin MÎT-Parastin sîxûrê bi navê Delîl Efrîn, piştî navê wî di îtîrafên sîxûrên ku ji aliyê ewlekariyê ve hatine girtin, destpêkê ji Dêrikê derbasî Til Koçer bûye û piştre jî wî kişandine Başûrê Kurdistanê.
