PDK demekî dirêje di ixanetê de sinoran nas nake û çi ji destê wî tê ji bo Dewleta Tirk ya dagirker dike. Diroka gelê Başurê Kurdistanê ji diroka pêşmergeyên ji bo netewa xwe şer kirine jî berovajî dike. Di şerê qirkirinê de dibe şirîka esasî ya dagirkeran. Gava hêzên HPG darbeyên mezin li dagirkeran didin, PDK bi bazdan diçe hawara van. Ev pazdeh rojin li cihên cuda cuda çêkirina rêyan ji ber viye. Dagirker nikarin bi helikopterên xwe pêwistiyên xwe pêk bînin. PDK rê ji van re çêdike. Dagirker nikarin cihên gerilla bibînin. PDK ajanê xwe rê dike. Bi van gavan edî ruyê reş ya PDK diyar buye. Lê disa jî PDK nasekine. Ji çar hawirdoran rastiya xwe radixe ber çavan. PDK xwe bi çarenusa Dewleta Tirk ya Faşist re girêdaye. Her xwesteka Dewleta Tirk, weke piyonan pêk tîne.
Çend roj berê nuçeyek di çapemaniyê de hat weşandin. Li zaningeha Duhokê nexşeyek Kurdistanê hatiye daxistin. Nexşe ji nuvde hatiye çêkirin. Jixwe wêne mijarê yekser nîşan dide. Baş li van wêneyan binêrin. Çiroka PDK û malbata Barzanî di van her du wêneyan de veşartiye:
Li milekî ew rewş baş e. Lewra PDK bi van gavan vekirî nîşan dide ku çi eleqa xwe bi Kurd û Kurdistanê tune. Mala Barzanî tenê doza serweriya xwe dike. Ji ber vî jî ku pêwist kir dê behsa Kurdistanê bike. Pêwist nekir dê neke. Kurdistan, ji bo wan cihê ku zikê xwe têr dikin e. Kurdistan ji bo van perên ku dikevin bêrîka van e. Kurdistan ji bo van cihê ku gel ji van re dibe xulam e. Rastiya van ev e. Rojek ji rojan dikarin bêjin Silêmanî jî ne Kurdistan e. Ger navê Kurdistanê jî ranekiribin ji ber ku ji bertekên gel ditirsin. Yan welat û ax di nava devê van de tenê benîştin. Lê bila bela xwe ji Kurdistanê vekin. Dewleta Tirk ya qirker ji bo hikumeta Herêma Kurdistanê çi dibêje; “Hikumeta Herêmî Ya Bakurê Iraq”. Bila PDK jî vî navê bikarbinê. Bila navê PDK jî biguherin. Bila bikin Partiya Demokrat Ya Bakurê Iraqê. Bêguman wiha bikin dê Tirk zêdetir jî pere bidin wan. Derdorên ku rastiya PDK hê jî inkar dikin û dibêjin “Partiyek Kurdan e lê carna şaşîtî dike” belkî wiha heqîqetê fêm bikin.
Derdorên welatparêz û kesên bi nirxên nîştimanî ve girêdayî bertek nişanî vî rewşê dan. Him li zaningehê him jî cihên cuda ev gava reş ya PDK hat şermezarkirin.Helwest, pir sinordar û ne têrkerbu.Divê heji were kirin jî.Jı berku, neqşe guhertin tişteki hesani nine. Bêguman dagirkerên Tirk talîmat dane, PDK jî weke her tim pêk aniye. Dewleta Tirk ya Faşist çiqas dijminê Kurd û Kurdistanê ye tê zanîn. Ger berxwedana PKK tasfiye bikin dê li Başurê Kurdistanê jî kevir li ser kevir nehêlin. Êdî zarokên penc salî jî van rastiyan dizanin. Heya ev dijmin neşikiya, tû destkeftiyên Kurdan mîsoger nabe. Ji bo vî jî gerîlayên HPG li Zapê di serî de Başurê Kurdistanê, tevahî Kurdan û tevahî Kurdistanê diparêze.
Lê divê em hin pirsan ji derdorên PDK û hin partiyên cuda ku di bin nêrin û birdoziya PDK xwe pênase dikin, bipirsin. PDK rewşa xwe zelal kiriye û weke dagirkeran heqîqeta Kurdistanê înkar dike. Lê ev derdor çi dibêjin divê mirov bipirse. Gelo Kurdistan cıhiye ku malbata barzani lı ser servere? Anji tenê ji perçeya Başur pêk tê? Beşên Kurdistanê ê di bin dagirkeriya Tirkî, İran û Surî de tûne? Ger tûne be partiyên ENKS çi dikin? Partiyên Rojhilatê Kurdistanê, ên di bin xeta PDK de doza çi dikin? Berî her kesî divê van partiyan bertek nîşan bidin û helwesta xwe nîşan bidin.
Bêguman bi guhartina nexşeyan ne Kurdistan ji holê radibe, ne jî gelê Kurd tune dibe. Ger wiha buna 100 sale welatê me hatiye perçekirin û ji nexşeyan hatiye derxistin. Lê Kurdistan li ser lingaye û li dijî dagirkeran jî li dijî xiyanetkaran jî li berxe dide, dê heya serkeftinê jî li berxe bide. Ev yek tenê rûreşiya PDK zêde dike.
Kendal BAGOK
