Gava mirov ev dimênê gerilla ye azadiyê dinêre, çi dibine? Dibe ku gelek bersiv hebin lê ya esasî yekbuna mirovek bi çeka xwe re ye. Çek divê dimenî ne tiştek biyanî ye ji gerilla re. Buye perçeyek wî ê xwezayî. Lê çava amurek şer dibe parçeya mirov? Mirov ew rewş çava dikare fêhm bike? Têkiliya şer û Kurd çiye? Ev dimên di mirov de pirsa ava dike.
Cara yekemin li wî erdingariyê mirov bi keda xwe jiyan afirand. Civakbunê, nirxên pîroz pêş xist. Û disa cara yekemin li wî erdingariyê mirov erîşî mirova kir. Şer li wir dest pê kir. Şerê ji bo metingerîyê. Şerê ji bo xwinmijan mirovan kole bike. Şerê fermandêran ku ji laşen kuştiyan xanî ava dikirin. Şerê ku ixanet, şerê ku zalimtiyê ava kir. Şerê tunekirinê. Şerê desthilatdariyê. Şerê dewletan.
Lê şerê xwe parastina rewa jî li wir destpê kir. Şerê mirovên azadiya xwe di dile xwe de bi cih kiribun. Şerê ji bo welatek azad. Şerê ji bo cihanek wekhev. Şerê ku civaka serê xwe natewine ava kir. Şerê civakê. Şerê mafdar. Şerê azadiyê. Koka wî jî li wir e.
Kurd ji bo weke mirovek were pejirandin divê şer bikira. Kir. Kurd ji bo bive gelek divê şer bikira. Kir. Kurd ji bo welatê xwe li cihane bida naskirin divê şer bikira. Kir. Kurd ji bo hebuna xwe diyar bike divê şer bikira. Kir. Car carna serket, serkeftina wî bû Newroz bi hezar salan hat pîroz kirin. Car carna binket. Lê ji bîr ne kir. Kurd divê şer bike. İro Kurd ji bo xetereya qirkirinê bişkine û civakbuna xwe misoger bike divê şer bike. Kir, dike û dê bike jî.
Kurd bi şer tene şerefe xwe na, hebuna xwe jî parast. Di çil sala dawî ji Kurd edî ji bo azadiyê xwedî tevgerek bûn, xwedî rêbertîyek bûn. Di wî demî de Kurdê Azad bi şer teşe girt. Nirxan ji nû de afirandin. Zarok navên kehremanên şer rakirin û bi çîrokên şer mezin bûn. Jin û xortên Kurdan bi hevre dilana şerê gele şoreşgerî girtin. Xweparastin bû navê din ya Kurdan.
Ji ber wî çek bu perçeyek laşê Kurda. Gava pêwist kir dest avêt çeka xwe. Tu demî ji çek dur neket. Ew bu rastiya wî. Zanîbu dostê wi yî azîz çiya bin, dostek din jî çeka wî bu. Dirî çawa perçê gulê be, çek jî bu perçeyek Kurdan.
İro li her dere welêt ciwanên Kurd bi çekan axa xwe diparêzin. Ne ku şer hez dikin, ne ku şer dixwazin. Li hember dijmenên hov weke devleta faşist ya Tirkan ku dijminê sereke ye tene rêyek heye ew jî şer e. Ne Kurd ew rê hilbijart, lê gava ew li ser hat ferz kirin gav paş de ne avêt. Navêje jî. Heya Rêbera xwe û Kurdistana xwe azad bike çek her tim ê li ber deste wî de be. Heya serkeftinê…
Sultan RİZGAR
