29 Haziran 2011 Çarşamba Saat 18:44
Serokê Konseya Rêveber a KCK’ê Mûrat Karayilan got “Hemû tiştên ku diviyabû bihata gotûbêjkirin, hat gotûbêjkirin. Dewlet û Rêber Apo derbarê her tiştê de axivîn. Niha jî dema avêtin pêngavan e û diyar kir ku ji bo avêtina pêngavan êdî dora Enqereyê ye. Karayilan bal kişand ser şerê gel ê şoreşgerî jî û got “Ger artêşa millî êriş neke, em artêşa millî nakin hedef. Em pêşî artêşê nakin hedef. Wê artêş li benda sînoran be. Ger Xweseriya Demokratîk bikeve meriyetê, di dema ketina meriyetê de kî êriş bike, ew ê bibin hedef, ger polîs be, hedef polîs e
Beşa siyemîn a hevpeyvîna rojnamevan Hasan Cemal li Qendîlê bi Serokê Konseya Rêveber a KCK’ê Mûrat Karayilan re pêk anî, hat weşandin. Karayilan di hevpeyvîna ku dengek bi hêzê di rayagiştî ya Tirkiyeyê ve dide daxuyaniyên girîng dan.
DEWLET DERBARÊ HER TIŞTÊ DE BI RÊBER APO RE AXIVÎ
Serokê Konseya Rêveber a KCK’ê Mûrat Karayilan di beşa siyemîn a hevpeyvîna bi rojnamevan û nivîskar Hasan Cemal re pêk anî, ku di rojnameya Milliyetê de hat weşandin de dibêje “Hemû tiştên ku diviyabû bihata gotûbêjkirin, hat gotûbêjkirin. Dewlet û Rêber Apo derbarê her tiştê de axivîn. Niha jî dema avêtin pêngavan e…
Beriya mehekê sê protoko pêşkêşê dewletê kiribû, divê derê de çarçoveya pêngavên ku divê bêne avêtin hene. Lê protokolên Rêber Apo daye dewletê, cewherê nexşeriya wî ya di 15’ê Tebaxa sala 2009 de amade kiribû ye. Bi kurt û kurmancî ger pêşîlêvekirine nû dest pê bike, çarçoveya wê amade ye.
Hasan Cemal di hevpeyvîna xwe de diyar dike ku Karayilan gotiye ‘êdî dora Enqereyê ye’. Cemal diyar dike ku dema wî li Mesîfê bi Nêçîrvan Barzanî re hevdîtin pêk anî, Barzanî jî ji Karayilan cûdatir nahizire û dibêje “Serokê berê yê Hikûmeta Kurdistana Iraqê Nêçîvan Barzanî jî diyar dike ku bo pêngava yekem êdî dora Tirkiyeyê ye.
‘SERERASTKIRINA ŞERT Û MERCÊN ÎMRALIYÊ TIŞTEKÎ JIYANÎ YE
Cemal diyar dike ku gotinên nijadperest ên ku Erdogan di dema hilbijartinê de kiribûn, zêde bandor li Karayilan nekiribûn.
Her wiha Karayilan derbarê şert û mercên Îmraliyê de jî dibêjw “Rêberê me girtî ye, vîna me girtî ye. Xebatên ji bo sererastkirina şert û merên Îmraliyê tiştekî jiyanî ye û dibêje “Tenê otorîteyek heye ku dikare me ji van çiyayan daxîne, ew jî Rêber Apo ye, ji bîr nekin.
ERGENEKON, ERGENEKONA KESK
Karayilan dibêje “Projeya operasyona KCK’ê ji aliyê polîsên Cemeta Gulen û baskên wê yên di darazê de pêşkêş hikûmetê hat kirin û hikûmet jî vêyekê pêk anî û wiha didomîne “Mirov dikare ji baskên cemeeta Gulen a di nava dewletê de ne re bibêje Ergenekona Kes. Lê li gorî agahiyên di van demên dawî j ime re hatin‘Dibe li şûna Ergenekona Kesk, rêxistinek bi navê Otuken derbikeve holê. Karayilan derbarê aşitiyê de jî dibêje “Ez dixwazim bi riya we bang li Serokwezîr, saziyên dewletê, saziyên siyasetê bikim: Em bi dildarî dixwazin li ser bingehê bihevrebûnê aşitî pêk were.
PIŞTÎ BÊÇALAKTIYÊ ŞERÊ GEL Ê ŞOREŞER
Karayilan bersiv dide pirsa Hasan Cemal a bi awayê “Ger li Tirkiyeyê, pêşiya çareseriya makezagonaî an jî pêvajoya aşitiyê venebe, wê çi biqewimer? û bi kurtî dibêje “Wê şerê gel ê şoreşgerî biqewime. Karayilan wiha didomîne “Bila ev yek weke geflêxwarin neyê famkirin. Gelê Kurd di hilbijartinê de ji bo çareseriya makezagonî û xweseriya demokratîk dengê xwe bi kar aniye. Ger yên li hemberî tu pêngav neavêji, berovajiyê wê êrişê me bikin, gelo em dikarin çi bikin, ji bilî berxwedanê?
DI ÇALAKIYAN DE GUHERTINA KONSEPTÊ HEYE
Karayilan dibêje wê bi vî awayî agirbest jî bi dawî bibe û wiha didomîne “Ev yek jî dawiya bêçalaktiyê ye. Ger dawî lê were, wê şerê gel ê şoreşgerî dest pê bike. Wê ji şerê heta niha pir berfirehtir be. Wê bi girseyî, di bajaran de û çiyayan…
Karayilan dibêje “Ger artêşa millî êriş neke, em artêşa millî nakin hedef. Em pêşî artêşê nakin hedef. Wê artêş li benda sînoran be. Ger Xweseriya Demokratîk bikeve meriyetê, di dema ketina meriyetê de kî êriş bike, ew ê bibin hedef, ger polîs be, hedef polîs e…Mîkan ger Xweserî li Colemêrgê bê pêkanîn û polîs êriş bike, Em jî dê parastina xwe bikin. Saziyên Xweseriya Demokratîk hene, meclîsên gel hene.. Kî wana bike hedef an jî êriş bike, ew ê bê bersiv nemînin. Bi kurt û kurmacî di çalakiyan de guhertina konseptê heye. -ANF
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
