PDK-Êraq û Leyistokên Wan -IV-

Jinên Şengalê Digirîn! (Nûçe: 20.06.15-Rûdaw)

Heman Hêvîdar Ehmed eve çend roje li Zaxoye û li xizmeta
malbendê-liqê PDK’ê  de ye. Diyare hêjta
nûçeyên liqê bi dawî nebûne. Amadekariyek baş hatiye kirin.

Niha jî li mala Êzidiyek yê kampek ya Bêsîvê ye. Jinek ya
malê biryara xwe daye û tevlî gerîla bûye. Malbat dixwaze ew jin vegere malê.
Lê temaşeyê ragihandina nûçegihanê liqê Hêvîdar Ehmed bikin: “ DAIŞ’ê jin û
keçên Êzidiyan birin, dayîkên wan girîn! PKK jî jinên Êzidî dibe, dîsan dayîkên
Ezidî digirîn!

PKK û DAIŞ têt berewurdkirin! Tam nêrîna Erdogane. 

Ew PKK ya kû li Mexmûr namûsa we rizgarkirî û nehêlayî
Hewlêr bikeve… Ew PKK ya kû li Şengalê bi sedhezaran Êzidî rizgarkirî ew
Êzidiyên kû bi fermana birêz Serokê Herêmê radestê DAIŞ’ê hatibûn kirin! Ew
liqa PDK’ê kû li Şengalê bi deh hezaran Kurdên Êzidî di nava lepên DAIŞ’ê de
hêlayî… Ew jin û keçên kû PKK’ê rizgarkirî ji destê DAIŞ’ê û reva pêşmergeyan
ya qet ji bîrkana me dernakeve. Ew reva mîna keriyên pez gava xwe di lat û
zinaran de davêjin! Û ew birêz serokê herêmê yê kû li serê Çiyayê Şengalê
gotibû: “Şengal namûsa Kurdaye û hêjta ji bo standina wê namûsê biryar nedaye
pêşmerge tenê yek teqe jî li DAIŞ’ê bikin! Û heman gerîlayên PKK’ê yên rojane
di nava kolanên Şengalê de têne şehîdkirin û ji bo pakkirina wê xakê tekoşîn
dikin, îro Rûdaw û PDK wan dişibîne DAIŞ’ê!

Pêşiya demekê li Zaxo min pêşmergeyek yê di dema karesatê de
li Şengalê bû dît û qala reva ji Şengalê dikir. Ji gotinên wî ez hêşta
sersormanim, digot: “Di rastî de DAIŞ nehatibû. Kesê nedîtibû jî. Lê telefonek
bo mesûlê me hat û got berdin. Mesûlan agahî ji hevdu hebûn. Bi yekcarî li
seyaran suwarbûn û gotin me jî suwar bibin. Em pêre negihan. Seyarên wan
direvîn û em pêve dixirikan! Sê an çar pêşmergeyên hevalên me wuha man di bin
seyaran de. Hin ji wan bi vî awayî şehîd ketin. Lê em newêrin vê ji malbatên
wan re bêjin. Biraziyê min jî xwe li min ranegirtibû û gava revîbûn jî telefon
jî nedabû me. Grubek hevalên me ji me wêdetir di kemînê de sekinîbûn. Piştre me
jî pişta wan berda. Piştî bû şev DAIŞ hat, li paş wan zivirî û hemiyan
dîlgirtin. Bi saxî xistin dibin tekeleyên tanzêr û kepçeyan de û serên wan
meriçandin, şehîd xistin. Wan wusan dizanî kû em li pişta wanin. Lê me ji zûde
bi biryara mesûlan wan tenê hiştibûn. Ger em nehatiban, jixwe mesûl direvîn û
rewşa me jî yê ji ya wan ne cuda ba.

Ev çêrok rastiyek pir dilêşe. Piştre min biraziyê wî
pêşmergeyî dît û min heman bûyerê jê pirsî. Ya sersorman, ew jî dikenî û heman
bûyeran piştrast dikir. Û îro heman mesûlên reviyan bûn, heman mesûlên kû jin û
keçên Êzidî di nava lepên DAIŞ’ê de hiştibûn, heman mesûlên PDK’ê kû xwe
amadekiribûn di deryê Xabûr re derbazî Bakur bibin wan rojan îro jinek Êzidî
ya tevlî PKK’ê bûyî û dixwaze bi çeka xwe tola xwe hilîne, bûye manşeta
çapemeniya wan PDK’ê û Rûdawê. Du roj piştî reva PDK’ê ji Şengalê, sekreterê
wan Fazil Mîranî derketibû Rûdawê û gotibû: “ Ti karê PKK’ê li Şengalê nîne,
bila biçin Amed û Wanê rizgar bikin. Heman ew zat pêş demekê daxuyaniyek da û
got: “ Pêwîstî bi kongreya netewî nîne!

Weke ji van agahiyên kurt jî diyar dibe, PDK’ê di nava
xafletê de heta bi qirikê çoye. Niha dubare heman hestên 1992-şerê îxanetê,
1994-şêrê birakujiya li gel YNK’ê, li 1995, 1996, 1997 an şêrên li gel PKK’ê
heman hestên têkdana Kurdistanê wan rapêça ye. Rojane gel tehrîk dikin, bi rêya
hinek partiyên marjînalên mîna HDKÎ dixwaze rojevê dagir bike û pêvajoyek ya
reşkirinê bide domandin. Ya balkêş jî hêzên Başûrê Kurdistanê çima bêdengin li
hemberê vê rewşê?

Di Tv’yek ya Turkan de wê rojê manşetek wuha hebû: “Ger PKK
bostek din ax bistîne, PDK yê li hember PKK’ê dest bi şer bike! Diyare agahiya
wan ji hevdu heye. Lê ya min ditirsîne ewe kû PKK ji demek û pêve li hemberê vê
rewşa PDK’ê û bêdengiya partiyên Başûr sebra xwe wunda bike û helwestek pir
tund raxe holê. Ji vê û pêde dibe kû tenê Kantona Bilê-Barzan bimîne di destê
PDK’ê de! Diyare ev yek bi dilê partiyên din yên Başûre jî. Ji ber kû PDK bi
heft sed hezar dengê standî, dixwaze xwe li ser hemî Kurdistanê, li ser hemî
rêxistin û partiyên Kurdan bide ferzkirin. Çengek yê PKK’ê HDP li Bakur ji şeş
milyonan zêdetir deng stand hun ji vê re çi dibêjin? Ger her partiyek li gora
dengan hewl bide xwe bide ferzkirin, hingê divêt yên mîna PDK’ê li dawiyê
rawestin û li benda rêzê bimînin.

Şanstêr Memê

Kürdistan Stratejik
Araştırmalar Merkezi

www.lekolin.com –
www.lekolin.org – www.lekolin.net – www.lekolin.info – www.navendalekolin.com

0

21

TR

:” ”

:””

” “,” ”

:” ”