PDK-Êraq û Leyistokên Wan -III-

Di demek de kû li Turkiye hilbijartin çêbûn, PDK helwestek
pir şêlo nîşan kir. Mînak, YNK û Tevgera Goran helwestek pir niştîmanperwerî û
wêrek nîşandan û alîgiriya HDP’ê kirin. Lê PDK’ê bidirêjahiya hilbjiatinê tenê gotinek
jî ne got. Heta diyar bû kû ji bo HDP bi sernekeve gelik pere li bakur daye
belavkirin.

Tam di van deman de bi plansaziyek xwast şer di navbera du
partiyên Kurd –PKK û HDKÎ- derbêxe. Li rexmê kû zêde pirsgirêk nehat mezinkirin
û herdu aliyan jî hewlda vê pirsgirêkê çareser bikin jî, bi dirêjahiya
heftiyekê bi rêya Rûdawê agahiyên şaş û provakatîf hatin weşandin, bernameyên
zindî yên bi armanca rojev dagirkirinê hatin meşandin û bi rêya Rûdawê gelê
Kurd hat tehrîk kirin kû şerek navxweyî derbikeve. Ev helwesta Rûdawê di rastî
de helwesta PDK’ê bû. Lê bi xwînsariya gelê Kurd û raya giştiya Kurd ev plan
hate vala desrxistin.

Rêya Di Navbera Qendîl û Xinêre De, Di Navbera Şengal û
Rojava de Têt Girtin!

Madem nakokî di navbera HDKÎ û PKK’ê de ye, çima ji wê rojê
ve rêya di navbera Xinêre û Qendîl, Behdînan-Şengal de ji aliyê PDK’ê ve hatiye
girtin? Ya hêj balkêştir, PDK’ê van reftaran bi piştgiriya kê û çawa dike?
Gelik bersivên vê hene. Çoyîna Barzanî ya Emerîka û piştî wê girtina biryarek
wuha balkêşe. Seredanên wî ji bo hinek welatên Erebî yên mîna Kuweyt û hwd û ev
biryar li rasta hev tên. Lê xudê neke, encamek ya wê ya giran jî di pêşerojê de
dibe kû derbikeve holê. Ji ber kû li gora agahiyên em dizanin, PKK ji demek û
pêve yê vê bêdengiya xwe xirab bike. Ger ev pirsgirêk neyêt çareserkirin,
rewşek têkelaw li benda Başûrê Kurdistanê ye.

Û Nûçegihanê Liqê: Hêvîdar Ehmed!    

Di hemî bûyerên krîtîk de nûçegihanê Rûdawê Hêvîdar Ehmed
derdikeve pêşberî me. Bi her aliyê xwe ve pêkenoke. Ji tevgerên wî bigirin, ji
gotinên wî bigirin, ji zaravayê wî kû di xwaze Nêçîrvan Barzanî lasayî bike… Ji
kû ve bigirin dest, balkêşe. Piraniya nûçeyên wî destkird û çêkirîne. Rojane
liqek yê PDK’ê nûçeyek amade dike û ew jî diçe wê nûçeyê digire û diweşîne.
Bîra weşangeriya çapemaniya Turk ya salên 1990’an tîne hişê mirov. Nûçeyên
amadekirî, pevbestî û bi armanca şerê taybet bi rêya vî camêrî li ser şaşeya
Rûdawê bi berfirehî cih digire.

Û vê carê li Zaxo, li Heftanînê ye. Dibêje: “PKK 60 gundên
herêma Sindiyan û Guliyan yên li herêma Hetfanînê dagirkiriye û ji % 45 rûberê
Zaxo vegirtiye. (Ez li bendê bûm bêje pêşmergeyên Partî 60 gundên mîhwerê
Xazir anjî Şengal rizgarkirine.)

 Em van direwan
sererast bikin: 

•             Jixwe
Zaxo ne xweyî ewqas gundên avedane li herêma Heftanîn.

•             Gundên
hene jî ne yê Sindiyan û Guliyan, lê piraniya wan yên Xiristiyan û Asuriyanin.
Di hêjmarek gelik kêm de gundên Sindiyan û Guliyan li heman herêmê heye.

•             Diyare
hinek mesûlên Partiyê çavberdane malê Xiristiyanan û dixwazin wan gundên
valabûyî ji wan bistînin û ji xwe re bifiroşin. Ya herî maqul jî ewe ev nûçe jî
ji aliyê liqa PDK’ê ya Zaxo ve hatiye çêkirin. Û hinek agahiyên direw û
bêserûber ji nûçegihanê navborî re ragihandine û ji xwe re kirine pêkenok.

•             Di demek
kû evqas êrişên PDK’ê zêdebûne de, bi zêdahî êxistina rojevê ya van nûçeyan jî
xelekek ya vê fitneyê ye.  

Ji aliyê din ve gundiyek dibêje: “Emê PKK’ê bikujin, emê
tola xwe ji wan bistînin. Û ev hevok yekser li ser şaşeya Rûdawê têne
weşandin. Diyare wî necamêrî bi caran vî karê birakujiyê kiriye û liqa Zaxo ya
PDK’ê jî piştgirya wî kiriye. Roja 18.06.2015 ev nûçe hemabêje bûye nûçeya
lezgîn ya Rûdawê bi dirêjahiya rojê di hemî nûçeyan de têt behskirin. Ango
Rûdaw dikare rastiyan sansûr bike, lê nikare axaftinên bibin sedemê tewanên
nefretê û birakujiyê sansûr bike! Rastî gelik vekiriye: PDK xwe amadeyê şerek
navxweyî dike! Ev hawar hawara Rûdawê mizgînvanê nexêrê yê vê çendê ye.

Li seranserê cîhanê hemî desthelatdarî –heta dîktatorî jî-
gelê xwe li gora berjewendiyên xwe perwerde dike û tiştekê dide wan. Lê li
herêma Behdînan PDK’ê tiştek pêşkêşî vî gelî nekiriye û wan heta dawî paşve
hêlaye. Li gora herêmên din yên Başûrê Kurdistanê Behdînan pir cuda ye. Hêj
heta niha bi çavên dijminan li Soranan, li Rojavayiyan û li Bakuriyan dinêrin.
Yekane sedemê vê jî polîtîkayên birakujî û nehezî yên PDK’ê ye. Herêmek mîna
Zaxo kû navendek pir bi hêz ya dewlemendî û bazirganiyê ye, hêjta mîna gundekê
ye. Ji bilî çend kesên di asayîş û liqê de, ti kesek nizane ev dewlemendî bi kû
ve diçe. Gel hêjta pir hejare û piraniya wan hêjta karê kasibkartî dikin. Û ew
jî vê firset dibînin û berê wan didin PKK’ê.

Şanstêr Memê

Navenda Lêkolînên Stratejîk A Kurdistanê

www.lekolin.com – www.lekolin.org – www.lekolin.net –
www.lekolin.info – www.navendalekolin.com

 

0

21

TR

:” ”

:””

” “,