Endam\u00ea Akademiya Zanist\u00ean Civak\u00ee ya Abdullah Ocalan D\u00fbran Kalkan ji Medya Haber TV re axiv\u00ee, p\u00eavajoya A\u015ft\u00ee \u00fb Civaka Demokrat\u00eek, lihevkirina Dewlet\u00ean Yekb\u00fby\u00ee y\u00ean Emer\u00eeka \u00fb \u00ceran\u00ea, \u00eari\u015f\u00ean \u015fer\u00ea taybet \u00fb di \u015fexs\u00ea Z\u00eelan de xeta feda\u00eetiy\u00ea nirxand. Hevpeyv\u00eena bi D\u00fbran Kalkan re bi v\u00ee reng\u00ee ye:<\/p>\n
N\u00eeqa\u015f li ser p\u00eavajoy\u00ea t\u00ea kirin. N\u00eeqa\u015f\u00ean cid\u00ee hene, l\u00ea bel\u00ea rew\u015feke cid\u00ee ya nediyar j\u00ee heye. Gelo w\u00ea qan\u00fbn b\u00ea derxistin an na? N\u00eeqa\u015feke bi v\u00ee reng\u00ce heye. H\u00fbn hem v\u00ea rew\u015fa nediyar hem j\u00ee n\u00eaz\u00eekatiya gi\u015ft\u00ee ya li p\u00eavajoy\u00ea \u00e7awa dinirx\u00eenin?<\/strong><\/p>\n Beriya her ti\u015ft\u00ee R\u00eaber Apo bi hurmet silav dikim. N\u00eaz\u00ee mehek e careke din hevd\u00eetin p\u00ea re nay\u00ea kirin. Em nizanin b\u00ea rew\u015f \u00e7i ye. L\u00ea bel\u00ea her\u00ee daw\u00ee di hevd\u00eetina 24’\u00ea Gulan\u00ea de hatib\u00fb gotin ku w\u00ea qan\u00fbnek b\u00ea amadekirin, heman pi\u015ft\u00ee cejn\u00ea w\u00ea bi lez b\u00ea nirxandin \u00fb zelalkirin, metn w\u00ea ji R\u00eaber Apo re bi\u00e7e \u00fb agahiya me j\u00ee j\u00ea \u00e7\u00eabibe. Di meh\u00ean Adar \u00fb N\u00eesan\u00ea de j\u00ee rew\u015feke bi heman reng\u00ee heb\u00fb. L\u00ea bel\u00ea w\u00ea dem\u00ea ev p\u00eak nehat. Niha j\u00ee plansaziyeke bi heman reng\u00ee \u00e7\u00eab\u00fb. Cejn derbas b\u00fb, gotin w\u00ea s\u00ea roj pi\u015ft\u00ee cejn\u00ea bibe. Hate ragihandin ku R\u00eaber Apo li ser naveroka qan\u00fbn\u00ea p\u00ea\u015fn\u00fbmeyeke niv\u00eesk\u00ee p\u00ea\u015fk\u00ea\u015f kiriye. DEM Partiy\u00ea digot, wan p\u00ea\u015fn\u00fbmey\u00ean xwe amade kirine. Bi AKP’\u00ea re, bi Serok\u00ea Mecl\u00ees\u00ea re hevd\u00eetin kirin. Niha j\u00ee t\u00ea gotin, w\u00ea qan\u00fbna \u00e7ar\u00e7ovey\u00ea be, ji 7-8 xalan p\u00eak were. L\u00ea bel\u00ea t\u00ea gotin, gelek\u00ee dereng t\u00ea xistin. Beriya her ti\u015ft\u00ee div\u00ea ev yek b\u00ea gotin. Li hol\u00ea h\u00een j\u00ee metneke \u015f\u00eanber n\u00eene. Agahiyek ji bo raya gi\u015ft\u00ee n\u00eene. Li ser naveroka w\u00ea agahiya me j\u00ee n\u00eene. Em li bend\u00ea ne. Eger qan\u00fbn bigih\u00eaje me em \u00ea n\u00ear\u00een\u00ean xwe bib\u00eajin.<\/p>\n L\u00ea bel\u00ea em v\u00ea yek\u00ea destn\u00ee\u015fan bikin: Me R\u00eaber Apo kir muzakerevan\u00ea xwe y\u00ea sereke. R\u00eaber Apo v\u00ea wez\u00eefeya xwe van kar\u00ean xwe dewam dike. Di vir de ti cudah\u00ee n\u00eene. L\u00ea bel\u00ea weke Tevger, weke jin, m\u00ear, ciwan, extiyar kesayet\u00ean Kurd di nava 14-15 mehan de me helwesta xwe tim\u00ee bi \u015f\u00eanber\u00ee dan\u00een hol\u00ea. Me got, azadiya f\u00eez\u00eek\u00ee ya R\u00eaber Apo mifteya her ti\u015ft\u00ee ye. Kil\u00eed w\u00ea ji vir vebe. Div\u00ea R\u00eaber Apo bibe xwed\u00ee merc\u00ean kar \u00fb jiyan\u00ea y\u00ea azad. Eger ev bibe w\u00ea qan\u00fbn xwed\u00ee naverokek\u00ea be. W\u00ea ji aliy\u00ea me ve h\u00eaja b\u00ea d\u00eetin, em \u00ea binirx\u00eenin. L\u00ea bel\u00ea xwed\u00ee naverokeke bi v\u00ee reng\u00ee nebe, ev yek xeta me ya sor e. Biryara me ya kongreya 12’em\u00een b\u00fb. Ku biryara kongrey\u00ea div\u00ea bi cih b\u00ea an\u00een, kes nikare berevaj\u00ee biryara kongrey\u00ea tevbigere. Eger li gor\u00ee v\u00ea yek\u00ea n\u00eaz\u00eekat\u00ee ney\u00ea ni\u015fandan, ez \u00ea ti\u015ftek\u00ee neb\u00eajim l\u00ea bel\u00ea weke tevger \u00fb gel em \u00ea bi er\u00ean\u00ee l\u00ea nenih\u00earin. Beriya her ti\u015ft\u00ee em v\u00ea yek\u00ea destn\u00ee\u015fan bikin. Bila n\u00eaz\u00eekatiyeke cuda ney\u00ea n\u00ee\u015fandan.<\/p>\n Aliy\u00ea din j\u00ee ev qan\u00fbna \u00e7ar\u00e7ovey\u00ea ye. Ji bo veger\u00ea bi qas\u00ee ku me f\u00eahm kiriye di hal\u00ea hazir de z\u00eade qala demokrat\u00eekb\u00fbnek\u00ea, entegrasyoneke demokrat\u00eek, qan\u00fbna azadiy\u00ea nay\u00ea kirin. Ev yek dibe ku p\u00ea\u015f\u00ee veke. Eger b\u00ea derxistin dibe ku dewama w\u00ea b\u00ea. Xwed\u00ee taybetmendiyeke bi v\u00ee reng\u00ee ye. Lewma ne hem\u00fb qan\u00fbn. Ne rew\u015feke ku nikaribe b\u00ea kirin. Dewlet\u00ea heta niha di bin nav\u00ean cuda de qan\u00fbn\u00ean bi v\u00ee reng\u00ee derxistin. H\u00een j\u00ee bi w\u00ee reng\u00ee tevdigere, bi qas\u00ee ku me f\u00eahm kir v\u00ea qan\u00fbn\u00ea j\u00ee di \u00e7ar\u00e7oveya t\u00eako\u015f\u00eena li dij\u00ee teror\u00ea de dinirx\u00eene. Lewma ji bo qan\u00fbn\u00eekirina p\u00eavajoy\u00ea, \u00e7areseriya pirsgir\u00eaka Kurd \u00fb demokrat\u00eekb\u00fbn\u00ea xwe nade ber av\u00eatina gav\u00ean qan\u00fbn\u00ee. Ji xwe di belavoka encam\u00ea ya civ\u00eena daw\u00ee ya Desteya Ewlekariya Mil\u00ee de ev yek diyar b\u00fb. Mirov dema ku w\u00ea dib\u00eene ji bo z\u00eade bi h\u00eav\u00ee bibe, sedemek\u00ea nab\u00eene.<\/p>\n BELAVOKA ENCAM\u00ca YA MGK’\u00ca N\u00caZ\u00ceKATIYA DESTHILATDARIYA AKP’\u00ca \u00db DEWLETA TIRK N\u00ce\u015eAN DIDE<\/strong><\/p>\n Belavoka encam\u00ea ya civ\u00eena Desteya Ewlekariya M\u00eel\u00ee (MGK) a 18’\u00ea Hez\u00eeran\u00ea bi rast\u00ee j\u00ee n\u00eaz\u00eekatiya desthilatdariya AKP’\u00ea \u00fb dewleta Tirk radixe p\u00ea\u015f \u00e7avan. Xus\u00fbs\u00ean ku me heta niha bi \u015f\u00eawey\u00ean cuda n\u00eeqa\u015f dikir, xuya ye bi ferm\u00ee qeb\u00fbl kirine. H\u00een j\u00ee di \u00e7ar\u00e7oveya teror\u00ea de p\u00eavajoy\u00ea dinirx\u00eenin. W\u00ea bi \u00e7i reng\u00ee li hember\u00ee r\u00eaxistin\u00ean teror\u00ea t\u00eabiko\u015fin, qala w\u00ea dikin. Ti\u015ftek\u00ee n\u00fb n\u00eene, guhertinek n\u00eene. Li Desteya Ewlekariya M\u00eel\u00ee guhertinek n\u00eene. Weke belavoka Desteya Ewlekariya M\u00eel\u00ee ya beriya 2, 4 meh, yan j\u00ee 4 salan e. Xuya ye hemam metn\u00ea didin. Ji ber ku di gotinan de j\u00ee n\u00fbb\u00fbnek n\u00eene. Em \u00e7apemeniy\u00ea rexne dikin, derdor\u00ean cuda rexne dikin. Li ser ziman\u00ea ku bi kar t\u00eenin. Ziman\u00ea Desteya Ewlekariya M\u00eel\u00ee j\u00ee li hol\u00ea ye. Rew\u015feke wel\u00ea ye ku h\u00een j\u00ee weke ‘r\u00eaxistina teror\u00ea ya PKK’\u00ea dinirx\u00eene. Xuya ye Desteya Ewlekariya M\u00eel\u00ee dixwaze PKK dewam bike.<\/p>\n Halb\u00fbk\u00ee PKK hate fesixkirin. Qet li ber \u00e7avan negirtine. Di ziman de guhertinek n\u00eene. Ji l\u00eestey\u00ea j\u00ee neketiye. Ev e\u015fkere ye. Mirov v\u00ea encam\u00ea ji w\u00ea yek\u00ea dikare derx\u00eene: Dixwazin PKK dewam bike. V\u00ea daxwaz\u00ea dixwazin. Ji w\u00ea belavok\u00ea ev t\u00ea f\u00eahmkirin. L\u00ea bel\u00ea ew \u015fa\u015f in, em bi biryar in. Me PKK guhert. Vegera ji v\u00ea gulhertin\u00ea w\u00ea nebe. Vegera li PKK a ber\u00ea w\u00ea nebe. Me ew kir mal\u00ea d\u00eerok\u00ea. Li Desteya Ewlekariya M\u00eel\u00ee yan j\u00ee li desteyeke din \u00e7iqas\u00ee bixwazin j\u00ee w\u00ea ev nebe. Ji ber ku hevsengiyeke siyas\u00ee ava b\u00fbye. Li ser t\u00eako\u015f\u00eena PKK’\u00ea rantxuriyeke mezin ava b\u00fb. Bi guher\u00een\u00ea re her kes ne\u00e7ar dim\u00eene ku xwe biguher\u00eene. Li p\u00ea\u015fber\u00ee v\u00ea guher\u00eena PKK’\u00ea gelek derdor\u00ean rantxur ranta xwe winda dikin. Yan\u00ee y\u00ean ku div\u00ea siyaset\u00ea hilber\u00eenin, guher\u00een\u00ea bikin ji guher\u00een\u00ea ditirsin. \u00db gelek derdor\u00ean ber\u00ea daxwaza PKK a ber\u00ea dikin. Dixwazin dewam bike. W\u00ea neke. Ez w\u00ea bi \u015f\u00eanber\u00ee bib\u00eajim. \u00c7iqas\u00ee dixwazin bila biniv\u00ees\u00eenin. L\u00ea bel\u00ea ev w\u00ea dewam neke.<\/p>\n Dawiya daw\u00ee v\u00ea bib\u00eajim. Dewlet\u00ea j\u00ee, AKP’\u00ea j\u00ee n\u00ear\u00eena xwe bi civ\u00eena Desteya Ewlekariya M\u00eel\u00ee n\u00ee\u015fan da. Me bi neguhertin\u00ea, bi filan ti\u015ft\u00ee s\u00fbcdar dikin, l\u00ea bel\u00ea y\u00ean ku qet neguher\u00eene ew bi xwe ne. Guhertineke bi\u00e7\u00fbk j\u00ee nakin. Ne guhertina mej\u00ee \u00fb siyaset\u00ea. PKK’\u00ea t\u00eakildar\u00ee xwe biryar da. T\u00eakildar\u00ee w\u00ea ziman\u00ea xwe j\u00ee naguher\u00eenin. W\u00ea dem\u00ea \u00e7awa dikarin ji hinek\u00ee din guhertin\u00ea bixwazin? \u00c7ima ewqas\u00ee bi ser PKK’\u00ea ve di\u00e7in? Di \u00e7apemeniya \u015fer\u00ea taybet de bi gotina ‘filan ti\u015ft nabe’ her roj \u015fer\u00ea ps\u00eekoloj\u00eek bilind dikin. Ev rew\u015feke ne cid\u00ee \u0131ye. Div\u00ea cid\u00ee bin. Em v\u00ea bib\u00eajin; Em \u00ea li ya ber\u00ea venegerin. Em v\u00ea p\u00eavajoy\u00ea ne ji bo dewlet\u00ea, ne ji bo AKP’\u00ea dime\u015f\u00eenin. Em ji rastiya v\u00ea p\u00eavajoy\u00ea bawer dikin, lewma dime\u015f\u00eenin. R\u00eaber Apo ev yek weke p\u00eavajoyeke t\u00eako\u015f\u00een\u00ea p\u00eanase kir. Em j\u00ee tevl\u00ee b\u00fbn. Em v\u00ea t\u00eako\u015f\u00een\u00ea dime\u015f\u00eenin \u00fb em \u00ea bime\u015f\u00eenin.<\/p>\n Dema ku qala p\u00eavajoya t\u00eako\u015f\u00een\u00ea t\u00ea kirin hinek li bend\u00ea ne ku gelo w\u00ea li ya ber\u00ea vegerin. Gelek derdor li nava rastgir\u00ee \u00fb \u00e7epgiriy\u00ea hene ku li bend\u00ea ne ku PKK li ya ber\u00ea vegere. Ev belasebep li bend\u00ea disekinin. Bendewariyeke b\u00eak\u00ear e. Me guhertin p\u00eak an\u00ee. Em \u00ea t\u00eako\u015f\u00eena v\u00ea j\u00ee dewam bikin. T\u00eako\u015f\u00eena me ya demokrat\u00eekb\u00fbn, \u00e7areseriya siyas\u00ee demokrat\u00eek a pirsgir\u00eaka Kurd w\u00ea li ser bingeha stratejiya siyaseta demokrat\u00eek dewam bike. Ev p\u00eavajoyeke t\u00eako\u015f\u00een\u00ea ye. Me her tim got. Em \u00ea bi t\u00eako\u015f\u00een\u00ea v\u00ee kar\u00ee bime\u015f\u00eenin. Lewma em ne li bend\u00ea ne ku k\u00ee w\u00ea \u00e7i bide. Div\u00ea kes j\u00ee ne li bend\u00ea be. Div\u00ea xwed\u00ee li erk \u00fb berpirsyariy\u00ean xwe derkevin \u00fb t\u00eabiko\u015fin. Div\u00ea em t\u00eako\u015f\u00een\u00ea h\u00een mezin bikin, belav bikin \u00fb bi p\u00ea\u015f ve bibin. W\u00ea dem\u00ea w\u00ea encamek b\u00ea bidestxistin.<\/p>\n Em p\u00eavajoya hey\u00ee ji aliy\u00ea er\u00ean\u00ee ve, ji aliy\u00ea \u00e7alakiyan ve binirx\u00eenin. Li Stenbol\u00ea konferana veguher\u00eena demokrat\u00eek a komar\u00ea hate lidarxistin. Pi\u015ftre li Amed\u00ea Konferansa \u00ceslama Demokrat\u00eek p\u00eak hat. Li Ewropay\u00ea \u00e7alak\u00ee t\u00eane lidarxistin. T\u00eaklidar\u00ee van h\u00fbn dikarin \u00e7i bib\u00eajin?<\/strong><\/p>\n Bel\u00ea, p\u00eavajoya t\u00eako\u015f\u00een\u00ea ye. Lewma t\u00eako\u015f\u00een t\u00ea kirin. P\u00eavajo dime\u015fe. H\u00eaza dewlet, desthilatdar\u00ee, derdor\u00ean fa\u015f\u00eest, neteweperest \u00fb rantxurt ne xwed\u00ee w\u00ea h\u00eaz\u00ea ne ku p\u00eavajoy\u00ea asteng bikin. Em destp\u00eak\u00ea w\u00ea bib\u00eajin. Her ku di\u00e7e bi p\u00ea\u015f ve di\u00e7e, belav dibe. P\u00eavajoya A\u015ft\u00ee \u00fb Civaka Demokrat\u00eek bi t\u00eako\u015f\u00eeneke piral\u00ee bi p\u00ea\u015f ve di\u00e7e. Dikarim v\u00ea yek\u00ea bi zelal\u00ee bib\u00eajim. Hat asteke h\u00een li p\u00ea\u015f \u00fb bi p\u00ea\u015f ve j\u00ee di\u00e7e. Li ser bingeha demokrat\u00eekb\u00fbna Tirkiyey\u00ea \u00fb \u00e7areseriya demokrat\u00eek a pirsgir\u00eaka Kurd p\u00ea\u015fketin\u00ean xurt \u00fb bi bandor dibin. T\u00eako\u015f\u00een di v\u00ea \u00e7ar\u00e7ovey\u00ea de ye. Lewma ti\u015fta ku we an\u00een ziman rast e. T\u00eako\u015f\u00een heye, div\u00ea bi bandor b\u00ea me\u015fandin. T\u00eako\u015f\u00eena di v\u00ea \u00e7ar\u00e7ovey\u00ea de t\u00ea me\u015fandin silav dikim. Serketin\u00ea j\u00ea re dixwazim. Ji her kes\u00ee re v\u00ea dib\u00eajim; div\u00ea em v\u00ea t\u00eako\u015f\u00een\u00ea h\u00een mezin bikin, b\u00eahtir belav bikin, bi r\u00ea \u00fb r\u00eabaz\u00ean n\u00fb \u00fb afir\u00eener bime\u015f\u00eenin. Di t\u00eako\u015f\u00een\u00ea de div\u00ea em encamgir bin. Mirov dikare v\u00ea bib\u00eaje.<\/p>\n Lewma \u00e7alakiy\u00ean gelek\u00ee gir\u00eeng \u00fb bi bandor hene. Beriya her ti\u015ft\u00ee di \u00e7ar\u00e7oveya maf\u00ea h\u00eaviy\u00ea de name ji Kom\u00eeteya Wez\u00eeran a Konseya Ewropay\u00ea re hatin \u015fandin. Ji send\u00eekay\u00ean navnetewey\u00ee, akadem\u00eesyen, rew\u015fenb\u00eer\u00ean ku Xelata Nobel\u00ea wergirtine, ji dehan, sedan kesayetiyan name hatin \u015fandin \u00fb pi\u015ftgir\u00ce ji azadiya f\u00eez\u00eek\u00ee ya R\u00eaber Apo \u00fb serketina p\u00eavajoy\u00ea re hate dayin. Silav\u00ean xwe y\u00ean taybet ji wan re di\u015f\u00eenim. Ev xaleke gir\u00eeng b\u00fb.<\/p>\n Her wiha li Strasbourg\u00ea 14 sal in gel\u00ea Kurd ji bo R\u00eaber Apo di \u00e7alakiya nobeda azadiy\u00ea de ye. Di nava \u00e7alakiya nobeda azadiy\u00ea de ye. Ev \u00e7alakiya d\u00eerok\u00ee derbas\u00ee sala 15’an dibe. Bi rast\u00ee j\u00ee \u00e7alakiya me ya her\u00ee demdir\u00eaj e. Weke gel, weke tevger em dikarin bib\u00eajin \u00e7alakiya azadiy\u00ea ye. Ji ber v\u00ea j\u00ee y\u00ean ku \u00e7alakiy\u00ea dime\u015f\u00eenin, jin, m\u00ear, gel\u00ea me y\u00ea li Ewropay\u00ea ji ber v\u00ea helwest\u00ea p\u00eeroz dikim. Ev helwesteke gelek\u00ee gir\u00eeng e. Israra li ser v\u00ea yek\u00ea, fedakar\u00ee \u00fb hewldana ji bo azadiya f\u00eez\u00eek\u00ee ya R\u00eaber Apo gelek\u00ee bi wate ye. Bawer im ku di sala 15’em\u00een de \u00e7alak\u00ee w\u00ea bi serket\u00ee dewam bike. W\u00ea h\u00een xurt bibe. W\u00ea r\u00eabaz\u00ean n\u00fb l\u00ea z\u00eade bibe. Strasbourg cih, qadeke gir\u00eeng e. \u00c7alakiya li w\u00ea der\u00ea gelek\u00ee bandor\u00ea li Ewropay\u00ea dike. Ji ber v\u00ea j\u00ee di salveger\u00ea de v\u00ea \u00e7alakiy\u00ea p\u00eeroz dikim. Di sala 15’em\u00een de \u00e7alakger\u00ean nobeda azad\u00ee ji R\u00eaber Apo re silav dikim, serketin\u00ea ji wan re dixwazim.<\/p>\n Li Tirkiyey\u00ea j\u00ee p\u00ea\u015fketin\u00ean er\u00ean\u00ee dibin. \u00c7alak\u00ee hene. Hate ragihandin ku w\u00ea di 27-28’\u00ea Hez\u00eeran\u00ea de b\u00eane lidarxistin. Li Mers\u00een, Stenbol, AMed \u00fb Wan\u00ea. Hewldan hene. Dem bi dem t\u00eane lidarxistin. Gir\u00eeng e. Serkretin\u00ea ji wan re dixwazim, silav dikim. Ez bawer dikim ku w\u00ea xurt bin, div\u00ea xurt bin. Div\u00ea civaka Kurd karibe helwest\u00ea n\u00ee\u015fan bide. Div\u00ea ney\u00ea gotin ku encam ji van \u00e7alakiyan nay\u00ea. Bandora xwe gir\u00eeng e. Div\u00ea v\u00ea yek\u00ea zanibe \u00fb \u00e7alak\u00ee bi rengek\u00ee h\u00een mezintir b\u00eane lidarxistin. Di heman dem\u00ea d n\u00eeqa\u015f hene. Konferans\u00ean gir\u00eeng li Stenbol \u00fb Amed\u00ea hatin lidarxistin. Di 13-14’\u00ea Hez\u00eeran\u00ea de konferansa veguher\u00eena demokrat\u00eek a di sedsala duyem\u00een a komar\u00ea de p\u00eak hat, ku gelek\u00ee gir\u00eeng b\u00fb. N\u00eeqa\u015f\u00ean gelek\u00ee h\u00eaja \u00fb cid\u00ee hatin kirin. Agahiy\u00ean n\u00fb hatin destn\u00ee\u015fankirin. N\u00ear\u00een hatin parvekirin. Ji w\u00ea j\u00ee w\u00eadetir r\u00eay\u00ean \u00e7areseriy\u00ea hatin vegotin. Hate ragihandin ku div\u00ea fikir derbas\u00ee prat\u00eek\u00ea bibe. Li ser v\u00ea bingeh\u00ea qala Tifaqa Komara Demokrat\u00eek, Tevgera Komara Demokrat\u00eek hate kirin. Em di w\u00ea baweriy\u00ea de ne ku p\u00ea\u015fketin\u00ean bi v\u00ee reng\u00ee w\u00ea ji w\u00ea konferans\u00ea derkevin. Bi rast\u00ee j\u00ee di sedsala duyem\u00een de veguher\u00eena Komar\u00ea \u015fert e. Eger Komara Tirkiyey\u00ea ji aliy\u00ea demokrat\u00eek ve veneguhere di sedsala duyem\u00een de nikare bim\u00eene. Div\u00ea her kes v\u00ea zanibe, qeb\u00fbl bike. Div\u00ea ney\u00ea gotin ku weke sed sala yekem\u00een em \u00ea dewam bikin. Bi gelek zor \u00fb zehmetiyan hat heta niha.<\/p>\n TEN\u00ca DEMOKRAT\u00ceKB\u00dbN DIKARE CIVAKA TIRKIYEY\u00ca BIGIH\u00ceNE PA\u015eEROJ\u00ca<\/strong><\/p>\n Di merc\u00ean hey\u00ee y\u00ean c\u00eehan\u00ea, merc\u00ean \u015fer \u00ea her\u00eam\u00ea de qala pirsgir\u00eaka mayindeb\u00fbn\u00ea t\u00ea kirin. Naxwazim van dubare bikim, l\u00ea bel\u00ea ten\u00ea demokrat\u00eekb\u00fbn dikare civaka Tirkiyey\u00ea bigih\u00eene pa\u015feroj\u00ea. W\u00ea Tirkiyey\u00ea n\u00fb bike, di nava \u00eari\u015fan de li ser piyan bih\u00eale, bipar\u00eaze \u00fb bime\u015f\u00eene. Ji ber v\u00ea j\u00ee demokrat\u00eekb\u00fbn, veguher\u00eena demokrat\u00eek div\u00ea. Komara neteweperest, la\u00eek a CHP’\u00ea heb\u00fb. Dema destp\u00eak\u00ea bi v\u00ee reng\u00ee derbas b\u00fb. Niha Komara neteweperest olperest a AKP’\u00ea heye. Ev feraset \u00ead\u00ee derbas b\u00fb. Neteweperestiya la\u00eek j\u00ee, neteweperestiya ol\u00ee j\u00ee dema xwe tij\u00ee kirine. \u00cad\u00ee demokrat\u00eekb\u00fbn div\u00ea. Div\u00ea hem\u00fb p\u00eal demokrat\u00eek bibin. Neteweperest\u00ee j\u00ee div\u00ea demokrat\u00eek bibe. Sosyal\u00eezm j\u00ee div\u00ea demokrat\u00eek bibe. Demokrasiya civak\u00ee ji xwe div\u00ea xwe p\u00eanase bike. \u00ceslam j\u00ee div\u00ea demokrat\u00eek bibe. Ten\u00ea mejiy\u00ea demokrat\u00eek dikare van \u00eedeolojiyan dewam bike, n\u00fb bike, bike yek. Ten\u00ea di nava atmosfera siyaseta demokrat\u00eek de ev dikarein bi hev re wel\u00eat, civak\u00ea bi r\u00ea ve bibin.<\/p>\n Di v\u00ea \u00e7ar\u00e7ovey\u00ea de Konferansa \u00ceslama Demokrat\u00eek a li Amed\u00ea gelek\u00ee h\u00eaja b\u00fb. Cewhera demokrat\u00eek a \u00ceslam\u00ea li ser bingeha Peymana Med\u00eeney\u00ea hate destn\u00ee\u015fankirin. Me hewl da bi\u015fop\u00eenin. Li ser v\u00ea bingeh\u00ea hate ragihandin ku \u00ceslameke ji dewlet \u00fb desthilatdariy\u00ea d\u00fbrket\u00ee, \u00ceslameke gir\u00eaday\u00ee civak\u00ea, \u00ceslama demokrat\u00eek h\u00eaza bingeh\u00een a civaka demokrat\u00eek e. Gelek\u00ee gir\u00eeng \u00fb bi wate b\u00fb. Bi v\u00ee reng\u00ee di n\u00eeqa\u015fan de hate n\u00ee\u015fandan ku di avakirinan civaka demokrat\u00eek de n\u00eaz\u00eekatiya demokrat\u00eek a li ol \u00e7iqas\u00ee gir\u00eeng e, bi wate ye \u00fb demokrat\u00eekb\u00fbna hem\u00fb olan \u00e7iqas\u00ee p\u00eaw\u00eest e. N\u00ee\u015fan da ku civaka demokrat\u00eek bi \u00e7i reng\u00ee dikare b\u00ea afirandin. Hem veguher\u00eena demokrat\u00eek a komar\u00ea hem j\u00ee bir\u00eaxistinb\u00fbna civaka demokrat\u00eek merc\u00ean p\u00eakhatina entegrasyona demokrat\u00eek n\u00ee\u015fan\u00ee me dide. Eger komara demokrat\u00eek \u00fb avakirina civaka demokrat\u00eek p\u00eak were, entegrasyona demokrat\u00eek ten\u00ea di nava van de dikare bibe.<\/p>\n Ji bo entegrasyona demokrat\u00eek p\u00eaw\u00eest\u00ee bi komara demokrat\u00eek \u00fb civaka demokrat\u00eek heye. Bi v\u00ea konferans\u00ea re ev yek hate n\u00ee\u015fandan. Div\u00ea ev dewam bikin, n\u00eeqa\u015f b\u00eane kirin. P\u00eavajoya A\u015ft\u00ee \u00fb Civaka Demokrat\u00eek p\u00ea\u015f\u00ee li van n\u00eeqa\u015fan vekir. Ziman\u00ea wan veb\u00fb, asteng\u00ee, qedexe ji hol\u00ea rab\u00fbn. Rew\u015fenb\u00eer diaxivin, derdor\u00ean \u00ceslam\u00ee diaxivin, ciwan diaxivin, jin diaxivin. B\u00ea navber civ\u00een, n\u00eeqa\u015f t\u00eane kirin. Li pa\u015feroja Tirkiyey\u00ea digerin. Li pa\u015feroja Kurdan digerin. Ji v\u00ea ba\u015ftir nabe. Ya ku div\u00ea bibe ev e. M\u00eenaka her\u00ee \u015f\u00eanber a ku em n\u00ee\u015fan\u00ee wan derdoran bidin \u00ean ku tim\u00ee bi ney\u00een\u00ee li P\u00eavajoya A\u015ft\u00ee \u00fb Civaka Demokrat\u00eek dinih\u00earin ev e. P\u00eavajoya A\u015ft\u00ee \u00fb Civaka Demokrat\u00eek dime\u015fe. Li ser bingeha p\u00ea\u015f\u00eevekirin\u00ea dime\u015fe. P\u00ea\u015fketinan diafifr\u00eene \u00fb dime\u015fe. Zziman veb\u00fb, h\u00eav\u00ee da, bawer\u00ee da mirovan. Mirov diaxivin, bi h\u00eav\u00ee li pa\u015feroj\u00ea dinih\u00earin, baweriy\u00ea bi xwe t\u00eenin. Ev gelek\u00ee gir\u00eeng e. Em di w\u00ea baweriy\u00ea de ne ku li ser v\u00ea bingeh\u00ea t\u00eako\u015f\u00een w\u00ea h\u00een mezin bibe, bi p\u00ea\u015f bikeve \u00fb belav bibe.<\/p>\n Bang li her kes\u00ee dikim ku li ser bingeha P\u00eavajoya A\u015ft\u00ee \u00fb Civaka Demokrat\u00eek xwed\u00ee li wez\u00eefe \u00fb berpirsyariy\u00ean xwe derkevin \u00fb bi serket\u00ee bi cih b\u00eenin. J\u0130 xwe ev ji me re dihate gotin: T\u00eako\u015f\u00eena \u00e7ekdar\u00ee dibe asteeng. Me j\u00ee sekinand, de fermo. Li ser bingeha siyaseta demokrat\u00eek bila her kes wez\u00eefeya xwe bike. Ya rast di w\u00ea \u00e7alakiya \u015fewitandina \u00e7ekan de dema ku envantera \u00e7ekan ji berpirsyar\u00ea \u00ceHD’\u00ea re hate dayin, daxuyaniy\u00ean ba\u015f kirin. Gotin, ‘Ne ten\u00ea l\u00eeste dan me; wez\u00eefe \u00fb berpirsyar\u00ee j\u00ee dan me’. Gotin, ‘Vaye berpirsyariya siyaseta demokrat\u00eek, t\u00eako\u015f\u00eena siyas\u00ee ya we ye, em radest\u00ee we dikin’. Daxuyaniyeke rast b\u00fb, f\u00eahmkirineke rast b\u00fb. W\u00ea dem\u00ea bila p\u00eaw\u00eestiy\u00ean w\u00ea bi cih b\u00eane an\u00een. Em wek\u00ee din \u00e7i bib\u00eajin? Div\u00ea her kes li ser v\u00ea bingeh\u00ea n\u00eaz\u00eek bibe, wez\u00eefe \u00fb berpirsyariy\u00ean xwe y\u00ean li p\u00ea\u015fber\u00ee p\u00eavajoy\u00ea di prat\u00eek\u00ea de bi serket\u00ee bi cih b\u00eenin.<\/p>\n Dema ku p\u00eavajoy\u00ea destp\u00ea kir, hate gotin ku div\u00ea aliyek\u00ee s\u00eayem\u00een hebe, n\u00eeqa\u015feke bi v\u00ee reng\u00ee heb\u00fb. Di rapora Parlamenta Ewropay\u00ea de j\u00ee qala v\u00ea yek\u00ea t\u00ea kirin. T\u00ea gotin ku dikare bibe navbeynkar. Her wiha ji Elmanyay\u00ea j\u00ee daxuyaniy\u00ean bi v\u00ee reng\u00ee hat. Li ser heb\u00fbna aliyek\u00ee s\u00eayem\u00een gelo n\u00ear\u00eena we \u00e7i ye? P\u00eaw\u00eest\u00ee bi aliyek\u00ee s\u00eayem\u00een ji bo p\u00eavajoy\u00ea heye?<\/strong><\/p>\n Bel\u00ea, daxwaz\u00ean bi v\u00ee reng\u00ee hene \u00fb dema dawiy\u00ea z\u00eadetir b\u00fb. P\u00eavajoy\u00ea p\u00ea\u015f\u00ee li w\u00ea j\u00ee vekir. Lewma ev bandoreke P\u00eavajoya A\u015ft\u00ee \u00fb Civaka Demokrat\u00eek e. Konferans t\u00eane lidarxistin, me\u015f p\u00eak t\u00ean. Li hundir \u00fb derve rew\u015fenb\u00eer, akadem\u00eesyen, her kes tevl\u00ee t\u00eako\u015f\u00een\u00ea dibin. Ev hem\u00fb berhem\u00ean P\u00eavajoya A\u015ft\u00ee \u00fb Civaka Demokrat\u00eek e. Div\u00ea bi v\u00ee reng\u00ee b\u00ea d\u00eetin. Niha bang\u00ean bi v\u00ee reng\u00ee \u0131hatin kirin. Herhal ev d\u00eetin. Ev kar dime\u015fe, w\u00ea hinek bime\u015f\u00eene. Em i derve nem\u00eenin. Reflekseke bi v\u00ee reng\u00ee derkete hol\u00ea. Ti\u015ft\u00ean bi v\u00ee reng\u00ee hene. Helwesta Wezareta Kar\u00ean Derve ya Elman li rojnameya Ozgur Pol\u00eet\u00eekay\u00ea hate we\u015fandin. Peymanek beriya 30 salan, di sala 1996’an de bi R\u00eaber Apo re hate \u00eemzekirin, metna w\u00ea we\u015fandin. Bang heb\u00fb, daxwaz heb\u00fb. Bi gotina, bila bibe navbeynkar, p\u00eavajoya a\u015ft\u00ee \u00fb \u00e7areseriy\u00ea bi p\u00ea\u015f bikeve. R\u00eaber Apo ji w\u00ea dem\u00ea ve dixebit\u00ee. Ev ne p\u00eavajoyeke ku niha destp\u00ea kiriye. P\u00eavajoyeke ji 30-35 salan e. Pi\u015ft\u00ee ku ew hate we\u015fandin \u00fb pirs\u00ean bi v\u00ee reng\u00ee hate kirin, Wezareta Kar\u00ean Derve ya Elman bang kir. Got, eger daxwaz b\u00ea kirin em \u00ea pi\u015ftgiriy\u00ea bidin, bibin navbeynkar. Parlamenta Ewropay\u00ea j\u00ee heman ti\u015ft got. Saziy\u00ean cuda j\u00ee hene. Saziy\u00ean ku dewlet\u00ean Ewropay\u00ea eleqedar dikin. Li Ewropay\u00ea meyleke bi v\u00ee reng\u00ee heye.<\/p>\n Em ji bo v\u00ea \u00e7i bib\u00eajin? Em ne li dij\u00ee ti\u015ft\u00ean bi v\u00ee reng\u00ee ne. Dikare bibe, em nabin asteng. L\u00ea ten\u00ea bi daxwaza me nabe. Ti\u015ft\u00ean bi v\u00ee reng\u00ee bi esas\u00ee bi helwesta Tirkiyey\u00ea ve gir\u00eaday\u00ee ye. Div\u00ea bi wir re eleqedar bibin. Bang\u00ean wan ji wir re be. Em spasiya her kes\u00ee dikin \u00ean ku ji bo demokrat\u00eekb\u00fbna Tirkiyey\u00ea, ji bo \u00e7areseriya demokrat\u00eek a pirsgir\u00eaka Kurd hewl didin. Em her hewldan\u00ea h\u00eaja dib\u00eenin. Bi wate dib\u00eenin \u00fb q\u00eemet\u00ea didin her hewldan\u00ea. L\u00ea bel\u00ea ten\u00ea bi daxwaza me ev mijar nabe. Div\u00ea aliy\u00ea hember j\u00ee bike, Tirkiye bike. L\u00ea di vir de v\u00ea bib\u00eajim. Eger Tirkiye b\u00ea nuqteya ku v\u00ea daxwaz\u00ea bike, ji xwe p\u00eaw\u00eest\u00ee w\u00ea bi xwestin\u00ea nem\u00eene. W\u00ea bi xwe pirsgir\u00eak\u00ea \u00e7areser bike. Pirsgir\u00eak gih\u00ee\u015ftina Tirkiyey\u00ea ya li v\u00ea nuqtey\u00ea ye. Eger Tirkiye \u00e7areseriy\u00ea bike ne p\u00eaw\u00eest\u00ee bi Parlamenta Ewropay\u00ea ne bi dewleta Elman, ne j\u00ee bi cihek\u00ee din dim\u00eene. Mesele ew e ku dema nehat pol\u00eet\u00eeka \u00fb feraseta \u00e7areseriy\u00ea pol\u00eet\u00eeka \u00fb feraseteke bi v\u00ee reng\u00ee b\u00ea afirandin, hewldaneke bi v\u00ee reng\u00ee b\u00ea kirin. Naxwe wateyeke xwe n\u00eene ku b\u00ea gotin, \u00e7areser\u00ee dibe ez j\u00ee tevl\u00ee bibim.<\/p>\n Ji ber v\u00ea dikare ji Tirkiyey\u00ea b\u00ea xwestin. Ne ten\u00ea ji Tirkiyey\u00ea bixwazin. Eger bi rast\u00ee j\u00ee ji van baawer dike, div\u00ea t\u00eako\u015f\u00eeneke bi v\u00ee reng\u00ee bime\u015f\u00eenin. Di t\u00eakiliy\u00ean xwe y\u00ean bi Tirkiyey\u00ea re div\u00ea qala van bikin. Div\u00ea qala pirsgir\u00eaka \u00e7and\u00ea bikin, pirsgir\u00eaka demokrasiy\u00ea bikin. Gelek t\u00eakil\u00ee \u00fb tifaq\u00ean xwe hene. Tirkiye ne li dervey\u00ee Ewropay\u00ea ye, bi her ti\u015ft\u00ean xwe bi Ewropay\u00ea dime\u015fe. Bi r\u00eaveberiya hey\u00ee re bi h\u00easan\u00ee dixebitin. L\u00ea bel\u00ea eger bi rast\u00ee j\u00ee dixwazin hin ti\u015ftan bikin, dikarin niha bikin. L\u00ea wel\u00ea nakin. W\u00ea \u00e7i bibe, Tiriye w\u00ea bib\u00eaje ez v\u00ee kar\u00ee dikim, h\u00fbn j\u00ee werin tevl\u00ee bibin? Ji xwe bi xwe dike. Wateyeke w\u00ea n\u00eene. Lewma bang\u00ean Ewropay\u00ea hevgirt\u00ee n\u00eenin. Div\u00ea h\u00een bi bandor t\u00eabiko\u015fin. Ji xwe Ewropa ji v\u00ea meseley\u00ea berpirsyar e. Ewropay\u00ea ev mesele afirand. \u00cengilistan \u00fb Fransay\u00ea afirand. Li ser Tirkiyey\u00ea, \u00ceran\u00ea, filan \u00fb b\u00eavan hi\u015ft. L\u00ea bel\u00ea y\u00ean ku bi esas\u00ee afirandin ew in. Em bi v\u00ea zanin. Wek\u00ee din, R\u00eaber Apo ji s\u00eenor\u00ea Elman vegerandin \u00fb \u015fandin \u00cemraliy\u00ea. Serokwez\u00eer\u00ea \u00cetalyay\u00ea Massimo D’Alema \u00e7\u00fb Elmanyay\u00ea, \u00e7\u00fb Fransay\u00ea. Got, em konferansa Kurd lidar bixin, dema ku R\u00eaber Apo li Romay\u00ea b\u00fb. Elmanya j\u00ee Fransa j\u00ee ev red kirin w\u00ea dem\u00ea. Qeb\u00fbl nekirin. Eger qeb\u00fbl bikira w\u00ea p\u00eavajoyeke bi v\u00ee reng\u00ee r\u00fb nedab\u00fbya. Ewropa w\u00ea di \u00e7areseriy\u00ea de bi bandor b\u00fbya.<\/p>\n EWROPAY\u00ca EV PIRSGIR\u00caK AFIRAND, DIV\u00ca BI BERPIRSYARIYA \u00c7ARESERIYA W\u00ca RABE<\/strong><\/p>\n R\u00eaber Apo bi \u00e7\u00fby\u00eena Romay\u00ea re ji bo \u00e7areseriya demokrat\u00eek a pirsgir\u00eaka Kurd \u00een\u00eesiyat\u00eef ji Ewropay\u00ea re amade kir, ava kir. Li ser sifreya z\u00ear\u00een derfetek p\u00ea\u015fk\u00ea\u015f kir. L\u00ea red kirin. Elmanyay\u00ea biryara girtina R\u00eaber Apo da. Bi esas\u00ee diviyab\u00fb ji Romay\u00ea bigirta \u00fb bibira Elmanyay\u00ea. Pi\u015ft\u00ee ku R\u00eaber Apo daket Romay\u00ea biryara girtin\u00ea tavil\u00ea rakirin. Qedexeya ketina Elmanyay\u00ea dan\u00een. Weke mirov\u00ea nay\u00ea xwestin \u00eelan kirin. Wez\u00eer\u00ea Kar\u00ean Derve y\u00ea Elmanyay\u00ea div\u00ea van j\u00ee bixe rojev\u00ea, zanibe, l\u00eakol\u00een bike. Gelo t\u00eakildar\u00ee van nirxandineke xwe heye? Xwerexnekirinek heye? L\u00eabor\u00een\u00ea dixwaze ji ber van kiryar\u00ean xwe? Ber\u00ea \u00e7awa n\u00eaz\u00eek b\u00fbn? Derdor\u00ean bi v\u00ee reng\u00ee pi\u015ft\u00ee ku helwestek bi v\u00ee reng\u00ee n\u00ee\u015fandan \u00fb gotin em \u00ea pi\u015ftgiriy\u00ea bidin, R\u00eaber Apo ev ji wan re gotib\u00fb; ‘Bila nebin si, em ti\u015ftek\u00ee din ji wan naxwazin’. Hema bib\u00eaje me gih\u00ee\u015ftine w\u00ea poz\u00eesyon\u00ea ku heman ti\u015ft\u00ee bib\u00eajin. Ji ber v\u00ea j\u00ee p\u00eanaseya ‘Eger daxwaz b\u00ea kirin em b\u00ea bikin’ p\u00eanaseyeke rast n\u00eene. Dixwazim w\u00ea veb\u00eajim. Ev n\u00eaz\u00eekat\u00ee div\u00ea biguhere.<\/p>\n Eger bi rast\u00ee j\u00ee dixwazin bibin al\u00eekar, pi\u015ftevan, eger bi rast\u00ee j\u00ee dixwazin ji demokrat\u00eekb\u00fbna Tirkiyey\u00ea, \u00e7areseriya pirsgir\u00eaka Kurd re bibin al\u00eekar hing\u00ee gelek firsend \u00fb derfet li ber dest\u00ea wan hene. Bi gelek r\u00ea \u00fb r\u00eabazan dikarin bikin. Y\u00ea bixwaze bike w\u00ea bike. Ji ber ku z\u00eade naxwazin ti\u015ft\u00ean bi v\u00ee reng\u00ee dib\u00eajin. Lewma em hevgirt\u00ee nab\u00eenin. Div\u00ea h\u00een hevgirt\u00ee bin. Hatiye v\u00ea nuqtey\u00ea. P\u00eavajoya A\u015ft\u00ee \u00fb Civaka Demokrat\u00eek di v\u00ea ast\u00ea de ye. Ewropay\u00ea ji Tirkiyey\u00ea b\u00eahtir ji PKK’\u00ea re digot r\u00eaxistina teror\u00ea ye \u00fb \u00eari\u015f dikir. Vaye PKK’\u00ea xwe fesix kir, ji hol\u00ea rakir. Yek\u00eetiya Ewropay\u00ea li ser v\u00ea yek\u00ea nirxandineke \u00e7awa kir? Li ser v\u00ea bingeh\u00ea k\u00eejan n\u00eaz\u00eekatiyan n\u00ee\u015fan didin, k\u00eejan biryaran didin, w\u00ea \u00e7i bikin? Em z\u00eade ti\u015ftek\u00ee nab\u00eenin. Li benda Tirkiyey\u00ea ne. Pi\u015ft\u00ee ku Tiriye bike w\u00ea bib\u00eajim em dikin. Ya ku Tirkiye dike w\u00ea qeb\u00fbl bikin. Pi\u015ft\u00ee ku Tirkiyey\u00ea kir, ma w\u00ea \u00e7i p\u00eaw\u00eest\u00ee bi Ewropay\u00ea bim\u00eene? Ya gir\u00eeng ew e ku dema nehat kirin kar b\u00ea kirin, ji bo v\u00ea hewl b\u00ea dayin. J\u0130 ber v\u00ea yek\u00ea p\u00eaw\u00eeste cid\u00ee \u00fb rast bin. Div\u00ea hewldan\u00ean xwe h\u00een z\u00eade bikin.<\/p>\n Ne ku li benda banga hinekan bim\u00eene, div\u00ea Ewropa bi berpirsyariya \u00e7areserkirina v\u00ea pirsgir\u00eak\u00ea rabe ku bi xwe afirandiye. Div\u00ea dest ji pol\u00eet\u00eekaya berjewendiya di ser Kurdan re berde. H\u00een j\u00ee hewl dide ji aliy\u00ea abor\u00ee, bazirganiy\u00ea ve berjewendiy\u00ea j\u00ea werbigire. Ne ku em bi v\u00ea nizanin. Li Rojava komek Kurd hene, xwe dane ser pi\u015fta wan. Hewl didin li ser Kurdan qezenc\u00ea bi dest bixin. Qala veb\u00fbna d\u00eeplomat\u00eek dikin. Ma em nizanin b\u00ea \u00e7i ye? R\u00eaber Apo ji bo v\u00ea pol\u00eet\u00eekay\u00ea got ‘Ji k\u00eevro\u015fk re dib\u00eajin bireve, ji taj\u00ee re j\u00ee dib\u00eaje bigire’. Div\u00ea yek\u00eetiya Ewropa dest ji v\u00ea pol\u00eet\u00eekay\u00ea berde. Bi rast\u00ee j\u00ee div\u00ea xwed\u00ee li nirx\u00ean demokrat\u00eek derkeve. Div\u00ea bi p\u00eevan \u00fb nirx\u00ean demokrat\u00eek n\u00eaz\u00ee Kurdan bibe.<\/p>\n Dema ku we behsa p\u00eavajoy\u00ea kir, we bal ki\u015fand ser nediyariya hey\u00ee. Cihek\u00ee din a ku nediyar\u00ee l\u00ea heye, rew\u015fa DYE \u00fb \u00ceran\u00ea ye. Behsa peymanek\u00ea t\u00ea kirin, l\u00ea li wir j\u00ee pir nediyar\u00ee hene. Niha peymaneke wiha heye, l\u00ea \u00ceran di hundir de zext\u00ean cid\u00ee p\u00eak t\u00eene. H\u00eena darvekirin dewam dikin. Gelo em dikarin v\u00ea rew\u015fa hey\u00ee ji bo \u00ceran\u00ea t\u00earker bib\u00eenin? Gelo \u00ceran bi v\u00ee reng\u00ee dikare xwe ji bo siberoj\u00ea rizgar bike?<\/strong><\/p>\n Niha yek, \u015fer\u00ea navbera DYE-\u00cesra\u00eel \u00fb \u00ceran\u00ea \u015fer\u00ea gel\u00ean \u00ceran\u00ea neb\u00fb. \u015eer\u00ea gel\u00ean Rojhilata Nav\u00een neb\u00fb. \u015eer\u00ea berjewendiy\u00ean s\u00eestema modern\u00eeteya kap\u00eetal\u00eest, desthilatdar\u00ee \u00fb s\u00eestema dewlet\u00ea b\u00fb. Jixwe li ser bazirganiya li Kendava Hurmuz\u00ea k\u00eel\u00eet b\u00fb. Em dib\u00eenin. Div\u00ea ev were tesp\u00eetkirin. Ji w\u00ee al\u00ee ve ev derdor bi rast\u00ee j\u00ee ger \u015fer rawest\u00eenin, bila demildest rawest\u00eenin. P\u00eadiviya civakan bi \u00a0v\u00ea heye. Gel\u00ean \u00ceran\u00ea ji ber zirar\u00ean v\u00ee \u015fer\u00ee bi dehan sal pa\u015f \u00e7\u00fbn. Gelo d\u00ea v\u00ea \u00e7awa telaf\u00ee bikin? Bi reng\u00ea ku em peyman\u00ea \u00e7\u00eadikin \u00fb hevd\u00eetin \u00e7\u00eadibin, we\u015fan\u00ea dikin. \u00c7i diqewime, pir ne diyar e, ya rast z\u00eade bawer\u00ee j\u00ee nade. Mij\u00fblkirin heye, h\u00eele heye, berjewend\u00ee heye. Di dema w\u00ee \u015fer\u00ee de \u00e7awa b\u00eap\u00eevan h\u00eaza tekn\u00eek\u00ea ya tuneker \u00fb \u00e7ek bi kar an\u00een.<\/p>\n Wiha bi rengek\u00ee hilwe\u015f\u00eener. Niha bi r\u00eaya d\u00eeplomas\u00ee \u00fb siyaset\u00ea j\u00ee mij\u00fbl dikin. Bila mij\u00fbl nekin. Eger peyman\u00ea \u00e7\u00eadikin, bila demildest \u00e7\u00eabikin. Gel\u00ean Rojhilata Nav\u00een \u00fb \u00ceran\u00ea v\u00ea dixwazin. Ez dikarim v\u00ea zelal b\u00eajim. Dikarin b\u00eajin, gelo ma tu n\u00fbner\u00ee? L\u00ea ez j\u00ee kesek\u00ee li vir dij\u00eem e. K\u00eam z\u00eade ez dikarim kes\u00ean li Rojhilata Nav\u00een dij\u00een, \u00e7i dixwazin. Lewma ya her\u00ee rast, di z\u00fbtir\u00een dem de \u015fer were rawestandin. Ev yek w\u00ea p\u00ea\u015fiya gel\u00ean \u00ceran\u00ea veke. W\u00ea neh\u00eale \u00ceran z\u00eadetir zirar bib\u00eene.<\/p>\n Ya duyem, DYE\u2019y\u00ea li \u00cesra\u00eel\u00ea gotina xwe got. Hem\u00fb h\u00eaza tekn\u00eek\u00ea bi kar an\u00een. \u00ceran j\u00ee \u00fb \u00cesra\u00eel-DYE j\u00ee serketin \u00eelan kirin. L\u00ea \u00e7awa b\u00fb serketin? \u00c7awa du al\u00ee ji \u015ferek\u00ee serket\u00ee derdikevin? Ne derketin. Di rastiy\u00ea de k\u00ee serket\u00ee derket? \u015e\u00eerket\u00ean \u00e7ekan, tekel\u00ean wan bi serket\u00ee derketin. Y\u00ean her\u00ee z\u00eade ji \u015fer qezenc kirin, tekel\u00ean \u00e7ekan b\u00fbn. Em dikarin v\u00ea zelal b\u00eajin. L\u00ea di v\u00ee war\u00ee de rej\u00eema \u00ceran\u00ea j\u00ee bi p\u00eakan\u00een\u00ean li ser gel gotina xwe got. DYE \u00fb \u00cesra\u00eel\u00ea j\u00ee bi \u00ear\u00ee\u015f\u00ean xwe got. L\u00ea \u00ead\u00ee bes e. Ya din j\u00ee gotin\u00ean civaka \u00ceran\u00ea hene. Bila v\u00ee \u015fer\u00ee rawest\u00eenin ku em bin\u00earin \u00fb bizanin ka civaka \u00ceran\u00ea \u00e7i dib\u00eaje. Bila daxwaz \u00fb fikr\u00ean gel\u00ean \u00ceran\u00ea derkevin hol\u00ea. Bila cihek hebe ku ew gotin\u00ean xwe l\u00ea b\u00eajin. Ev gir\u00eeng e. Ev gotin w\u00ea di k\u00eejan al\u00ee de bin? DYE nizanim dib\u00eaje, ez \u00ea v\u00ea bigirim. Rej\u00eema \u00ceran\u00ea dib\u00eaje ez \u00ea wisa bikim. Civaka \u00ceran\u00ea w\u00ea demokrasiy\u00ea bixwaze. Teqez w\u00ea veguher\u00eena demokrat\u00eek bixwaze.<\/p>\n Ya s\u00eayem, ev \u015fer qewim\u00ee, hinek ti\u015ft qewim\u00een. \u00ceran hate guhertin, t\u00ea guhertin. Teqez w\u00ea h\u00een z\u00eadetir were guhertin. T\u00eakildar\u00ee v\u00ea yek\u00ea dem \u00e7awa \u00e7\u00eadibe, w\u00ea bi k\u00eejan r\u00eabazan p\u00ea\u015f bikeve, em nizanin. L\u00ea w\u00ea li \u00ceran\u00ea guhertin, veguhertin \u00e7\u00eabibe. Ya ber\u00ea nikare \u00ead\u00ee bij\u00ee. W\u00ea k\u00ee bide jiy\u00een? Ma ev p\u00eakan e? Niha mirov dikare n\u00eaz\u00eekatiy\u00ean DYE\u2019y\u00ea j\u00ee weke hewldana ji bo hinek\u00ee ya hey\u00ee bide jiy\u00een, binirx\u00eene. Ditirse, gelo eger hilwe\u015fe w\u00ea \u00e7i bike? Dibe li ser wan j\u00ee hilwe\u015fe, di bin hilwe\u015f\u00een\u00ea de bim\u00eenin. Mirov dikare bifikire ku w\u00ea tirs\u00ea dij\u00een. Ev guhertin \u00fb veguhertin, w\u00ea bi reng\u00ea demokrat\u00eek be. Ne m\u00eena p\u00ea\u015fd\u00eetina DYE\u2019y\u00ea w\u00ea monar\u015f\u00ee be, ne j\u00ee w\u00ea m\u00eena Komara \u00ceslama hey\u00ee dewam bike. Guhertin \u00fb veguhertin w\u00ea li ser bingeh\u00ea demokrat\u00eekb\u00fbn\u00ea p\u00eak were. Civaka \u00ceran\u00ea \u00fb gel\u00ean \u00ceran\u00ea demokrasiy\u00ea dixwazin. Civaka ji demokrasiy\u00ea re vekir\u00ee \u00fb amade ye. Civaka ku nirx\u00ean w\u00ea y\u00ean demokrat\u00eek \u00fb zaneb\u00fbna demokrat\u00eek her\u00ee xurt, civaka \u00ceran\u00ea ye. Ji v\u00ee al\u00ee ve \u00ead\u00ee monar\u015f\u00ee j\u00ee hate derbaskirin, dema Komara \u00ceslam\u00ea hate derbaskirin. Ti\u015fta ji bo \u00ceran\u00ea p\u00eaw\u00eest, dema Komara Demokrat\u00eek e. \u00cad\u00ee w\u00ea bibe \u00ceslama demokrat\u00eek.<\/p>\n \u00ceRAN DIV\u00ca JI TI\u015eT\u00caN QEWIM\u00ce, DERS DERBIXE<\/strong><\/p>\n Her\u00ee daw\u00ee ez v\u00ea j\u00ee b\u00eajim, em \u00e7ima van diaxivin. Dewleta \u00ceran\u00ea, molayan, r\u00eaveberiya w\u00ea ewqas\u00ea digot nizanim \u00e7i \u00fb \u00e7i. L\u00ea niha bi Emer\u00eeka re hevd\u00eetin\u00ea, li wir hevd\u00eetin\u00ea, li vir hevd\u00eetin\u00ea dike. Bi gelek derdoran re hevd\u00eetin\u00ea dike. Eger \u00cesra\u00eel bixwaze, d\u00ea bi wan re j\u00ee hevd\u00eetin\u00ea bike. L\u00ea, bi civaka xwe re hevd\u00eetin\u00ea nake. Bi derdor\u00ean siyas\u00ee y\u00ean navxwey\u00ee re hevd\u00eetin\u00ea nake. Mesele, bi n\u00fbner\u00ean Kurdan re hevd\u00eetin\u00ea nake. 15 sal in Kurd bi \u00ceran\u00ea re di poz\u00eesyona agirbest\u00ea de ne \u00fb berpirsyariya me heye. Em h\u00eazeke afir\u00eaner \u00fb xwed\u00ee kontrol a v\u00ea agirbest\u00ea ne. Wisa hate diyarkirin. L\u00ea bi her kes\u00ea re hevd\u00eetin\u00ea dikin, bi Kurdan re hevd\u00eetin\u00ea nakin. Ev nabe.<\/p>\n L\u00ea me j\u00ee dikar\u00ee ev rew\u015f h\u00easan kiriba. Me \u00e7end caran got j\u00ee. Evane hem\u00fb hatin ser\u00ea \u00ceran\u00ea, ji ber ku bi tena ser\u00ea xwe biryar da. Min her tim got. R\u00eaveberiya \u00ceran\u00ea eger pol\u00eet\u00eek tevbigere, rew\u015f\u00ean wiha dernaxe hol\u00ea, dest\u00fbr nade, l\u00ea berevaj\u00ee \u00e7\u00eab\u00fb. Ev qewim\u00ee. Div\u00ea ji vir ders derbixe. Div\u00ea demokrat\u00eek be. Div\u00ea hem\u00fbyan tevl\u00ee bikin. Ji v\u00ee al\u00ee ve me dikar\u00ee rol bil\u00eezin. H\u00eena j\u00ee em di w\u00ea poz\u00eesyon\u00ea de ne. L\u00ea bi \u00e7av\u00ea dijminan li Kurdan \u00fb n\u00fbner\u00ean gel\u00ean din dinerin. Wisa nabe. Div\u00ea teqez li vir guhertin \u00fb sererastkirin, hebe. Em bawer dikin, w\u00ea \u00e7\u00eabibe. Eger di v\u00ee al\u00ee de gav b\u00ean av\u00eatin, em \u00ea h\u00eaz bidin, pi\u015ftgir\u00ee bidin. Dibe ge\u015fedan\u00ean gir\u00eeng j\u00ee biqewimin. Bes bila gav\u00ean demokrat\u00eek hebin.<\/p>\n Gel\u00ean \u00ceran\u00ea sekneke gir\u00eeng raber kirin li dij\u00ee van zehmetiyan. Kurd\u00ean Rojhilat di nava sekneke saxlem de ne. Div\u00ea v\u00ea helwest \u00fb sekna xwe, bi xwe zanekirin \u00fb r\u00eaxistinkirin\u00ea, dewam bikin. L\u00ea em ti\u015ftek\u00ee din j\u00ee z\u00eade bikin. \u00ceran div\u00ea darvekirinan rawest\u00eene. Bi reng\u00ea \u00ceran ten\u00ea ya min e, ez \u00ea her kes\u00ea ji dervey xwe bikujim, nabe. Bi ev qas zext \u00fb darvekirinan, rej\u00eem zirar\u00ea dide xwe. Bi dest\u00ea xwe gora xwe dikolin. L\u00ea bel\u00ea li dij\u00ee \u00ear\u00ee\u015f\u00ean jiderve, civak bi sebir li bend\u00ea ma. Neb\u00fb am\u00fbra ti ti\u015ft\u00ee. L\u00ea niha eger evqas zext, tund\u00ee \u00fb darvekirin li v\u00ea civak\u00ea were ferzkirin, ne diyare ka d\u00ea ji w\u00ea civak\u00ea \u00e7i derkeve. Lewma div\u00ea p\u00eakan\u00een\u00ean zext\u00ea y\u00ean m\u00eena darvekirin\u00ea, k\u00eam bike. Yan w\u00ea di civak\u00ea de bertek \u00e7\u00eabibin. Weke hi\u015fyariyek\u00ea em dikarin v\u00ea b\u00eajin.<\/p>\n