KDP DIXWAZE ÇI BIKE ?
Makaleler / 16 Nisan 2014 Çarşamba Saat 07:15
12 Punto 14 Punto 16 Punto 18 Punto
Carek din mijara me KDP’ye. Berku KDP carek din bi karê ku dike xwe dike rojeva me. Mijar çêkirina hendekên bi kîlometrêyan dirêj ser sinorê Kurdistan’a Rojava’ya.

Carek din mijara me KDP’ye. Berku KDP carek din bi karê ku dike xwe dike rojeva me. Mijar çêkirina hendekên bi kîlometrêyan dirêj ser sinorê Kurdistan’a Rojava’ya.

Îro li Rojava’yê Kurdistan gelê me ji bona destkeftiyên xwe biparêze tajbet li Kobanî hundirî berxwedanek bêhempa da yê. Gelê me yê Kobanî hemberî tevahî çeteyên tekoşînek dide. Ev çeteyên ku îro erîşek dijwar ser Kobanî dibin, milê dewleta Tirk ve tên parastin. Heta milê dewleta Tirk ve tên arestekirin. Bi çek, bi pere, bi piştpalkirin van çeteyan tahrîk dikin da ku di jî Şoreşa Rojava derbikevin.

Pir bi watedare ku dewleta Tirk li milêkê ve siyaseta qirêj dimeşîne, milek din jî amadekariyek dike ku destverdana Şoreşa Rojava’yê Kurdistan bike. Ji bona vê ser sinorê Rojava amedekariyên xwe dike. Ji bona vê hendekan çêdike. Dîsanî demek berê jî tepînk ango mayin li ser vî sinorî rakirîbûn. Niha hêna baştir fem dibe ku dewleta Tirk –eger DAÎŞ sernekeve- wê demê yê xwe erîşekê bibe ser Rojava. Taybet jî dema dengên rayedarên dewleta tirk ketin medya civakî her tişt hêna zelaltir bû.

Em siyasetên qirêj yên dewletên dagirker fehmdikin. Û pir şaş jî namînin. Berku dagirkerin, erka van jî dagirkirina Kurdistan’yê. Erka van ser Kurdistan zext çekirine. Erka van na naskirina vîna kurdane. Erka van berdevam kirina pergala navnetewîye. Pergala ku Kurdistan red kiriye, pergala ku ticaran Kurd nasnekirine. Bi puxteyî pergala ku Kurd îro jî tine dihasîbîne.

Erê em nêzîkbûnên dewletên dagirker fehmdikin. Lê eger nava Kurdan hinek kes, ango hinek partî, hinek aşîr, hinek kaşo rêvebirên Kurdan jî wek dewletên dagirker tevdigerin, em vê demê ti wate nadin van tiştên qirêt ango hewkariyan, dijmintiyan, nokertiyan û na Kurdîtiyan...

Îro li ser sinorê navbera Kurdistan’a Rojava û Başûre Kurdistan KDP ango PDK xendekek gelek mezin dikole. Bi metroyan kûr û metreyan fireh. Hincet kaşo Kurdên Rojava kolberî ango kacaxî dikin. Da ku vê kolberî nekin KDP ev xendeqe “çêdike”.

Pir balkeşe ku tam jî dema DAÎŞ erîşên pir dijwar dibe ser Kobanî û dîsanî tam jî dema ku dewleta Tirk amedekariyek dike ku erîşek ê bibe ser Kobanî ango Şoreşa Rojava...

Pirr balkêşe ku tam jî demek wiha de KDP jî xendeqa çêdike.

Niha em ê vê rewşê çawa binerxînin? An jî pewîste em çawa bînerxînin?

KDP pir zedetîrîn bin hukme dewleta Tirkiye’ye. Hena rastir bin bandora AKP’ye. Ji bona vê jî di helbijartinan de ji bona AKP kar kir. Hena zedetir ji bo ku AKP serbikeve her tiştêk ku destê van hat jî kirin. Heta kî dijmine tevgera azadiyeyê wan re jî kar kirin. Berku eger li Bakurê Kurdistan tevgera azadî serbikeve wê demê dihizirin ku KDP yê qals bibe. Ji bo ku KDP qals nebe wê demê pêwîste AKP xort bibe ango serbikeve. Yek ev. Lê plansaziya duyemîn hena qirêttirîne. Ev jî plansaziya KDP ser Rojava’ya. KDP dixwaze li Rojava bi bandor bibe, heta dixwaze Rojava bikeve bin hukma malbata Barzaniyan û KDP. Berku seranserî Kurdistan mulke bavên wane.

Gelo KDP yê Rojava çawa bixe destên xwe? Beguman bi alîkariya dewleta Tirk, heta eger Îran rê bide bi alîkariya Îran. Ji bona vê jî KDP ji bo ku Rojava bixe destî xwe çiqas qirêtî heyê dike. Pere didin çeteyan, çek didin çeteyan, yekîtiya Kurdan perçe dikin, dîplomasiya Rojava asteng dikin, ser Rojava ambargoya aborî datînin, qada navnetewî ser Rojava dorpêç dikin, nahelin ku Kurdên Rojava bi rihatî bazara xwe û debara xwe bikin.

Û li ser sinorê Rojava’yê Kurdistan amedekariyek şerekî dijberî Şoreşa Rojava’yê Kurdistan dikin. Vê jî bi xwasteka xwe dikin. Ango na ku tenê AKP dixwazê vê siyaseta qirêj dimeşîne. Na, KDP vê siyaseta qirêj ji bona berjewendiyên xwe yên qirêj dimeşîne. 

Em bala xwe bidinê; milek dewleta Tirk amedekariyên erîşên ser Rojava dike, milê din jî KDP heman amedekariya dike.

Ji bona vê pêwîste her Kurdek bi namus ve baş bizanebe. KDP îro tam di hûndirî rolek pir qirêt de yê. Ji bona berjewendiyên xwe yên malbatî amurek baş yê dewletên navnetewî û dewleta Tirk e.

Carek din em vekirî bejin: KDP îro xwe ji bona erîşek berfireh ser Şoreşa Rojava’yê Kurdistan amede dike. Û vê amedekariya xwe bi AKP re hewra ango paralel dimeşîne. Ji bona wê pêwîste ku her Kurd hember siyasetên wiha qirej şîyar bibe.

Qasım Engîn

Navenda Lêkolînên Stratejîk a Kurdistanê

www.lekolin.org - www.navendalekolin.com -www.lekolin.net - www.lekolin.info

Parveke

TAGS(ETIKETLER):  

Bu Yazıya Henüz Yorum Eklenmemiş.