HEVKARIYA AKP Û KDP LI SER ROJAVA
Serbest Yazılar / 28 Kasım 2013 Perşembe Saat 14:58
12 Punto 14 Punto 16 Punto 18 Punto
Her wiha siyaseta KDP ji bo Rojava destpêkê heya niha wek dijminatiyekê berdevam dike. Lê demên dawî vê siyaseta xwe hîn zedetir dijwar dike. Wek tê zanîn li Rojava hefteya borî, meclîsa avakar ya rêveberiya demî hate damezrandin. Di vê meclîsê de nûnertiya gelên Suriyê tevahî amade bûn.

Li Rojhilata Navîn,  di dîroke de heya niha sîyaseta  desthilatdaran bi  awayên cûrbecûr  berdevam kiriye.  Roja me ya îro jî ev sîyaseta wan li ser şoreşa  Rojavayê Kurdistanê  didome.  Şoreşa Rojava di Rojhilata Navîn de  wek hevsengiyeke diyarker e. Gelek hêzan ji bo ku şoreşa Rojava asteng bikin û vala derxînin pir hewldanên mezin meşandin.  Niha jî  ev sîyaseta zirav berdevam e. Hêzên ku li hember hevdû bi salan dijminatî dikirin jî niha  li Rojava  yekîtiya dijminatiya şoreşa gel dikin. 

Sîyaseta Tirkiyê ya li ser Rojava ne di bin kontrola wê de ye

Tirkiyê  tenê ji bo ku li Rojava şoreş bi sernekeve   hema bêje hêza  xwe hemû da pêş.  Ji destpêkê heya niha  li gel pir hêzan hevkarî kir. Ya ji bo Tirkiyê herî  bi xeter û di demê pêş de Tirkiyê ber bi aloziyên mezin ve bibe  El Qaîde ye.  Tirkiyê tenê ji bo ku li hemberê Kurdan şer bike û berxwedana wan tine bike,  tevî ewqas xetereyên li dijî xwe pek were jî, li gel rexistinek ku ne mirovahî ne  vijdan û ne jî exlaq nas dike re hevkarî kir. Lê ya ku Tirkiyê hesap nekirî  ev rexistina terorîst nakeve bin kontrola tu hêzan.  Niha El Qaîde ji bo Tirkiyê jî bûye tehdîdek mezin û Tirkiyê nikare xwe ji bin vî barî derxe.  Demê pêş jî,  ji bo ku hinek berjewendiyên  xwe pek bîne,  dê Tirkiyê weke maşayekê  bişixulînin. 

KDP şoreşa Rojava qebûl nake

Her wiha siyaseta KDP ji bo Rojava destpêkê heya niha wek dijminatiyekê berdevam dike. Lê demên dawî vê siyaseta  xwe hîn zedetir dijwar dike. Wek tê zanîn li Rojava hefteya borî, meclîsa avakar ya rêveberiya demî hate damezrandin. Di vê meclîsê de nûnertiya gelên Suriyê tevahî amade bûn. 35 rêxistin hatin cem hev. Ji ber ku şoreşa gelên bindest vê dixwaze ku hemû gel nûnertiya xwe bikin.  Lê KDP vê yeke danaqurtîne.  KDP di vê demê de çi dixwaze ew bi xwe jî nizane. Tenê ya ku dike li hember şoreşa gel, li gel hêzên navnetewî peymana çêdike. Ev siyaseta KDP mirov careke din dide fikirandin.  Gotinek her tim tê ser ziman û di vir de jî cihê xwe  digire. Di dîroka Kurdistanê de berxwedan û îxanet bi hev re meşiyaye. Di vir de jî bi awayekî eşkere tê dîtin. Li aliyekî bi  sedan kes ji bo axa xwe jiyana xwe  dest didin û li aliyê din li gel dijmin li hemberê gelê xwe peyman çêdibin. 

Gotina “li Rojava şoreş tine ye” ji bo gelê Kurd û yê ku di berxwedanê de jiyana xwe dest dane, heqaretek mezin e.  Ev nêzîk 3 sal in ku gelê Kurd li Rojava  berxwedaneke dîrokî dimeşîne.  Tevahî çapemeniya cîhanê li ser şoreşa Rojava nûçe çêkirin lê kesek ku dibêje “ez Kurd im,  nûnertiya Kurdan dikim” derdikeve dibêje; “şoreş li Rojava  tine ye.” Ev gotin tê wateya bêçaretiyê ku êdî nikare tiştekî bike û tenê dikare êrişê şoreşa gelan bike.   Lê careke din dubare dibe ku siyaseta ku KDP dike nûnertiya  gelê Kurd nake. 

Ji hêla din ve çûyîna Barzanî ya Tirkiyê di vê dema hestyar de  bi “wate” ye. Piştî  ku meclîsa avakar ya rêveberiya demî hat îlankirin Barzanî ket tevgerê û li gel Tirkiyê li ser hinek xalan peyman çêkir. Di peymanê de yek xal ew bû ku dibêje;

“Rêveberiya Kurd a bakûrê Iraqê (Başûrê Kurdistanê) destûrê nade avakirina rêveberiya ku PYD dixwaze li bakûrê Suriyê (Rojavayê Kurdistanê) ava bike.” Ya rastî çûna Tirkiyê tenê li ser vî bingehî bû.

Dîsa Barzanî wê piştgiriya xwe ya ji bo pêvajoya ku ji aliye AKP ve qet nehatî destpêkirin  bidomîne û xeta boriyên petrola axa Kurdan ku dê di ser Tirkiyê re pêşkêşî cîhanê bê kirin, herî dereng wê di nava mehek an jî mehek û nîvê de bê temamkirin û herikîna petrolê wê destpê bike.

Di bingehê de Barzanî dixwest li Rojava wek hêzeke sereke bê naskirin û li gel PYD tenê partiya ku girêdayî wî (El Partî) peymanan pêkbîne.  Ji bilî El Partî tu parti nasnedikir. PYD jî ev nêzîkatî qebûl nekir. Barzanî dixwaze iqtidara xwe li ser Rojavayê Kurdistanê bide qebûlkirin û dema serneket jî dest bi êrîşan kir.

Nergîz Botan   

Navenda Lêkolînên Stratejîk a Kurdistanê

www.navendalekolin.comwww.lekolin.org -www.lekolin.net - www.lekolin.info

Parveke

TAGS(ETIKETLER):  

Bu Yazıya Henüz Yorum Eklenmemiş.