'Ax Û Av': Mînaka Jiyana Ekolojîk e
Ekoloji / 18 Şubat 2011 Cuma Saat 17:41
12 Punto 14 Punto 16 Punto 18 Punto
Kolektîfa "Ax û Av" ku di bin baneya Şaredariya Wêranarê de hatiye avakirin, dê malên kerpîçan ava bikin. Projeya "Ax û Av" ya Wêranşarê ku bi beşdariya 70'ê malan

Kolektîfa "Ax û Av" ku di bin baneya Şaredariya Wêranarê de hatiye avakirin, dê malên kerpîçan ava bikin. Projeya "Ax û Av" ya Wêranşarê ku bi beşdariya 70'ê malan xebatê dimeşîne dê starda wê di 8'ê Adarê û 21'ê Adarê de bê dayîn. Projeya ku jiyan û civaka ekolojîk armanc dike, dê hemû malbat bi hevre û tifaq bixebitin. Her wiha piştî malên kerpîç bên avakirin, dê li hewşên malan baxçeyên organîk bên çandin.

Kerpîç, li herêma ku deşta wê fireh û germahiya wê zêde li dijî serma û germayê; bi ax, av û kayê tê çêkirin. Heriya ku bi kayê tê stran, di qalibên darînî û 4 qozî de, tê bi teşekirin û piştî ku tê hişkirin di dîwarên avahiyan de tê bikar anîn. Li Rihayhê ku barana wê kêm û havînan germahiya wê zêde ye, gelek zêde tê bikar anîn. Avahiyên deştên Cizîr, Nisêbîn, Qozer, Wêranşar, Serêkaniyê û Harranê li gundan wan bi piranî bi kerpîçan hatine avakirin. Ji ber ku li van deştan havîn dirêj û germa gelek zêde ye, her wiha barana vê herêmê jî kêm e, welatî zêdetir ji bo sazkirina avahiyan amûrê kerpîçan bikar tîne. Hem lêçûna wan, hem jî ked û mesrefa wan pir kêm e. Her malbat bi derfetên xwe dikare ji bo têra xanî û avahiya xwe kerpîçan çêke û avahiya xwe saz bike. Şaredariya Wêranşarê jî bi boneya jiyanek ekolojîk û civakek kolektîf pêş bixe, projeya kolektîfa 'Ax û Av' pêş xist. Şaredariya BDP'î ya Wêranşarê, li Taxa Şirnaxê 35 donim zevî temîn kir û bi alîkariya 70 malan dê xebatê bimeşîne. Her wiha xaniyên ku ji kerpîçan bê avakirin dê li hewşê wan avahiyan baxçeyên organîk bê çandin. Şertên ji bo malbat di vê projeyê de cih bigirin, divê berê xaniyên wan tune be û kadibin di karê projeyê de bixebitin. Malbatên di nava projeyê de cih bigirin û Navenda Çand û Hunerê ya MED'ê têkildarî projeyê civîn pêk anîn. Kordînatorên projeyê diyar kirin ku malbat her tiştî bi derfetên xwe ava dikin û ji bo jiyanek ekolojîk mînak e. Kordînatoran, anî ziman ku di vê projeyê de maf û vîna zarok, jin û hemû endamên malbatê wekhev e û xwezayî ye. Kordinatoran, da zanîn ku her tişt ji ax, av û kayê pêk tê û tu lêçûn û mesrefa wêtune ye. Kordînatoran, da zanîn ku ji bo tenduristiyê jî gelek baş e û di warê parastina ekolojî û derdorê de jî mînaka herî baş e.

Jin û zarok dê xwedî gotin bin

Kordînatorê projeyê Metîn Yegîn diyar dir ku dê vekirina vê xebatê di 8'ê Adarê Roja Jinên Cîhanê û 21'ê Adarê Cejna Newrozê de vekin û wiha got: "Me bi malbatên ku di projeyê de cih bigirin re hevdîtin pêk anîn. Di vê projeyê de hemû zarok û jin dê xwedî vîn û gotin bin. Ev projeyek elolojîk û demokratîk e."

Her tişt xwezayî ye

Yegîn, anî ziman ku her tişt xwezayî ye û kes di vê projeyê de nabe xwedî mulk. Yegin, da zanîn ku armanca wan a bingehîn jiyanek ekolojîk û demokratîk û her wiha civakek bi tifaq û kolektif ava bikin. Yegîn, destnîşan kir ku kolektîfa "Ax û Av" armcan dike ku her kesî têxe nava jiyana xwezayî û ekolojîk û wiha berdewam kir: "Di vê projeyê de zevî ne aydî tu kesî ye. Her wiha dê beton jî neyê bikar anîn. Her tişt dê ji xwezayê be. Ev proje dê bi kedek kolektîf pêk bê. Her kesê ku di nava vê projeyê de cih bigre neçar e di vê projeyê de kedê bide û bixebite. Em armanc dikin ku vê projeyê di 1'ê Gulanê roja Cejna Karkeran de bi dawî bikin."

Dê jiyana hevpar pêş bikeve

Endamê Kolektîfa Ax û Avê Mehmet Ekîncîler jî da zanîn ku ew di projeyê de jiyana hevpar dibîne û baweriya wî ew e ku dê bi vê porejeyê feraseta jiyana hevpar pêş bikeve. Ekîncilar got ku malên bi kerpîç li gorî malên din baştir in û wiha berdewam kir: "Me bi malbata xwe re xwest ku di vê projeyê de cih bigirin. Ez bawer im em ê bi civake nû re jiyaneke hevpar bidin despêkirin. Hilberîner em in. Ji bo jiyana wê derê ez ji niha de pir bi coş im." Hevsera Ekîncîler, Zerga Ekîncîler jî xeyala bi cîranên xwe re dike. Zerga Ekîncîler got ku ew ê bi malbatên Ax û Avê re jiyaneke hevpar bijîn û bi gotinên "dê maleke me û baxçeyeke me hebe" baweriya xwe ya ji bo jiyaneke alternatîf anî ziman. Kurê malbatê Halîl Ekîncîler ê 15 salî jî hestên xwe wiha anî ziman: "Ez ê bi hevalên nû re bim. Li wir ez ê jiyaneke cuda bijîm. Ewil ez li dijî projeyê derketibûm. Lê piştî ku min ev proje fêm kir fikrên min guherî û jê hez kir. Yek jî dibêjin dê ev mal pir xweşik bin. Ez jî pir meraq dikim. Rewşeke cuda û hevaltiyeke nû bi benda me ye."-DÎHA

Navenda Lêkolînên Stratejîk a Kurdistanê

www.navendalekolin.com www.lekolin.org -www.lekolin.net - www.lekolin.info

Parveke

TAGS(ETIKETLER):  

Bu Yazıya Henüz Yorum Eklenmemiş.